Carnavalsvereniging "de Kieveloeët" is opgericht in november 1950.

Hoe 't begón

Um wa mieër lééve in de brouwerééj te kriege, woor vur 't uurst gepròt övver de ópreechting van 'n vastelaovesklub dur Pauke Pluum mi Ger van Rens die dòr in de koost was. Pauke Pluum was de stiemulator, die de mense kèènde en 't iedee hi veurgeli èn versjillende mense. Die vónge 't 'n goej plan, mèr pastoer Schreurs moos wal wéére ingeleecht. Héj was tur in uurste instansie nie veur, umdè de sóndusreust in gevaor zao kanne kómme. Ók burgeméster Sanders was tege; héj daacht èn de openbare orde.

Dè weerhiel de ienietsjatiefnemers dur nie van um dur Beeld van het Kievelmennekete gao. Ze zoochte béj verènniginge en middestand nò mense die mee won doe en óp 16 november 1950 woor "De Kieveloeët" ópgereecht dur Jan Geris, Graad Nijssen, Harrie van Pliers Piet (Verstappen), Pauke Pluum, Wiel van Hermes Hend (Martens), Toon Knapen, Niek Trines, Jan van Dien (Verstappen), Haar van de Kremmer (Verstappen), Tjeu Coumans en Ger van Rens. 't Woor 'ne hechte groep kammerèùj die kéjgoe koosse samewééreke.

Dur woor gezoocht nò tiepies Méélse weurd, zoas 'Kieveloeët' of 'Knaptoeët'. Jan van Dien bedaacht de naam 'Kieveloeët' umdè de vastelaovend moet rolle en 'ne kieveloeët rolt. Ger van Rens tikte de uurste vastelaoveskrant mi zin vraow Jo (1951). De ópbrengst van de advertensies ware de uurste inkómste. In 't begin hi Ger van Rens zich ók bezig gehawe mi 't make van 'n reglement. In 1953 woor héj gevraogd um te assiestere béj de Watersnoodramp. Toen héj in Méél trugkwaam, hi tjie zich utj de Kieveloeët truggetrokke.

't Uurste jaor was dur drék 'ne bónte aovend. Méster Huskes, die tonieëlervaring ha, en de Kajjotters ware erg aktief. Ók Harrie Ronge, de bruurs Philpse, Jet Martens, Mien Geris en Jo Martens kwame óp de planke mi eige gemakte stukskes. Alle aktievietéjte ware in Zaal De Zwaan wòr 'n podiejum was. Jan van Dien sjreef 't urste Méélse liedje "Hé jóng 't is wèr carnaval" (1951). Graad Nijssen woor d'n uurste veurzitter en Jan Geris woor as Prins èngeweze. Dur woor ók 'n boerekepèèl béjmekaar gezoocht en 't begin was tur. De kefees ginge toendertidj um tien ure deecht, mèr ze krege verlenging tot 11 ure. In 1952 was d'n urste óptocht, die begón béj de Stoep. De uurste sluttelövverdracht was in 1954.

 

Clublied van C.V. de Kieveloeët

"Lééve de Kieveloeët"


Tekst "Lééve de Kieveloeët"

Ut is wir vastelaovend
Nie ènne bliefter tusj
Tot laat nog in de aovend
Want niemes wil nor husj
We danse en we springe
En iederieën hi sjans
Dan gon we same zinge
De Kieveloeëte-dans

Refrinj:
Lééve de Kieveloeët
Viva de Karnaval
Zeengt now van kléénj tot groeët
Me huurt 't övveral
Drinke ‘n putje bier
Zelfs d'n èrmste kloeët
Zò make wéj plezier
Mi onze Kieveloeët

We hebbe um gekrigge
De Prins en Ró van Èllef
Dus now mèr nie gekivve
De rest dè kumt vanzèllef
Lòt now d'n boel mèr wèèje
En pak ze mi ‘t dozinj
Kom lòt ons nog us drèèje
Dè Kieveloeët refrinj

Refrinj: (twé kérre)

Save
Cookies voorkeuren
Wij gebruiken cookies om ervoor te zorgen dat u de beste ervaring krijgt op onze website. Als u het gebruik van cookies weigert, kan het zijn dat deze website niet naar behoren functioneert.
Accepteer alles
Weiger alles
Lees meer
Unknown
Unknown
Accepteer
Weiger