Prinselééve dél: 35

De warrege woenzich

Ik zie: traone, mèr di zin nie de traone die ik de afgeloeëpe daach hép gezie:. Traone van vreucht, traone van verbaazing, traone van verwónderring, traone van óntroe:ring. Nee, di zin tótaal ander traone. Di zin traone van verdriet, ècht veul verdriet, veul verdriet. 

Ik zit nééve Lisette in de kéérek. Tis hallef éllef èn we zin béj ’t afsjéjt van Lieneke de Leeuw, sjònmooder van min zus Ellen, vaader van zwaoger èn kammeraot Geert èn mooder van kammeraot Henk. Óns dörskes hébbe we lèkker in bét laote ligge èn maage vandaach utjslaope. Oomaa Mia lit éfkes óp. De klòkke lèùje èn ik kie:k um méj hin. Veul mènse, hél veul mènse èn ók nòch veul die geestere nòch laat óp pa waare. Tòch zin ze der nòw ók, èn zò huu:rt ’t sich. Klasse. Dievèrze knikke van hèrkénning mach ik gééve èn óntvange. Wa vóllecht is ’n sjitterende dienst mi sjòn hèrrinneringe èn tòch ók wér de nie te misse lingk mi de vastelaovend. Sjòn gesprooke dur keplaon Roger. De dievèrze béjdraage zin sjòn èn ók Henk èn Geert hébbe sjòn, indrukwèkkende weurt veur Lieneke. Sjòn èn verdiende weurt. 

Waar jij verscheen 
Scheen de zon met je mee 
Geen tijd voor verdriet 
Maar elke dag omarmd 
En altijd vrolijk 
Hoe jij dat voor elkaar kreeg 
Met oneindig veel moed 
Leven is niet fair 
(Tèkst utj ‘De weg’ van Guus Meeuwis) 

Nao ’t stèèreve van Lieneke bén ik saame mi Lisette béj Bart óp bezuu:k geweest. Ók Henk èn Geert waare dòrbéj ènweezich. Ik hép ur toe gevraocht wa se vónge wa ik mi min prinsesjap moos doe:. De weurt die zéj méj toe gaave um prins te blie:ve èn vurral te geniette vóng ik zò finj èn ze hébbe méj gesteunt in min doe: de afgeloeëpen titj. Ók dè zéj besloote um afsjéjt te neeme van Lieneke nao de vastelaovend vóng ik netuurlek goe mèr getuu:cht van groeëte klasse èn wardeer ik dòrrum eenórm. Bart, Henk, Geert, di zal ik nòjt èn te nimmer vergééte. Dangk òllie wal. 

De uurste verhaole mach ik wér vertélle övver de afgeloeëpe daach. Wéj zitte èn de (kòffie)tòffel béj Goejje. Érgeestere lie:p ik hier nòch as nar van Medelo Narragoniam rónt, nòw hébbe we afsjéjt moette neeme van ’n sjòn mèns. Dè is ’t lééve. Veul mènse kómme óp óns af um te vraoge woe de vastelaovend is gewees. Af èn toe vuu:l ik méj bezwaort want we zitte hier netuurlek nie vur méj. Mèr al gòw óntsté der enne sfeer van gemoeddelekhétj èn utjéjndelek wért ‘t, woe gèk ’t ók mach klingke, gezèllich. Tis hòst dréj uurre in de middich as we as ieën van de leeste óp husj èn doe:. Sòmmigge dinger blie:ve ‘tzèllefde. ’t Gezin De Leeuw mi ènhang gòn afsjéjt neeme van Lieneke. Ik roe:p ze nòch nao dè zéj strakkes wèlkóm zin. Dè weete ze, mèr ik roe:p ’t vur de zeekerhétj nòch nao. Ik hoop ècht dè se nòch éffe kómme. 

Wèlkóm zin béj ’t tradiesjooneele afsjéjt béj de prins óppe woenzich nao de vastelaovend. Nòrmaal is di béj de prins tusj. Mèr ’t ènbót van minne klasse atjuudant um dè béj em in de lóts te doe: koos ik netuurlek nie wéjgere. Énnech naodél zitter hier wal én… ’n fésje béj de Hangtafel tusjgehaawe is ’n fésje zónder vaaste slutjingstitj, alhoewal, naodél…? 

As Lisette èn ik ènkómme béj Mark zitte er al veul lijje van de Kieveloeët mi ènhang gezèllich béj mekaar. Ik loeëp rónt èn gééf iedderieën de hant òf knoe:vel. Ók de sjònfemiellie is ter èn óns mam is der ók. Ik vat nòch éffe ’t woort um dernao te geniette van ’t gezèlsjap. Ók hier vat ik min moomèntjes dè ik éfkes èn de zéjkant stao èn in méj ópnim wa ik hier zie. Èn wa ik zie is ’n fentasties gezèlsjap. Netuurlek min sjònfemiellie, netuurlek óns mam, netuurlek de nie te misse Erwin Daems èn Bianca, di kieër óppernééj as barman èn barvraow (wòr ik netuurlek wér niks vannaf wees) èn dan netuurlek de lijje van de Kieveloeët mi ur ènhang. Ik gao ze ieën vur ieën af èn haal in min gedachte hèrrinneringe óp van diezèllefde persoon övver de afgeloeëpen titj. Stuk vur stuk, zónder utjzóndering zin ’t die:rbaare persoone gewórre. Wa is di ’n sjitterende klup mènse. ’n Klup mènse die snoejhart ’t ganse jaor dur beezich zin mi mèr én ding: “Hoe kanne wéj de Méélse vastelaovend óp ’n zò goe meugeleke menie:r ewéchzitte. Ik hép di afgeloeëpe jaor in de luukse vipstoe:l óp de uurste rééj mee maage maake. Èn mènse, zéj verdienne al min respèkt. Èn zeeker nao de afgeloeëpe kórroonajòrre was ’t vur de Kieveloeët dréjdubbel zò zwaor, mèr wa hébbbe we der enne gewèldigge vastelaovend aachter de ruch. Ge mérrekt ók èn iedderieën dètter ’n bepòlde laast van de sjaowers is gevalle èn dè ter vandaach genoote mach wéére zónder zèùrech. Sjòn um te zie: dè ze dè dan ók mi vólle teuch doe:. Klasse mènse! 

Mark hi ’n fantasties befèt gereegelt èn de pilskes smaake goe. As nao verloeëp van titj óns Ellen èn Geert nòch binnekómme kan minnen aovent nie mér kepót. Sjitterent is ’t as óp ’t énjtj Geert nòch de miekrefoon vat èn der nòch ’n paar aawverwétste Knoetsòrre-hits utjknalt. We geniette ók as Fenne, Pleun èn Amber ur lietje nòch gòn zinge èn as dan de bekéénde toon van de sjótse rutj wér klingke dan wittege woelaat ’t is. Tis laat, ’t wért laat èn ’t wért nòch latter… mèr wa is ’t gezèllich èn ge mérrekt èn iedderieën dè ze ’t moomènt van nao husj gao èn ’t utjstèlle zin. Want dan is ’t inèns ècht gedao. Dan is ’t ècht afgeloeëpe. Roy Jacobs èn Lonneke hébbe vólleges méj wal dréj kérre de jas èngedao um nò husj te gao, mèr de jas ging ók nèt zò dik wér utj. As leeste stòn we mi zen alle èèrem in èèrem béj ’t lietje ‘Geneet van ’t laeve’ van Sjef Diederen. Óppernééj ’n passent èn sjòn afsjéjt van enne sjitterenden dach, ennen dach vól utjerste, ennen dach um nòjt te vergééte. In al ur fassètte. We gòn nò husj, tis sjòn geweest. 

Hòjje femiellie, 
Hòjje Kieveloeëters,
Hòjje vastelaovend, 
Hòjje Lieneke. 

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 34

De dóldwaaze dinzich - De afslutjing, die mèr gén afslutjing woor...

Émmel truch béj de Heere wéére we dierèkt nòr 'n poodiejum geléjt wòr wéj allemòl  óns afslutjende weurt doe:. Mi wéj bedoel ik vòrst Joliena èn prinsès Robin van de Véngneuze, prinsès Britt èn prins Niek van de Kéjsjeut èn minéjge saame mi atjuudant Mark èn vòrst Ron. Dizze leeste vat 't woort. Prinsès Britt èn prins Niek laote huu:re woe zéj zin gegrèùjt in ur ròl èn mi sjòn dangkweurt èn mi tussendör enne goejje grap neeme zéj afsjéjt van de vastelaovent. Gröts bén ik dè ik ur steek mach afdoe: èn de knoe:vels die dernao vóllege géft èn dè wéj van mekaar genoote hébbe. Prinsès Britt èn prins Niek èn netuurlek òllie rò van éllef: “DANGK, DANGK, DANGK dè ik òllie prins moocht zin, èn dè we SAAME enne fentastiessen titj hébbe maage belééve. Nòchmaals dangk èn òllie èn òllie fantastiesse aawers. 't Was 'n sjòn klupke.

Dan zin vòrst Joliena èn prinsès Robin èn de beurt. Vòrstin Joliena sprékt ur dangk utj èn de imoosies neeme 't övver. Tis sjòn um te zie: woe dizzen titj ur gerakt hi. As 'n ècht goe:j vòrstin hèrvat ze zich èn makt ur verhaol af èn géft vervólleges de miekrefoon èn ur prinsès Robin. Dizze zit nòw vól mi imoosies èn sjie:t mee vól. Ik vat ur goe vaast èn spréék ur wa bemoediggende weurt in. Ik kie:k de zaal in, èn zie dètter hél veul mènse vèèchte teege de traone. Di is wa vastelaovent duu, 'T RAKT ÒW. Ók ik kie:k nòr ur aawers èn zie: ók hier de imoosies. Ók Robin hèrvat zich èn sprékt hél sjòn weurt wòr de dangkbarhétj dervanaf spat. Ók krie:ch ik sjòn weurt van ur èn dè zal méj wér raake. Ók èn òllie allemòl: rò van éllef van de Véngneuze, begeléjding, gewèldig aawers èn netuurlek Robin èn Joliena, DANGK, DANGK vur dizze gewèldiggen titj die we SAAME hébbe maage belééve.

As ik vérrich bén mi min leeste weurt èn min groeët dangkbarhétj héb perbeere utj te drukke, zie: ik dè 't allemòl mèr laang hi geduu:rt. Nie vervéélent, hél sjòn, mèr den titj vlie:cht. We maage nòr boove vur de tradiesjooneele afslutjing. Allieën leeje van de Kieveloeët mi ènhang tréktsich truch. Wa dòr gebeurt, huu:rt béj de gehéjme èn de tradiessies van de Kieveloeët. Ik doe: dòr dus ók gén utjspraake övver, mèr neem van méj èn dè 't ieën van de biezónderste moomènte zin in 't Kieveloeëte-lééve. As alle steeke zin ingeleevert béj de veurzitter èn héj zin leeste weurt hi gesprooke gòn we nòr ónder. As ik boovenèn óppe trap stao, èn ik 'n slòk van min pilske wil vatte, huu:r ik de uurste klangke van Status Quo – Whatever You Want. De ópkómstmeziek van óns béj de Dólle Mòndich van de Siem. De toon is gezit, de tusjkómsteeke gòn dwars, de rie:m gé 'n tantje lósser, de witte bloezze gòn utje bóks, de booveste knuuëp van de bloes gòn lós, èn 't fést barst lós. Èn waffer 'n fést. Ik zie: hél veul joong, ik zie: mènse lache, ik zie: mènse in sirriejeuze gesprèkke, ik zie: zangduuwoos ónstao (klasse Mieke èn John), ik zie: póllónéézes, ik zie: hél veul geluk èn genót. Af èn toe mach ik ók 't poodiejum óp èn hép ik sjitterent övverzeecht. Wa 'n sjòn èn gewèldich mènse. Wörrum kan di nie aaltitj: mènse die geniette van mekaar, SAAME.

DJ Le Sjief drèèjt de beeste meziek. We gòn héllemòl lós èn geniette van mekaar. Knoe:vels wéére övver èn weer gegévve. As Lisette 'n èntal wc-dèksels mi min footoo övverhandicht èn ur twéllingbruu:r, minne zwaoger, èn minnen atjuudant, kómme béj ur béjde ók alle imoosies lós. Di rakt méj eenòrm. Sjòn um te zie: dè Lisette èn Mark eenòrm hébbe genoote van de afgeloeëpen titj èn dè zéj ók ur imoosies dòrvur durreve te toone, sjitterent.

't Verhaol hierboove verdient netuurlek énnech utjléch, want wòrrum zao Lisette 'n wc-dèksel mi min footoo gééve èn urre bruu:r Mark. Dè zit zoeë... Tis dinzich 8 noovèmber èn Mark bèèlt méj óp òf ik em kan kómme haale. Héj moet zinne vrachtwaage wéchbrénge nòr de graasj. Ik bén ellieën zèèlef nòch ónderweeges èn Mark bèèlt Lisette. Zéj kan Mark wal halle èn Fenne wil wal mee. Lisette wit dè ik dien aovent veurgestéélt gao wééreèn 't kómmietee, dus ók èn Mark, as prins van de Kieveloeët. Lisette vrèùcht tusse neus èn lippen dur óppe truchwéch: “Énne Mark, nòch planne dizzen aovent Mark?” Wòrróp Mark zi: “Ik krie:ch dizzen aovent te huu:re wie de néjje prins wért.” Fenne spitst ur òrre, zéj wit dan nòch nie dè de néjje prins urre bloetéjge vaader is. Fenne begeent èn 'n sórt krusjverhuuër wòrróp de énne vraoch óp den andere vraoch vóllecht. Óp de vraoch wa Mark allemòl moet doe: vur de prins zi Mark: “Ik moet de prins dringke gééve asjie doorst hi, ik moet de prins zégge wòr héj nòrtoe moet, ik moet de prins ééte gééve asjie hónger hi, ik moet zinne steek vaasthaawe as de prins dizze afgéft...” Èn zoeë ging Mark nòch éffe dur um vervólleges te éndjigge mi: “Èn asjie nòr de weesee is geweest moet ik em de bille afvéége.” Dòrróp kiekt Fenne oeëme Mark èn, èn dingt der 't urre van... As ik saoves utjkóm, èn Mark van de verbaazing is béjgekómme, èptjie nò Lisette mi de weurt: “Mèr béj dizze prins gao ik de bille zeeker nie van afvéége!” Dòr daacht Lisette dus anders övver èn próngt min footoo dus óp alle wc-dèksels in heuzje Mark van Rooij èn hép ik al hél wa bille maage ènsjaowe.

DJ Le Sjief is vérrich mi zin sjitterende béjdraage èn dizzen aovent, òffiesjeel is 't slutjingstitj mèr dè is butje Goe Gehusseld geréékent. Zéj beginne te speule èn de akkuus woore wér ópgelaaje béj de mènse die 't hòst muu:ch woore, want der zin der nòch verrèkkes veul ènweezich. Watter vervólleges gebeurt is mi gén péén te besjrie:ve. Wa dan dur de meziek van Goe Gehusseld óntsté hép ik nòch zèlde meegemakt. Di kumt ók dur alle mènse die der nòch béj zin. Van jóngk tòt aaw, kammerèùj, femiellie, bekéénde, ónbekéénde, wiltvrémde, 't vatte zich allemòl béjén. 't Ultiemme genót. Èn Goe Gehusseld gé mèr dur, èn dur, èn dur... Mi alsmèr bekéénde toone as vertrékpunt... C’est tout, mi de sjótse rutj.

Af èn toe vat ik 'n mómèntje vur minéjge, stao ik éfkes èn de zéjlinj um in méj óp te neeme wa der gebeurt, wie der nòch zin, èn ók um te kie:ke wòr óns dörskes zin. Wa Fenne èn Amber vandaach, mèr éjgelek de gansen titj al èn 't doe: zin, ving ik zò sjòn. Alzelééve èn 't geniette, vólle bak mèr as 't éfkes rustich is, òf ze muu:ch zin, zeure ze gén mómènt. Nòw is Amber éfkes muu:ch, ik zie: ur 'n kruk vatte èn gé zitte. Ik loeëp urre kant utj, vat ur goe vaast èn vraoch òf ze nò husj wil. De zeekere ‘nee’ èn 't gezeecht wa ze derbéj trékt zi zat, hoe kannege dè nòw vraoge pap. 't Wért utjéjndelek hallef zis as 't ècht, mèr dan ók ècht gedao is. Goe Gehusseld zit nòch énne kieër de toone in van de sjótse rutj èn dan is 't gans af. Der wért afsjéjt genómme, enne lach èn traon, èn mi sen vierre loeëpe we hant in hant óp husj èn. Wa ennen aovent, wa ennen dach, wa enne vastelaovent. Feenoomeenaal!

Zowa tusj zie: ik fietse béj min nòbbers stao. Butje ruupt der énne: “Hee prins, ééjer bakke?” Ik beslutj éffe te gòn kie:ke, èn ik gao dervan utj dè Lisette èn de dörskes nò husj gao. Ik buurt wa butje mi ingkele èn kie:k óndertusse béj de nòbbers binne. Tòt min verbaazing zitte Fenne èn Amber al binne. Ze zin nie stuk te krie:ge. Ók ik gao éfkes nò binne èn mi de ènweezigge dringk ik nòch 'n pilske èn de ééjer vinge greetich aftrèk. Nao 'n hallef uurke doen we óns óp husj èn. Mèr nòw ècht, tis goe geweest, nee 't was FANTASTISCH!

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 33

De dóldwaaze dinzich - De afslutjing

We maake óns vérrich vur ónze wandeling nòr 't Kievelmènneke. Aachter Goe Gehusseld stèlle wéj óns vur de leeste kieër òffiesjeel óp. Ik mérrek dè ik 't allemòl spannent ving. Saame mi minnen atjuudant hébbe we hél wa spésjaals im pètto. As de uurste toone van Goe Gehusseld klingke, beginne we te loeëpe èn maake we óns óp vur de afslutjing. Béj 't Kievelmènneke sprékt uurst vòrst Ron alle ènweezigge toe um vervólleges 't woort èn méj te gééve. Tis stil, meusjstil as ik 't woort neem. Sjòn, dè is krèk wak wao. As ik ènkóndich dè ik 'n óndersjééjing wil truchneeme die ik dizze vastelaovent hép gegévve, wért 't NÒCH stiller as stil. Wa gé die prins nòw tòch doe:? Mènse kie:ke mekaar èn... wòrrum? Ik vervóllech: “As prins van de Kieveloeët hép ik den ieër um 'n hògger óndersjééjing te maage utjréjke, naamelek den druppel. Dizze verdient netuurlek óns mam, zéj verdient der wal twieë. Mèr ik dingk dètter nòch wa hògger is veur óns mam èn dè is dè zéj ziet dè urre zoon as prins van de Kieveloeët den druppel utjréjkt èn ur daochter Ellen.” Want in min oeëge verdient zéj dees. Ge hét nie veur 't kiezze wie òw zeuster wért mèr den bant die ik mi Ellen hép ving ik zò sjòn èn zò biezónder dè ik dees óndersjééjing èn iedderieën, mèr ók èn Ellen wil toone.

Nòdè ik alles gezi hép nimt minnen atjuudant de óndersjééjing van Ellen òffiesjeel in èn mach ik den druppel èn Ellen övverhandigge. Mi éjge weurt perbeer ik den druppel nòch persoonleker te maake. De knoe:vel die ik dernao van ur krie:ch, èn de knoe:vel saame mi óns mam, ving ikzèèlef 'n fentastiesse afslutjing. Mi sen dréjje. Gerakt, want we misse der netuurlek énne, mèr òh zò sjòn. Dangkewèl mam, dangke Ellen. Dangk, dè dur òllie inbréng dizze vastelaovent hél bezónder waar.

Èn dè ur béjdraage èn ènweezighétj vur méj dizze vastelaovent hél belangriek èn sjòn waar hép ik perbeere utj te drukke in 'n kedoo. Ik hép enne steek van glas laote maake mi 'n footoo derin verwérrekt van minéjge, Ellen, mam mèr ók van ónze pap. Mi dòrónder de spreuk van méj as prins van di jaor. Al zéch ik 't zèèlef, di is 'n hél bezónder èn sjòn kedoo. Gelukkich vinge Ellen èn óns mam di ók èn hi 't óndertusse 'n (nie te misse) plèkske in óns woonkammers gekrigge.

As ik dernao utj de knoe:vel kóm èn róntkie:k, zie: ik dètter mieër ènweezigge dees afslutjing kanne wardeere. Sjòn um te zie:. Ik kie:k aachter méj èn zie: enne tevreeje veurzitter. Atjuudant Mark knikt èn kléjjingman René knikt. Vòrst Ron géft méj enne sjaowerklóp. Tis goe zoeë. Nee 't is, èn ik wit dè ik di woort dik gebruuk, mèr tis nòw émmel zoeë, tis fentasties!

Ik mach béj 'n vlach gòn stao, èn saame mi de Véngneuze èn de Kéjsjeut laote we allemòl én vlach zakke. ‘t Kievelmènneke kiekt tevréjje toe.

De meziek klingt èn we maake óns óp veur de truchwéch nòr óns kluphusj.

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 32

De dóldwaaze dinzich - ’t Kieveltrèffe èn de toe:r de prins

Nòrmaal gesprooke bén ik nie van de fillemkes van de moobielle tillefoons. Èn zeeker nie mi mezèèlef derbéj. Tòch betrap ik mezèèlef óp dinziggemèèrge dè ik der versjillende èn ’t bekie:ke bén. Ik kan der ók hòs nie ónderutj want minne moobielle tillefoon sté vól mi footoos èn fillemkes van geestere. Èn dan vurral van óns bezuu:k èn de Siem. Min hèrrinneringe gòn wér éfkes truch nò geestere èn ik bén zichbaar alwér èn ’t geniette. Ik hép der allieën nie veul titj vur, want de veurberéjdinge vur vanne middich moet ik nòch doe:. Dizze middich is ’t Kieveltrèffe mi ’t teemaa Toe:r de Prins. ’t Teemaa is dur de órganiezaasie gekózze dur min veurliefde vur de wielrènfiets. Èn netuurlek is hie:r de lingk gemakt nò de belangriekste wiellerwétstréjt, naamelek de Tour de France. Tradiessie is dètte prins dizze middich oopent mi ‘n lietje òf stukske övver ’t gekózze teemaa. Ik ving ’t èchter lastich um wa te bedingke van min óngevieër dréj menutje die de laajing dèkt van enne dréj wééke duurende wétstréjt. Dus hép ik de middich in eetappes gehakt. De Tour de France hi enne prólooch, enne éjge titjrit, enne ploeggetitjrit, ‘n kunninginne-eetappe, wèèjer-eetappe èn ’n leeste fést-eetappe. Ik hép de Toe:r de Prins ók in eetappes gehakt ik zèèlef èn mekaar gao praote. Iedders kieër léch ik de lingk tusse de Tour de France èn ’t óptreeje die óp ’t poodiejum te zie: is, téjdes de Toe:r de Prins.

Ónder dè bekéénde getoetter, wa ge alzelééve huu:rt téjdes de Tour de France, kómme wéj ’t poodiejum óp. Fenne, Amber èn Pleun as dansmerietje. Ik begin nèt wie in den èchte Tour mi ’n prólooch. Dè is ’n kórte inléjding van watter zòal gé gebeure. Dan kumt de uurste eetappe. In den èchte Tour zierrege dan ók gòw de joong greetigge heunt. Ók in de Toe:r de Prins, want Fenne, Amber èn Pleun doen ónder ’n löjt applòws nòch enne kieër ur lietje zòas ze di as verrassing vur méj din téjdes de Kééj Knappe Kwéékmiddich. Dan vóllecht min éjge titjritj, ’n kórt verhaal van méj utj um dernao dur te gao nòr de ploeggetitjrit. Krèk Goe doen ur fentasties nummer van de Bónten Aovent nòch es enne kieër. Mi dees vraolie as straolent middelpunt óp ’t poodiejum stao vervéélt nòjt, sjitterent!

Dan wéér ik wérres verrast. Ik vertél dètter in de Tour de France alzelééve ’n wèèjer-eetappe zit. Min iedee waar um de Kwéékers te vraoge mi ur fentasties lietje “Lòt de boe:l mèr wèèje”. Dervan utjgòn dè de Kwéékers kómme kóndich ik ze èn, mèr wa ik dan zie:… Job, Arjan, Brenda èn Danny kómme ’t poodiejum óp. De uurste dréj zin de wichter van John èn Rian, bruu:r van Lisette. Danny is de vrient van Brenda die nòr éjge zégge, niks um de vastelaovent géft. Zéj hébbe de èchte klieër èn, mèr ók de akkórdiejòn van de èchte Kwéékers eum. Sjitterent dè se di doe: èn nò ’n walgeméénjde knoe:vel beginne ze èn ur óptreeje. Ik kan di zieër wardeere èn as ik téjdes ur óptreeje minne blik dur de zaal lòt gao, zie: ik dè ik nie den énnechste bén. Dangk òllie wal, ’t waar suupper dè géllie di din.

Èn dan kómmege jòmmergenóch béj de leeste eetappe. Dizze vastelaovent hép ik ’t lietje óntdèkt van ingkele jòrre truch, naamelek: “Ghielen & Strijbos – Saame höffe wéj ’t glas”. Rob Vercoulen èn Sjoerd Strijbos zin beréjt um di nummer te doe: en saame mi de hélle zaal höffe wéj ’t glas. ’n Sjitterende afslutjing van de Tour de France, de Toe:r de Prins. Mèr nao de Toe:r barst ’t fést lós. De rènners zien ur femiellie baowe ’n fésje. Zò ók béj de Toe:r de Prins. De femiellie is beréjt um saame ’n nummer van de Knoetsòrre te zinge. ’t Nummer ‘De tènt óp zinne kóp’ ving ik wal enne sjònne afslutjer. Ik roe:p de mènsen óp um enne póllónééze te maake. Sjònbruu:r Geert gé ’n lietje zinge saame mi minne ‘achterachterachternééf’ René Brummans. Tis enne sjònne afslutjer van de Toe:r de Prins. De kómpliemènte die ik nao afloeëp krie:ch doen méj goe. Dangk òllie alle.

Dizze middich gebeure netuurlek ók wér dinge die méj verrasse èn zèùrege vur traone. As minne beeste maot Erwin ópkumt èn de regie in haant nimt, èn ik min kammerèùj in ’n óptreeje zie: duu me dè goe. Ze hébbe ’n kómpielaasie gemakt van alle óptòchte die Erwin èn ik de afgeloeëpe jòrre geloeëpe hébbe. Èn de hant van footoos mèr ók dur de kammerèùj zèèlef utjgebilt. De hèrrinneringe sjie:te wér alle kanten utj èn Erwin & ik hébbe ’t zoeë néévenén óp ’t poodiejum priemaa nòr ónze zin. ’t Énne verhaal nao den andere annèkdoote wért vertéélt èn Erwin is Erwin nie asjie niks géft um titjsjeemaas. Hahaha, zò kénne wéj em wér. Mèr niemmes die der ’n próbleem van makt want ’t is ècht leuk èn grappich wa die mèn in mekaar gezit hébbe. Klasse èn dangk òllie wal.

Ók wéér ik òffiesjeel óndersjééje dur Fred van Goe Gehusseld. We hébbe der ’n èntal daach ópzitte mi mekaar, èn ik ving ’t vannaf de uurste sekónde sjitterent. Bliekbaar is de liefde van béjs kante èn ik nim de óndersjééjing dan ók vól gröts èn. Dangk òllie wal Goe Gehusseld, géllie maake de vastelaovent.

In 2017 bén ik saame mi Erwin utjgeroe:pe tòt vastelaovesvierder van ’t jaor. Vannaf dè mómènt doen wéj iedder jaor óptreeje saame mi alle andere vastelaovesvierders van ’t jaor óp ’t Kieveltrèffe. Nòrmaal gé ’t hélle órganiezeere via WhatsApp, mèr di jaor haa ik nòch niks vurbéj zien kómme.

Annelies vertéélde me dè ter nie zòveul aaniemoo veur waar èn dè ze der nie zòveul zin in haa. Dus as dizze middich Annelies saame mi Colinda de miekrefoon vat èn alle andere vastelaovesvierders óp ’t poodiejum stao, besèf ik dè ik ók hier wér óp ’n dwaalspoor bén gebroocht. Ik moet ók ’t poodiejum óp èn der sté enne fiets vérrich. Nèt wie afgeloeëpe mòndich béj Goejje mach ik óp dizze fiets gòn zitte. Ónder ’t fietse moet ik ’n èntal vraoge beantwoorde èn ópdrachte vervulle. Géér won ze weete òf ik as vastelaovesvierder wal enne goejje prins kan zin. Gelukkich slaagde ik vur dees ópdracht. Fantasties dè ze di doen èn wa is di tòch ók wér ’n sjòn klupke wòr ik dél van mach utjmaake. Ók èn òllie dangkewèl!

Övver vastelaovesvierder gesprooke, ik hép di jaor lajf kanne zie: hoe de keus bepòlt wért. Ik zal (èn mach) de presiezze deetajs nie bekééntmaake, mèr dè hier nie övver enne naacht isj gagao wért, is ’n ‘understatement’. Di makt mi truchwéérekende kracht ónze utjverkiezzing in 2017 die vur méj persoonlek al hél veul waarde haa nòch biezónderder. Di jaor kwaam Patrick Verstappen utje kooker. Al hél veul jòrre óp wélleke menie:r dan ók béj de vastelaovent in Méél betrókke. Patrick, dikke prefiessiejat èn wèlkóm béj de klup! Dik verdient. De menie:r wòrróp Anita afstant duu van ’t Frètske géft èn woeveul waarde dees hi vur de óns as vastelaovesvierder(s). Mi ’n sjòn verhaal èn de biezóndere traone nimt zéj afsjéjt. Klasse Anita. ’t Rakte óns allemòl.

De Véngneuze èn Kéjsjeut laote zich vanne middich ók wér van ur beeste kant zie:. Al mieërmaols gezi èn gesjrivve, mèr di zin gewèldich klupkes. Ze brénge övveral sfeer èn straole van oeër tòt oeër. As ze dan ók nòch ’n liet övver méj maake snappege dè ik ’t ók dizze kieër wér nie druuëch haaw.

De middich löpt dan alwér èn zin énjtj. Tòch wil ik géér nòch vermèlde woe dizze middich begoos. Naamelek mi den utjslach van den óptòcht. Dan dingkege netuurlek: “Dè is óp de zóndich”, inderdaat, dè is waor. Ellieën óp de zóndich waar der én persoon nie die wal enne prisj haa gewónne. Dur lichaameleke klachte koosjie der nie béj zin, mèr ik ving dè dizze persoon tòch ’n poodiejum verdient. Saame hébbe wéj övverléch gehat èn óp ’t begin van ’t Kieveltrèffe kriechtjie zin walverdiende prisj van den óptòcht. Zinne naam: “Thijs Engels!” Al jaor èn dach mi den óptòch van de pertééj, zèllefs as ’t loeëpe hòst nie mér gé, isjie éévegoe van de pertééj. As héj nao ’t opnuume van zinne naam ópkumt zie: ik em glundere van grötsichhétj. Sjitterent um te zie: dè de ganse zaal ’n applòws géft. Iedderieën géft em de wardeering dietjie verdient. Fentasties Thijs èn wies vóllegent jaor.

Zanger Roy zèùrecht veur ’n slòtóptreeje èn we maake der mi zen alle ’n sjòn fésje van.

Dan krie:ch ik ’t vriendeleke (tòch wal dringende) atvies um wa te gòn ééte. Nòrmaal bén ik nie van ’t ééte tusse ’t dringke, mèr umdè min bie:rkónsumsie veul minder is as nòrmaal mi de vastelaovent èn ’t aoventprógramma nòch vréj laang is, beslutj ik tòch mèr wa te gòn ééte. Umdè den titj vréj kórt is neeme wéj ’t sjitterent ènbót van Rudy èn. We maage ’n hèpke ééte boove béj de Heere. Saame mi Rudy èn Mieke ééte we gezèllich wa èn neeme wéj de middich èn ’t aoventprógramma dur. Lisette, Fenne èn Amber hébbe ók enne sjònne middich gehat èn dè duu méj goe. Di zin sjòn moomènte. Rudy èn ik kanne de verléjding tòch nie wérstao èn gòn éfkes nòr ónder. Ik bén persoonlek nie zòn Beppie Kraft-fèn, mèr ze wit der ’n sjòn fésje van te maake. Iedderieën duu èntoezjast mee.

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 31

De maagiesse (Dólle) mòndich

De Véngneuzetèmpel - De (zòveulste) verrassing

Béj de Heere stappe we utj. Goe Gehusseld vatte ur instruumènte óp èn hóppa. We gòn richting de Vangrail. Téjdes de vastelaovend de Véngneuzetèmpel. Vòrstin Joliena èn prinsès Robin èn urre rò van éllef hép ik al 'n titje nie mér gezie: dus ik bén wal benééjt. Ók hie:r zin we te gast èn óp 't tieëken kómme wéj binnegestèùremt. Tis vólle bak èn al gòwgenóch stao ik tusse béjde óp 't poodiejum. Dan méng ik méj tusse de aawers van de Véngneuze. Nèt wie béj de Kéjsjeut is di 'n fentasties klupke aawers die zichtbaar èn 't geniette zin van enne hélle biezóndere vastelaovend. Vòrstin Joliena èn prinsès Robin haawe 't ók nie druuëch béj ingkele òffiesjeele ‘plichtplegingen’. Gelukkich bén ik nie den énnechste, òf zò ik ze èngestooke hébbe...

Vòrst Ron èn ik zinge utj vólle boorst èn perbeere iedderieën mee te laote zinge mi óns. Di brééngt wa mieër sfeer, mèr tis ók zò dè ge dan nie zò goe huu:rt. Vòrst Ron èn ik zitte naamelek in de ‘karaoke battle’ èn dè gé óns verrèkkes goe af. We hébbe gekózze vur 'ut paradisj’. 'n Lietje wa hie:r ók nòch steevaast dur iedderieën, mi de joong derbéj, vóllóp wért meegezónge. Vòrst Ron èn ik weete zeeker dè we gewónne hébbe mèr de zjuurie beslist anders. Hahaha Ronald, dangke wal! Ronald drèèjt wér sjitterende meziek èn dòrdör blie:ve wéj 'n ketierke langer... Òf dè haa 'n andere reeje. Dangke Ronald vur de gastvréjhétj. Klasse dè ge dizze oo zò belangriekke lééftitjsgroep 'n poodiejum géft.

Èèrem in èèrem lig ik mi Lisette in bét... Wa ennen dach, wa 'n suupperdach, wa enne fentastiessen dach. Alwér énne um in te lisjte. Wa 'n sjòn moomènte. Dachdroeëment èn naogeniettent valle wéj in slaop. Sjòn droeëme tegemoet. Mèr in min hèrrinnering nòw ók de aller aller allerleeste Dólle Mòndich béj de Siem.

De avondzon valt over straten en pleinen,
De gouden zon zakt in de stad.
En mensen die moe in hun huizen verdwijnen,
Ze hebben de dag weer gehad.

De neonreclame die knipoogt langs ramen,
Het motregent zachtjes op straat.
De stad lijkt gestorven, toch klinkt er muziek uit een deur die nog wijd open staat.

Daar in dat kleine café aan de haven,
Daar zijn de mensen gelijk en tevree.
Daar in dat kleine café aan de haven,
Daar telt je geld of wie je bent niet meer mee.
De toog is van koper toch ligt er geen loper,
De voetbalclub hangt aan de muur.
De trekkast die maakt meer lawaai dan de jukebox,
Een pilsje dat is der niet duur.
Een mens is daar mens, rijk of arm, 't is daar warm,
Geen monsieur of madam, maar W.C.
Maar 't glas is gespoeld in het helderste water,
Ja, 't is daar een heel goed café

Daar in dat kleine café aan de haven,
Daar zijn de mensen gelijk en tevree.
Daar in dat kleine café aan de haven,
Daar telt je geld of wie je bent niet meer mee.

De wereldproblemen die zijn tussen twee glazen bier opgelost voor altijd.
Op de rand van een bierviltje staat daar je rekening, of je staat in het krijt.
Maar het enige wat je aan eten kunt krijgen dat is daar een hardgekookt ei.
De mensen die zijn daar gelukig gewoon, ja de mensen die zijn daar nog blij!

Daar in het kleine café aan de haven,
Daar zijn de mensen gelijk en tevree.
Daar in dat kleine café aan de haven,
Daar telt je geld of wie je bent niet meer mee.

(Tèkst utj ‘Daar in dat kleine café aan de haven’ van Pierre Kartner)

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 30

De maagiesse (Dólle) mòndich

De Siem - De (zòveulste) verrassing

Nòrmaal gesprooke gé de Kieveloeët van kefee nò kefee mi de bus. Èngezie: wéj di jaor mèr én langere afstant hébbe, van Nakal nò de Siem, is de huu:fkaar dur Mark wér van stal gehalt. Saame stappe we in de huu:fkaar um de tòcht te ènvaarde. Ónderweeges wért gezónge èn gelache, mèr ik mérrek dè der béj méj tòch wal dubbele gevuullens zin. Ik hép zòveul prinse béj de Siem zien binnekómme dè ik wit wa ge dur kéént verwaachte. Zòwa ieddere prins hi béj zin hòchtepunte dan ók 't bezuu:k béj de Siem stao. Mèr dòrmi zit ók medieën 't próbleem. Verwaacht ik der mesjiens wa teveul van. Zò der wal wa zin? Min Dólle Mòndich-maote zin immers vanne mèèrge veur méj al 'n uu:r érre begoos. Zòn ze der nòch wal zin? Nuum 't mèr óp. Dees vraoge sjie:te dur minne kóp èn ik sjrik dan ók 'n bietje as ik te huu:re krie:ch dè we der al zin. Ik stap utje huu:fkaar èn gao vur den ingang stao. Bliekbaar is afgesprooke dè ik 'n tieëke gao krie:ge. Mèr ik huu:r dur de deechte durre hin DJ René. Héj zwieëpt de ganse tènt al óp. Em kénnende isjie dòr al 'n paar uu:r mi beezich. Dan kumt 't tieëken ‘De durre gòn oope’. Enne groeëte massa. Tis dóngker, ik zie: leechtflitse, ik zie: bekéénde, ik vuu:l haant, ik huu:r de toone van ónze ópkómstmeziek van de Érpelemèèntjes ingkele jòrre truch. Ik huu:r de Status Quo, ik huu:r ’Whatever You Want’.

“Di is wa ik WANT!’ Ik buk méj, want de ènweezigge hébbe mi ur èèrem enne wèlkómstbooch gemakt. Ik drèèj nò lings, richting poodiejum. Ik kie:k óp, zie: bekéénde, ik zie: aaw bekéénde, ik zie kammerèùj, ik zie femiellie. Wa is di sjitterent. Aachter méj 'n kreet. Ók vòrst Ron is zichtbaar èn huu:rbaar èn 't geniette. Di is vur em netuurlek ók spésjaal. Ik perbeer zò langksaam meugelek te loeëpe um der vóllóp van te geniette, mèr de adrinnalienne övverheerst. ‘High fives’ wéére gegévve, knoe:vels wéére gegévve. 't Poodiejum is beréjkt. Ik klim deróp. Nééve méj vòrst Ron èn atjuudant Mark. Atjuudant Mark makt wa plats. Héj löt Ron èn méj geniette van ÓNS moomènt. Klasse atjuudant! Haa nie gehoevve, mèr ge wit zuu:ver wa vur waarde di moomènt vur óns hi. De aller aller aller allerleeste Dólle Mòndich èn wéj stòn hie:r as vòrst èn prins van de Kieveloeët óp de toone van Status Quo vur 'n utjgelaote ménnichte aawerwèts te geniette, aawerwèts te ròkke, aawerwèts leuchtgietaar te speule. Mi 'n gebalde lingkervusjt wòr 't óp den éllefde van den éllefde allemòl mi begoos, zwieëp ik iedderieën vur zòwitj as meugelek nòch enne kieër óp. Ik wil 't nòw ók vólle bak weete èn gao héllemòl lós!

Gelukkich hi DJ René vur de lange vèrzie gekózze èn kanne we lèkker laang geniette...

Whatever you want
Whatever you like
Whatever you say
You pay your money
You take your choice
Whatever you need
Whatever you use
Whatever you win
Whatever you lose

You're showing off
You're showing out
You look for trouble
Turn around, give me a shout
I take it all
You squeeze me dry
And now today
You couldn't even say goodbye
I could take you home
On the midnight train again
I could make an offer you can't refuse

Whatever you want
Whatever you like
Whatever you say
You pay your money
You take your choice

Whatever you need
Whatever you use
Whatever you win
Whatever you lose

You're showing off
You're showing out
You look for trouble
Turn around, give me a shout
I take it all
You squeeze me dry
And now today
You couldn't even say goodbye
I could take you home
On the midnight train again
I could make an offer you can't refuse

Whatever you want
Whatever you like
Whatever you say
You pay your money
You take your choice

Whatever you need
Whatever you use
Whatever you win
Whatever you lose
Whatever you want
Whatever you want

(Tèkst utj ‘Whatever You Want’ van Status Quo)

Nao 't nummer van Status Quo hoop ik tòt reust te kómme, mèr mi DJ René lukt dè gaars nie. Drèk nao Status Quo start héj 't nummer: “Èn 't is tòch um te bèùke” in van Giel Schijven èn Toon Leeuwerik”. De ganse Siem herkéént 't nummer drèk èn zeeker mi dizze prins wért de lingk gòw geli. René zit em 'n paar kérre in èn löjt wért der dur iedderieën meegezónge. Dan nimt vòrst Ron 't woort. Héj kan zin bewóndering ók nie ónderdrukke èn dangt iedderieën. Dan géftjie óp zin bekéénde èn sjitterende menie:r de miekrefoon èn méj. Wa me mee ópvéélt is dè 't meusjstil wért. Ik begin netuurlek um iedderieën te bedangke vur dees gewèldich óntvangst, vur di uuniekke moomènt, vur dees fentastiesse hèrrinnering. Mèr weurt sjie:te éjgelek tekòrt. Di alles is te sjòn um 't in weurt utj te drukke. Alle siemgangers, dank òllie wal!

As prins maagege óndersjéjjinge gééve. Èn dè héj der énne zò krie:ge, stóng vur méj netuurlek vaast. Mèr ik wilde dees pèr see gééve in óns stamkefee. Béj de Siem dus. Ik begin mi min weurt. Övver óns mieër dan dartich délnaames èn den óptòcht. Övver alles wa we mee moochte maake. Övver 't ‘lief en leed’ wa we saame délde, nuum 't mèr óp. Téjdes dizze weurt perbeer ik de Siem mee te krie:ge. Dè is gelukkich béj dees fentastiesse Siemgangers nie moejlek, èn as ik vraoch vur 'n applòws wa héj nòch nòjt in zin lééve gehat hi, kumt der 'n òrkaan èn gelöjt lós. “Mach ik 'n daaverent applòws vur … Erwin Daems!” Erwin begeent èn zin zéégetòcht nòr 't poodiejum èn óndangs dè 't génne nasjoonaale knoe:veldach is, gééf ik em enne walverdiende knoe:vel. Héj óntvééngt de óndersjééjing èn mee vatjie de miekrefoon. Óp zin gehieël éjge weezje spréktjie de Siem toe èn krie:cht al gòw de lachers óp zin hant. De weurt dètjie vannaf nòw belooft zin ganse lééve minne kammeraot te blie:ve, raake méj, zòas alles méj rakt dizze vastelaovend. Dangk Erwin, kammeraot, vastelaovesmaot, kólleega, dangke wal, sjitterent!

Ónder applòws gé Erwin wir truch nòr zin plèk. Ónderweeges de fillesietaasies in óntvangstnimmende. Utjerst tevreeje kie:k ik truch óp di moomènt mèr 't vòllegende sté alwér óp 't prógramma. Ik wil nòch iemmes óndersjééje. Ók hie:r béj de Siem.

Al mieër as dartich jaor vie:re wéj hie:r de Dólle Mòndich. Uurst béj Mart èn Mien, èn nòw al 'n èntal jòrre béj Nard èn Petra. Mèr vur méj hi de Dólle Mòndich 'n gezeecht, naamelek René Brummans. Héj löpt smèèrges mi óns mee nòr de Siem. Dringt de uurste putjes bie:r èn ónze vaaste tòffel um vervòlleges rónt twé uurre zinne ruch te rèèchte, 'n kreun te laote huu:re èn nòr zin diezjeeplèk te loeëpe. Dan lötjie de Dólle Mòndich-plaat huu:re van di jaor èn gé 't fést beginne. Héj zèùrecht vur sfeer, géft de persiezze tèmperaatuurre dur, héj hi derveur gezèùrecht dètte joong weete wie Dennis Bergkamp is, èn lie:t enne groep utj Beeringe neege kérre aachterén 'tzèllefde lietje zinge. As ik zinne naam nuum um nò vurre te kómme dan is dè netuurlek René, pakt zinne éjge miekrefoon èn gòjt der nòch 'n annèkdoote utj. Dan kumt ók héj ónder 'n löjt èn walverdient applòws 't poodiejum óp. Ik hang em de óndersjééjing eum, knoe:vel ók René èn héj gé wir truch nòr zin plèkkie. De meziek klingt wér, mèr di duu:rt mèr vur éffe. Alle ‘plichtplegingen’ hébbe éffe geduurt èn óns bezuu:k èn de Siem kumt alwér béjnao èn zin énjtj. 't Vuu:lt goe um rónt te loeëpe èn te zie: wie der zin. Dan krie:ch ik 'n sinjaal van atjuudant Mark. Saame hébbe we wa bedaacht um Nard èn Mart te ieëre. Sjitterent ving ik 't dan ók dè Mart der is. Héllemòl in KNUURKE-òwtfit zitjie èn de bar. Ik vraoch Nard èn Mart béj me èn nim wér 't woort.

Ik as prins van de Kieveloeët moet daalek wér witjer. Óp nòr de Vangrail wòr 't vòllegende fésje wér waacht. Ik as prins van de Kieveloeët, mèr vurral ók as stamgast van de Siem, wil di moomènt vatte um SAAME mi Nard èn Mart min leeste pilske mi ur te dringke. Ik hép spésjaale pulle laote maake mi 'n ópdruk van méj as prins èn den tèkst: “ut was unne sjonne tidj”. Ik vraoch ur òf ze dizze zèèlef wille tappe. Nard begeent te tappe, mèr Mart zi mi veul gevuu:l van huumòr: “Zal es kie:ke òf ik 't nòch wal kén...” As alle dréj de pulle gevult zin, roe:p ik de ènweezigge óp um saame mi óns 't glas te höffe. DJ René èn atjuudant Mark hébbe dan al övverléch gehat èn utj de bókse klingt Sjef Diederen mi ‘Geneet van 't Laeve’. 'n Plaat die vur méj, èn ik dingk vur veule, verbónge is mi Mart, mi de Siem, mi 't lééve tusse Mart èn Nard in stao ik aachter 't befèt mee te zinge. Èn ónder di alles kie:k ik rónt. Ik zie: ellieën mèr sjòn mènse. Ik zie: ellieën mèr genòt. Ik zie: verdriet, ik zie: traone, ik zie mènse lache van plezie:r. Plezie:r èn traone umdè we èn 't besèffe zin waffer bezónder moomènt we hie:r èn 't belééve zin. We belééve intèns de aller aller allerleeste Dólle Mòndich, èn dan sjie:te de immoosies alle kanten utj.

‘Geneet van 't Laeve’ zit deróp. 't Lietje bedoel ik. Mèr ók 'n bietje in 't ècht. Ik gao de aller aller allerleeste Dólle Mòndich verlaote. Knoe:vels wéére nòch gegévve. Èchte Siemgangers neeme afsjéjt van óns. De Dólle Mòndich-maote van vanne mèèrge zin der nòch allemòl. Klasse. Di moomènt hi iedderieën belééft èn meugelek gemakt. Dè hébbe we SAAME gedao. Vòrst Ron èn ik gòn geèèremt nò butje. Di is ècht de leeste kieër, ècht de allerleeste kieër.

In de huu:fkaar stap ik as uurste in. Ik gao èn de kóp van de tòffel zitte mi de ruch nò Méél. Nééve méj kumt Amber zitte. Iedderieën van de Kieveloeët stapt in. Sòmmigge gòn mee mi ónze graatis taksie. Leon èn Pascal, géér gedao! De huu:fkaar zit zich in gang èn dur 't rémke van de huu:f zie: ik de Siem langksaam klénjer wéére. 'n Gevuu:l van allerléj immoosies neeme den övverhant. Gesprèkke um méj hin bén ik nie mér èn 't vòllege. Traone kómme èn ik zit 't ècht óp 'n bèùke. Amber zòas alzelééve, ziet di gebeure èn vuult mi méj mee. Ze kruupt nòch deechter teege méj èn, èn géft méj 'n kus. “Gé 't pappa?”. “Jao dörske, 't gé goe.”. Ze vat méj nòch steevigger vaast, ze wit wal bétter...

Geneet van 't laeve zolang este kins
Maak sjpas en plezeer, de laefs toch mèr ins
Want sjtraks, es 't te laat, is hubste sjpie

Geneet dus van 't laeve zolang es 't nog kan
Den eine wil dit en d' 'n andere dat
Soms moste 't nog kriege of hubste 't gehad
'T Is sjravele en sjoefte, belangriek is geld
Mer gezond zin is mier waert hie op dizze welt

Geneet van 't laeve zolang este kins
Maak sjpas en plezeer, de laefs toch mèr ins
Want sjtraks, es 't te laat, is hubste sjpiet dervan

Geneet dus van 't laeve zolang es 't nog kan
'T Kan toch zoe sjoe'n zin, vergaet dat toch neet
Al hubste dien zurrug en auch dien verdreet
Wat ooit maog gebeure, verlees noets de mood
Want vreug of laat kump toch alles weer good

Geneet van 't laeve zolang este kins
Maak sjpas en plezeer, de laefs toch mèr ins
Want sjtraks, es 't te laat, is hubste sjpiet dervan

Geneet dus van 't laeve zolang es 't nog kan
Want sjtraks, es 't te laat, is hubste sjpiet dervan
Geneet dus van 't laeve zolang es 't nog kan

(Tèkst utj 'Geneet van 't Laeve’ van Sjef Diederen)

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 29

De maagiesse (Dólle) mòndich

De Goejje - De (zòveulste) verrassing

't Is stil, meusjstil. Vraogende blikke. Óngeluuëf. Énnege peniek zèèlefs. Verbéjstering. Wa gebeurt hie:r? De mènse kie:ke nò Fred, die nèt zò sirriejeus kiekt as 'n uu:r gelijje. Veurzitter van de Kieveloeët vertrékt gén spie:r. Toekrèk hép ik as prins Erwin I bekééntgemakt dè Goe Gehusseld gé stóppe as hòfkepèèl van de Kieveloeët. Dè Fred dè toenèt hi gezi, èn dè ik dè as prins géér èn alle Kieveloeëter mach gòn vertélle. Èn dè IK, prins Erwin den uurste, de òrzaak bén. Min èkskuus dòrvur.

Ik hép ónderweeges nò de Goejje besloote dè ik de grap van Fred gao hèrhaale. Bétter goe gejat as slèècht verzónne, tòch? Téjdes de uurste weurt kie:k ik Fred èn, èn ik zie: èn zin blik dè héj wit wa ik van plan bén. Ik hèrkén ók zin goekeuring èn sirriejeus gao ik witjer. “Goe Gehusseld stópt as hòfkepèèl van de Kieveloeët.” Mi dizze prins kanne ze allieën mèr witjergao as … ‘dweilorkest’ ! Ik hèrkén mee de bekéénde lach van Peter Daniels, gevòllecht dur Frits Berben. Iedderieën laachtsich 'n breuk. De wiets van Fred wért suupper gewardeert èn de stèmming zitter mee goe in. 't Óntbéjt is heerlek èn ik maak van 't moomènt gebruuk um èn iedder tòffel éfkes te zitte. Éfkes béjbuurte. Éfkes kie:ke wie der allemòl zin, gezèllich. SAAME !

Ik bén harstikke naat. Ik hép watter óp plèkke wòrvan ik nie wees dètter watter koos kómme. Nééve méj zit Hans ‘Eddy Merckx” Martens èn we fietse saame óns 't leecht utje oeëge. Zwieët dè drie:ft övver min gezeecht terwiel Hans ók zéjkesnaat is.Nie van 't zwieët, mèr van 't bie:r. Hans kiekt veul wielrènne èn ziet af èn toe die ‘èchte wielrènners’ ur biedón övver ur gezeecht gòjje um af te kuu:le. Hans daacht dè ók te doe:, allieën ditjie de mi 'n (dur óns) èngebòjje pilske. We zin naat, mèr we hébbe wal plezie:r. Hans is minnen teegestander. Ik moet van 'm winne. Allieën dan wéér ik toegelaote tòt de aaw prinse, tòt Medelo Narragoniam. We zitte óp stilstònde fietse èn vieja 'n ingebélde wérrelt fietse wéj 'n parkoe:rs. Hans hi van 't moomènt gebruukgemakt um 'min’ Lisette te kie:ze as verzèùrechster. Minne verzèùreger is John Evers. Ik wil em hiermi beloone vur de óngluuëfleken inzit èn plezie:r dietjie hi béj de Kieveloeët. Èn dè mi enne bréjje glimlach. Ónze rees zit deróp èn ik wéér toegelaote tòt de ieëregallerééj. 't Dwéjle van Goe Gehusseld wéére nòw hantduu:k. Oo wa bén ik blééj dè se nòw 'n ‘dweilorkest’ zin!

Dan krie:ch ik sjòn weurt van Frits èn Peter te huu:re èn krie:ch ik enne sjitterende steek óp. Ik bén de uurste nar van 2023. Vur méj ennen héllen ieër mee dangkzéj die sjòn weurt van mènse die hél wa vur méj betieëkent hébbe vur de vastelaovend in Méél. Èn dòr dangk ik òllie vur!

De miekrefoon trilt in min hant as we beginne èn 't femielliemoomènt. Mèr ók mee besèffende dè ik hie:r vanutj min hart mach èn kan sprééke. De trilling is dan ók gòwgenóch wér ewéch èn mach ik min (sjòn)femiellie toesprééke. Vur sòmmigge hép ik enne èchte óndersjééjing die ik gröts gééf èn ur. Óns mam verdie:nt ter wal hóndert èn min zeuster mach ik 'n óndersjééjing gééve. Ellen nimt 'm gröts èn, wie weetende dè... min sjònaawers, krèk wie min sjònbruurs John èn Geert. Iedder óndersjééjing perbeer ik zòveul meugelek mi weurt te óndersjrie:ve woe waardevól dees zin vur méj. Hél spésjaal is 't netuurlek as ik as prins 'n óndersjééjing mach gééve èn minnen atjuudant die ók min sjònbruu:r is. Òf 't is minne sjònbruu:r die ók minnen atjuudant is... zéch 't mèr. Héj verdie:nt em. Mark kén ik netuurlek al langer mèr ik ving 't hél bezónder um dizze vastelaovend zò saame mi em mee te maake. Mark zin de haant, vuu:t èn oeëge van de prins. Ik hép wèrrekelekwaor gén zèùrech, èn as ik dè wal hép (ónzeeker zin, aart van 't bésje) dan zitjie: “Tis al gereegelt.” òf “Kumt vur mekaar, maak òw mèr nie zò druk.”. Mèr ik hép Mark dees daach ók óp ennen andere menie:r lieëre kénneèn dè ving ik zieër bezónder èn èrrech sjòn. Mark dees óndersjééjing verdienne géj as atjuudant, mèr ók zeeker as sjònbruu:r...

Atje den atjuudant
De beeste van 't stèl
Lusjter wa ik òw vertél
Atje den atjuudant
Sjòn èn hél sjarmant
Hééltjie alles in de hant

Atje den atjuudant
De prins zin rèchterhant
Stétjie èn zin lingkerhant
De prins dè is gebleeke
Raktjie nòjt óp utjgekeeke
Gé aaltitj mee óp sjaow
Övveral hél traow
Mèr dik wértjie vergééte
Dus iedderieën moet 't weete
Dè is Atje den atjuudant

(Tèkst utj ‘Atje den atjuudant’ van de Bubs)

As ik alle femiellielijje hép gehat raak ik de regie kwitj. Dè géft méj alzelééve 'n ónzeeker gevuu:l, dè wéént nòjt. Sjònbruu:r Geert, prins van de Kieveloeët 1998 vat de miekrefoon övver. Klasse dè héj di kan èn wil doe: èngezie: min mooder pas is gestèùreve. Klasse Geert. Der wért 'n fillemke gestart wòrrin döjdelek wért wa ik érre besjrivve hép in dél vie:r. Dè ik smèèrges geblindoekt in 't buske saame mi atjuudant/sjònbruu:r Mark örges nòrtoe bén gewees. Tòt di moomènt haa ik nòch gén iedee wòr ik bén geweest en wa mi méj gebeurt is. In 't fillemke woort 't döjdelek. Dè ók wér iedderieën in 't kómplòt zit. Ik bén dus nòr 't zie:kenhusj gewees van Éjnthoove. Dòr zin footoos gemakt èn dè is eumgezit in 'n sjitterent 3D-biltje van … prins Erwin den uurste. Wa 'n kedoo, wa 'n ginniejaal kedoo èn óntruu:rt nim ik 't kedoo èn. Tòt in de puntjes zie ik min éjge truch. Beangstegent sjòn van de femiellie, sjònfemiellie, dangk òllie wal! De middich waar netuurlek al geslaacht mèr as sjònvaader Jan dur de miekrefoon ruupt dè ik zin daochter Lisette mach ‘hébbe’ kan minnen dach al nie mèr stuk. Wa 'n verrassing van Jan, èn dè nao 'n relaasie van 25 jaor. Dangke Jan, alzelééve sjòn um toestèmming te hébbe.

't Prógramma is utjgeloeëpe, sòrrie Kieveloeëters dè de prins van di jaor zò langdrèùjich is. Besloote wért um nie mèr truch te gao nòr de Heere, mèr béj de Goejje te blie:ve. Wéj as ‘dreigestirn’ trékke óns éffe truch. We krie:ge van kléjjingman René te huuëre wa we goe èn nie goe gedao hébbe èn ik gééf vòrst Ron min walgeméénjde kómpliemènte vur zin vakkundichhétj. Ónderweeges nòr de Goejje hi vòrst Ron 'n tillefoontje gekrigge. Zinnen oeëm, ennen die:rbaaren oeëm, is die mèèrge plòts gestèùreve. Ik krich di mee èn nao énnech övverléch tusse óns twieë hi vòrst Ron besloote um di nie (drèk) te vertélle. Niemmes behalleve ik wees ter dus van. Téjdes 't moomèntje mi 't ‘dreigestirn’ vertéélt Ron èn René èn atjuudant Mark. Veurzitter Rudy is óndertusse ók goe óppe höchte. Mèr mi de weetesjap dè ge nèt bereecht hét gekrigge dè òwwen oeëm is gestèùreve, èn dan òwwen éjge éévegoe zò vakkundich ópstélle dè ge ‘gewoon’ òw ding doet, dè verdie:nt netuurlek alle kómpliemènte. Klasse Ron, puure klasse!

De émoosies moette wér ópzééj, vastelaovend ‘pur sang’ èn we stélle óns wér óp béj de Goejje um... nòr de Goejje te gao! We loeëpe 't zaalgedélte utj um aachter Goe Gehusseld wér in 't kefeegedélte binne te kómme. Di leevert sjòn taffereele óp, dördè wéj allemòl doe: asòf we mekaar vur jòrre nie mér gezie: hébbe, terwiel we nèt twénjtjich menutje zin wéchgeweest, huumòr.

Huumòr 't ók as Peter Verstappen, prins van de Kieveloeët 2007, naames de Nééj Zwaarze de miekrefoon vat. Héj benuumt dan dè te Kieveloeët nòrmaal gesprooke èngekóndicht wért. Wéj waare binnegekómme èn vòrst Ron haa al mee 't woort gevat. We stòn ónder leechte titjsdruk want wéj wéére verwaacht béj de Heere van Meijel vur 't Kéjsjeutebal. Peter wit netuurlek woe 't wèrrekt mèr koos 't tòch nie laote um der wa van te zégge. Inderdaat huumòr. Zéj gòn witjer mi ur prógramma, èn wéj gòn witjer mi óns prógramma. 't Kéjsjeutebal béj de Heere.

As Kieveloeët zin we dizze middich béj 't Kéjsjeutebal te gast. Jolanda duu naames de Kéjsjeut 't woort èn prinsès Britt èn prins Niek zin hie:r netuurlek de heersers. As ik dur ur 't poodiejum óp wéér geroe:pe, is dè netuurlek 'n eenòrme ieër vur méj. SAAME maake wéj der 'n sjòn fésje van mi dievèrze óptrijjes. Ók is ter enne ‘mystery guest’ èn di zal niemmes minder zin as méster Hidde. Indrukwèkkent zin de femielliemoomènte van prinsès Britt èn prins Niek. Hie:r zie ge wa vastelaovend mi òw duu. Fentasties um te zie:. Ók wéére der sjòn footoos gemakt van óns allemòl. Dees zin méj èrrech die:rbaar. Veule póllónéézes wéére geloeëpe dizze middich mèr vervééle zalle ze zich nòjt doe:. Wa 'n innerzjie èn plezie:r dizze middich. Ge zaalt der mèr hónger van krie:ge. Gelukkich sté der 'n bezuu:k béj Nakal óp 't prógramma. Hie:r ééte we lèkker èn kómme we éfkes óp òjjem. Gelukkich is besloote um mèr twé gange te ééte um 't ‘inkakmoomènt’, wa ter bliekbaar al jòrren is, te veurkómme. Béj méj lukt di perfèkt èn krèk veurdè ge de bieën strékt, moette we óns vérrichmaake. Vérrichmaake vur enne bezónderen aovent. 't Bezuu:k èn de Siem. 't Bezuu:k èn min stamkefee de Siem want dè gé di jaor slutje. 't Bezuu:k èn de Dólle Mòndich. 't Bezuu:k èn de aller, aller, allerleeste Dólle Mòndich. Övver émoosies gesprooke...  

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 28

De maagiesse (Dólle) mòndich

De Heere - De (zòveulste) verrassing

De sjrik zitter goe in. Nie ellieën béj méj, mèr ók alle mènse die in 't kefee zin béj de Heere. Fred van Goe Gehusseld, sté óp 't poodiejum èn hi óns sjuust bekééntgemakt dè Goe Gehusseld gé stóppe as hòfkepèèl van de Kieveloeët. Héj dee 't óp 'n menie:r wa iedderieën rakte. Allieën mèr vraogende blikke in 't kefee.. “Wa gebeurt hie:r?” Ik kie:k nò veurzitter Rudy mèr héj halt ók zin sjaawers óp. Héj wit 't ók nie. Ik raak in peniek. Wa hép ik gedao dè in min prinsejaor hie:r de hòfkepèèl van de Kieveloeët beslutj dermi te stóppe. Wa is de reeje? Wòrrum? Nao 'n stilte die wal 'n uu:r leek te duurre gé Fred witjer. “Mi dizze prins kanne we nie langer durgao as Hòfkepèèl van de Kieveloeët.” Nòw brékt méj 't zwieët utj. 't Hi dus wal mi méj van doe:. “Hoe dan? Wa hép ik gedao?” Fred vervòllecht: “Dizze prins löt övveral zin traone de vréjje loeëp èn dörrum hébbe wéj besloote um te stóppe as hòfkepèèl … mèr witjer te gao as … 'dweilorkest’. Iedderieën sjie:t ópgeleucht in de lach, zeeker ik. Wa enne joeks, wa enne suupper joeks! Alle mènse zò in de peniek zien te krie:ge um dan hiermi te kómme. Fentasties! Alle lijje van Goe Gehusseld hébbe dan ók ennen dwéjl béj zich èn zwèèje dòrmi in 't rónt. Ge ziet èn ur dè se der joeks èn hébbe, umdè urre wiets suupper gelukt is. Ik mach as prins nò vurre kómme èn ik wéér óndersjééje. Ik mak der mee gebruuk van dè ik 't 'n eenòrme ieër ving um prins te maage zin van di 'dweilorkest’. De toon is gezit. Tis nòch nie éns in de middich èn we hébbe 't allemòl al maage belééve.

't Moomènt as ge aachter Goe Gehusseld maacht klaorstao um te vertrékke, ving ik enne hélle bezóndere. Gröts kie:k ik um méj hin èn as de uurste toone van ur meziek klingke, gòn de haant wér óp mekaar. As ge der al génne zin in hét, dan kumt dè nòw. As tè nie koomt kannege der bétter mèr mi stóppe èn 'n wiekkèntje Weene boekke, want dan gé 't nòjt mèr kómme. We zin ónderweeges nò de Goejje. Nòr 'n óntbéjt, geórganiezeert dus Medelo Narragoniam. Èchte vastelaovesmènse, èchte Kieveloeëters, die ik al wardeerde, mèr de afgeloeëpen titj nòch mieër bén gòn wardeere. Mèr ók ónderweeges nòr 't femielliemoomènt. Ik mèrrek dè ter tòch wa spanning ópzit béj méj.

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 27

De maagiesse (Dólle) mòndich

De Siem - De (zòveulste) verrassing

Lèkker fit zit ik èn min óntbéjt. Tis mòndiggemèèrge èn ik moet um tie:n uurre stééke. Nòrmaal gesprooke, as ik génne prins zò zin, loeëp ik övver 'n hallef uurke nò de Siem vur de Dólle Mòndich. Al mieër as dartich jaor doen wéj di mi 'n vaast klupke Dólle Mòndich-maote. Dòr blie:ve we dan de gansen dach. Vur méj, nééve den óptòcht, 'n vaast hòchtepunt van min dréj dólle daach. Mèr as prins is tè gans anders. Gén próbleem netuurlek, want dan haa ik nee moette zégge. Toe de utjnöddeging binnekwaam van Medelo Narragoniam um 'n óntbéjt te órganiezeere béj de Goejje, èn wéj as Kieveloeët dòrvur utjgenöddicht waare, zee ik dan ók mee jao. In 't belang van vastelaovend in Méél is di 'n sjitterent ieniesjatief. Ók al betieëkent 't dè ik de oo-zò-sjònne èn belangriekke uurtje uurkes van de Dólle Mòndich van de Siem moet misse, tans dè daacht ik.

Vòrst Ron èn ik zitte in den òwtoo ónderweeges nò de Maaspoort in Vènloo vur de prinsefootoo. We dingke nao èn droeëme wa, tòt 't moomènt dè 't derutj kumt. Ók vòrst Ron veengt 't bezónder jòmmer, héj is ók èn van de Dólle Mòndich-maote, dè héj die uurste oo-zò-sjònne belangriekke uurkes béj de Siem moet misse. Besèffende dè di de leeste kieër is dè we di kanne doe: … Ik ving 't ók jòmmer mèr in 't belang van … tis gewoon nie anders.

Tis mòndiggemèèrge hallef tie:n. Nèt wa óntbeete èn ik bén éjgelek al vérrich. ’t Vurdél van geestere óppentitj nò husj gao begeent nòw al zin vruchte af te wèèrpe. Lisette is wal druk mi méj èn de gang um alles vérrich te krie:ge: “Doe nòw ens rustich! ’t Steeke is pas um tie:n uurre.” Dan wérter óp de deur geklòpt èn ik loeëp nòr ónder hin. Atjuudant Mark sté vur de deur mi zinne vrachtwaage. “Ik kóm éfkes wa oppikke, maakegéj de laajklèp vast oope.” Nie naodinkende èn ik maak ‘gewoon’ de laajklèp oope. Ik huuër wa èn kie:k in die laajbak. Wa ik dan zie: is nie te gluuëve. ’n Groeët laang tòffel mi dòrèn de ganse rò van éllef mi ’t kómmietee, mèr ók mi alle Dólle Mòndich-maote. Wir is ter in ’t diepste gehéjm ’n plan gesmeeje. “Dörrum waar Lisette zò druk mi méj. Die waar netuurlek wir óppe höchte. As we nòw ’n uu:r érre nòr de Siem gòn, dan kénne we die oo zò sjònne èn belangriekke uurkes wal meemaake.” Dè te Kieveloeë SAAME mi min Dólle Mòndich di wér vur mekaar krie:ge èn spésjaal vur méj di doen is hél bezónder. Ik gao ’t nie mér de gansen titj vertélle, mèr géllie weete óndertusse watter in min oeëge sté…

Ónderweeges nò de Siem aachter in de laajbak is 't hòst fést èn de bekéénde joeks ónder óns is dòr al van de pertééj. As we béj de Siem ènkómme, zin dòr ók al ingkele vraolie van de Kieveloeët derbéj. Zéj hébbe gezèùrecht vur bruuëtjes èn belèch. Wa is di tòch 'n fentasties klupke èn van stilzitte hébbe zéj nòch nòjt gehuuërt. Klasse wa zéj allemòl doe:. Ók ingkele femiellielijje zin alwér prezènt. Ingkele uurre van puu:re gezèllichhétj vòllege èn der wért wir aawverwétst gelache. Vòrst Ron èn ik kie:ke mekaar èn, èn ik zie: béj em ók óntruu:ring. Sjòn dè we di nòch mee maage maake. Èn as zèèlefs Jacques Simons mi vriendin binnekómme, um der énne óp óns te dringke, is de mèèrge kómpleet. Groeëte klasse!

Kieveloeët èn netuurlek alle Dólle Mòndich-maote vur dizze giegantiesse verrassing èn dè géllie beréjt zin um di alles vur óns te doe:. Dangk òllie allemòl.

Vòrst Ron zi dè wéj moette gao èn ók veurzitter Rudy zèùrecht dè we apperènsie maake. We wéére verwaacht béj de Goejje. Mi énnege ‘teegezin’ mèr ók gaajing in de vòllegende aktievietéjt gòn we. Uurst pak ik éfkes 't woort èn dangk ik iedderieën vur 'tgeen wa se gedao hébbe vur méj. Ik dangk Nard èn Petra vur de gastvréjhétj èn zéch teege Nard: “Ik kie:k wal òf ik dizzen aovent nòch kóm.” Wòrróp Nard antwoort: “Kiek mèr, we zin oope.” Nòw wittegéllie mee wèllek nievoo ónze dólle mòndigge hébbe, ge moet derbéj zin um 't te gluuëve...!

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 26

De "Zónne zóndich gao ik nòjt mér vergééte” zóndich.

De prisjutjréjking

Ik dringk 'n pilske óp 't pléjn mi ingkel óptòchtdélneemers. Dan kumt Lisette. Fenne is tòch te zie:k um mee nòr de prisjutjréjking te gao. De prisjutjréjking begeent drèk nao den óptòcht. Lisette beslutj um mi Fenne éfkes nò husj te gao. Hoopende dè ze gòwgenóch bétter wért èn nao enne knoe:vel gegévve te hébbe, loeëp ik nò D'n Binger èn Lisette èn Fenne nò husj. Ók Amber gé éffe wa ééte. Béj D'n Binger is 't suuppergezèllich èn ik loeëp den énne nao den andere póllónééze. Dan mach ik 't poodiejum óp. Ik mach saame mi vòrst Ron de prisjutjréjking doe: èn dòrdör krie:ch ik 'n nòch bétter bilt van den óptòcht. Ennen óptòcht wòr zòveul délneemers wa mi méj òf mi óns gezin te maake hi, òf wa övver óns gedao hi. Wa is di tòch fentasties. Ik kie:k dikker bewust dur de zaal um ze allemòl goe te kanne zie: èn di gegévve óp méj in te laote wérreke. Wa hébbe we tòch sjitterende mènse um óns hin... Dè weeste we mèr besèffe dè nòw nòch mieër... Sòms wéére dinge nòrmaal èn moet der wa gebeure um te besèffe dè di nie zò is.

Dan mach ik de femiellie nòr boove brénge vur ur prisj èn krèk óp dè moomènt vlie:cht ók Lisette 't poodiejum óp. Wa ennen ‘timing’. Lisette is allieën gekómme. Fenne is lèkker gòn slaope èn gròtmooder Mia paast óp zòdè Lisette derbéj kan zin. Wa 'n oomaa... Amber stóng al óp 't poodiejum. Hier stao ik dan as grötse prins tusse min (sjòn)femiellie.

Ge moet meedoe: prins Erwin. Ik wéér óp 't poodiejum ópgeroe:pe dur de vriendinne van Fenne èn Amber. Ze gòn 't dènske doe: óp 't poodiejum wa se méj de gansen óptòcht gedao hébbe. Mi kunst èn vlie:chwèèrek doe ik mee, mèr zò goe as zéj dè zal méj nòjt lukke. Wa 'n tallènt èn poodiejumvrees liekke ze zeeker nie te hébbe. Wa 'n toekómst.

Nao de prisjutjréjking gé Lisette mi Amber mee nò husj. Wéj gòn nòch éffe nò de Heere. Ók dòr is 't vólle bak geniette, mèr as ik óns Ellen èn Geert mi Pleun rónt 'n uu:r òf éllef nò husj zie: gao, glip ik gòw mi se mee. Mèèrge belooft enne hélle lange, zwaore èn spésjaalen dach te wéére. 't Femielliemoomènt béj de Goejje èn vur de aller aller allerleeste kieër de Dólle Mòndich béj de Siem. Ik wil dees moomènte van veur wies achter meemaake èn dörrum nòw lèkker nòr min neest. Mèèrge fit. Welteruste allemòl, slaoplèkker!

Dit is 't groëte optoch-leed, want d'n optoch stop nog neet.
En um dit gaat heej ves te völle, môt geej mit ôs dit leedje brölle.
Dit is 't groëte optoch leed, nae, d'n optoch stop nog neet.
En as geej staon bliéf, maak geej kans det geej d'n optoch toch nog zeet.
(Tèkst utj ‘Optochleed’ van Bram & Ruud)

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 25

De “Zònne zóndich, gao ik nòjt mér vergééte” zóndich.

Den óptòcht.

De traone loeëpe övver min wange. Nie um te zumpe, mèr mieër van intèns geluk. Ik loeëp saame mi min kammerèùj van de Kieveloeët övver de Haagelkrusjwéch èn ginswitj hèrkén ik óns fietstenuu. Dan nòch énne, èn nòch énne, èn nòch énne, 't zal tòch nie... Jaowal. Al min fietskammerèùj hébbe zich béjèngepakt èn doen mee in den óptòcht. Dörrum ók min traone van intèns geluk. Dizze klup is uuniek. Ze verraste méj al érre dur mee te doe: èn 'n aktievietéjt van de Kieveloeët, din mee èn de filmópnaames vur de Bónten Aovent èn nòw hébbe ze zich wér béjèngepakt um mee te doe: mi den óptòcht. Alles umdè ik persee de prins wil zin. Klasse. Ik zie: ók dè se der zichtbaar joeks èn hébbe èn as ik ze allemòl enne knoe:vel hép gegévve krie:ch ik den ópdracht dè we wér witjer gao. We loeëpe wéch èn ik kie:k nòch enne kieër aachtereum. Fentasties! Ik drèèj me wér eum èn kie:k rèècht in de gezeechte van min femiellie èn sjònfemiellie. De traone zin der wér. Ik zie óns mam, sjònvaader Jan óp de traktòr wòr veuróp 't Kievelmènneke van ónze pap sté. Héj is ter simboolies tòch béj. Ik zie: Lisette der ók béj. Ók Fenne, Amber èn Pleun zie ik as danserèsse. Ze zin mi zòveul dè ik ze nie allemòl óp gao noemme, mèr 't duu me ècht veul dè ze meedoe: in zòn groeëte getaale. Tantes, nééve, nichte, suupper bedangt. Min traone krie:ge de vréjje loeëp as ik ók óns Ellen zie. Sjònmooder Lieneke is krèk veur de vastelaovent gestèùreve mèr óns Ellen hi tòch besloote um mee te doe:. Ik knoe:vel ur intèns. Klasse Ellen. Èlleke beslissing waar de juuste gewees, mèr ik ving 't netuurlek sjitterent dè se hier is.

Dan kumt Lisette èn ruupt méj mee. We loeëpe richting Ròggelsendiek èn dan sjrik ik méj héllemòl kepót. Dòr sté méj tòch enne groeëte waage èn ik hèrkén der medieën 'n prinsewaage in. Ók hèrkén ik mee de prins van dienst, jaowal... Erwin Daems. Saame mi atjuudant Emiel èn, éfkes truch in zin aaw funksie, vòrst Wiljan stòn ze óp 't hòchste sjavót van de waage. Nòw wit ik drèk wörrum Erwin zò moos lache toe ik smèèrges zee dè ik di jaor WAL mi de groeëte waages mee zò doe:. Héj wees netuurlek ók al dè héj ÓK mi de groeëte waages mee zò doe:. Éjndelek doen we mi de groeëte waages mee, allieën zit der hóndert mééter tusse... Hahahaha. Alle kammerèùj, vriendinne èn zèllefs wichter van de Zuk stòn óp ur prinsewaage 'n fésje te baowe. Dan zie ik ók de nòbbers vurbéj kómme. Wa doen zéj hier, mèr nao énnich naovraoch bliekt dè óns nòbbers zich hébbe gevuu:cht mi ónze kammerèùjgruupke. Saame hébbe ze de waage gebaowt. As di génne vastelaovend is... SAAME. Feenoomeenaal. Ze krie:ge allemòl enne knoe:vel òf enne ‘high-five’ èn naodè ik éffe mi prins Erwin den twédde óp de footoo bén gegao zie: ik minne vòrst wingke. We moette witjer. Kammerèùj, èn dòrmi bedoel ik ók min nòbbers, dangk òllie wal. Feenoomeenaal.

Ónderweeges truch nòr ónze prinsewaage ruupt Lisette méj... kie:k hier.. Zichtbaar óntroe:rt, weesjt ze nòr 'n klutj dörskes. Ik hèrkén mee ur vriendinne. Ze zin al venaf ur prille jeucht béjmekaar èn hébbe 't plan ópgevat um mee te doe: mi den óptòcht. Umdè 't vrientje van òw vriendin prins wil zin, doen ze mee mi den óptòcht. As dè gén èchte vriendinne zin... Ik bén blééj dè ur iedee is gebazeert is óp 't féjt dè ik min immoosies (léés... traone) de vréjje loeëp löt, want ge begriept dè de traone der (nòch steets) zin. Prins Erwin, prins Erwin, prins Erwin. Ik huuër minne naam, nim afsjéjt van de vriendinne van Lisette èn vòllech 't gelöjd. Dan zie: ik hél sjòn roeëj pèkskes èn ik zie: mee dè di de vriendinne van Fenne èn Amber mi ur aawers zin. Wa zien ze der tòch fantasties utj èn wa is di tòch allemòl bezónder. Dè ze allemòl meeode: mi den óptòcht umdè de vaader van ur vriendinne prins is... Ik slao de haant vur min oeëge, ik kan di gewoon nie geluuëve wa hier allemòl èn 't gebeuren is. Dan hép ik 't nòch nie gehat övver de sjutterééj die aaw footoos van méj hébbe béj ur óptòchtdélnaame. Òf kammerèùj Tjerk èn John die meeloeëpe as Lisette èn Erwin, sjitterent! Alle vriendinne van Fenne èn Amber krie:ge enne ‘high-five’ ééve wie ur aawers. Dangk òllie alle, èchte vriendinne èn wa is di tòch 'n sjòn klupke dörskes. Èn ur aawers netuurlek, 't klikt. Hél bezónder.

Tis titj. Titj um min plèkkie in te neeme óppe prinsewaage. Ik klim óppe waage, géf de ènweezigge lijje van de rò van éllef 'n bóks èn wèns ze hél veul plezie:r. Dan klim ik umhòch. Ik zie: enne straolende vòrst die ók zin uursten óptòcht óppe waage gé belééve. 'n Bóks vòllecht èn we wènse mekaar veul plezie:r. Dan kie:k ik nò minnen atjuudant. Héj is ‘èrvaare’ in 't meedoe: mi den óptòcht óppe prinsewaage, mèr héj hi der nao twieë jòrre génnen óptòcht ók hél veul zin in. Héj vult de bèk mi slòk èn óndertusse trékt den óptòch nééve ónze stilstònde prinsewaage. Alles kumt nééve èn dur de traone hén prebieër ik iedderieën te groette. Ók Fred èn Silvie wér prezènt. Wa zien ze der wér ‘béldich’ utj. As de prinsewaage van prins Erwin den twédde vurbéjkumt, starte wéj ók ónze mótoore. Èn as min femiellie néévekumt, beginne wéj ók èn ónze (zeege)tòcht. De gansen óptòcht aachter óns femiellie. Sjònner gé hòst nie. Vannaf de uurste menutj gòjje de leeje van de rò van éllef mi lèkkers asòf ur lééve dervan afhééngt. Geniette mi hoofletter G doe: ik óppe waage. Èn ik nie allieën. Ieën fést van hèrkénning èn tis sjòn um te zie: woe blééj mènse allemòl zin. Vastelaovend ‘optima forma’! Ik hép 'n gréjns óp min gezeecht wiesdè we óp de Sjoolstraot zin.

't Flèùtje van atjuudant Mark klingt èn de meziek gé utj. 't Flèùtje klingt vur de twédde maol èn alle ènweezigge leeje van de Kieveloeët óppe prinsewaage drèèje enne kwartslach nò lings èn doen vervòlleges urre steek af èn zette dizze ónder ur lingkerèèrem. We stòn vur Henk èn Geert de Leeuw èn ur ènweezigge dierbaare. Di is UT ieërbetoon van de Kieveloeët Lieneke. Nao 'n kòrte stilte klingt 't liet van Blieve Lache “Lééf 't Lééve”. Tis indrukwekkent èn kumt nie allieën béj Geert èn Henk binne. Ók óp de waage laote we óns immoosies de vréjje loeëp. Ik ók. Lieneke is de sjònmooder van óns Ellen. 't Nummer “Lééf 't lééve” hi netuurlek béj óns 'n bezóndere betieëkenis. Blieve Lache spulde di nummer óp de Bónte Aovende van 2018 èn droegge di mi indrukwèkkende weurt óp èn ónze pap.

't Flèùtje klingt, de steeke kómme ónder óns linkerèèrem èn wéére wér ópgezit. Nao ingkele goekeurende blikke van Henk èn Geert gòn we wér witjer mi den óptòcht. Dan véélt méj óp dè ter veul puubliek èn óptòcht délneemers truch zin geloeëpe um di ieërbetoon mee te kunne maake. Klasse èn wa sjòn dè de Kieveloeët di duu. 't wért eenòrm gewardeert. De traone, en dizze kieër van verdriet wéére wéchgevéécht. 't Flèùtje klingt nòch enne kieër èn de meziek gé wér èn. Ók wéj gòn wér ‘èn’ èn we beginne wér mi hòsse, springe, èn slókgòjje. Wa enne ‘rollercoaster’ van eemoosies mèr di is 't lééve. Di is vastelaovend. We réjje wéch èn ik kie:k nòch ens aachtereum. 't Verdiende ieërbetoon is geslaagt. Fantasties!

Atjuudant Mark löt méj 'n fillemke zie:. Óp 't fillemke hèrkén ik 't husj van vòrst Ron. 't Husj li èn de roette van den óptòcht. Alle raame stòn oop. Aaw prins èn bruu:r van vòrst Ron, Ger Basten, hi alle raame oopgezit. Ik vraoch èn atjuudant wa di te betieëkene hi. Tis enne óngesjrivve reegel dè, wòr enne raam oopesté van iemmes van de Kieveloeët, der slòk nòr binne wért gegòjt. We drèèje de Zónnedòw óp, ik zie: de bréjje glimlach van Ger, ik kie:k vur me èn zie: dè de rò van éllef de bótsjap hi begreepe. Béj 't husj van vòrst Ron gé de slòk de leucht in èn dur de raame nò binne. Vòrst Ron haa de bèùj al zien hange en li zich nér béj 't gebeure. De joeks óp de waage wért almèr gròtter èn as we De Straot indrèèje èn de mènsemassa zie:, is dizze joeks óp sen gròtst. De meziek klingt vólle bak óppe waage èn we gòn van lings nò rèchs. Wa 'n genót èn wa 'n mènse. Sjitterent um di zò mee te maage maake. As we De Straot utjréjje stóppe we. Lisette, Fenne en Amber maage óppe waage kómme. Amber gòjt mi wa slók asòf ze vur jòrre béj de Kieveloeët is. Lisette èn ók Fenne, óndangs dè ze nie fit is, geniette zichtbaar. 't Rakt méj ók wér um zò mi min fentasties gezinnetje di mee te maage maake. SAAME óppe prinsewaage, wie haa dè òjt gedaacht?!

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 24

De “Zònne zóndich, gao ik nòjt mér vergééte” zóndich.

Kievel FM

De Kórroona hi óns ennen bak èllende ópgeleevert. In die pirriejoode zaat de Kieveloeët netuurlek nie stil. Én van die ieniesjaatievve die óntstao zin in die pirriejoode is dè te prins mi zin atjuudant èn de vòrst 'n bezuu:k brééngt èn John Wijnen, den diezjeej van Kievel FM. De Kórroona is gelukkich vurbéj, mèr di bezuu:k wil de Kieveloeët derin blie:ve haawe. Hép ik éffe geluk... Èn zò zit ik mi mi enne kóptillefoon óp in zinne stuudiejoo, vraoge te beantwoorde die John óp méj afvuu:rt. Saame mi Ard èn Benny, de órganiezaasie van dees aktievietéjt, zitte vòrst Ron, atjuudant Mark èn ik èn 'n lèkker bèkske kòffie. Der wért wa afgelache mèr as we “óp zènder” zin, wért 't sirriejeus. Ik bén ónder den indruk van de vakkundichhétj wòr John mi wérrekt èn ik bén dan ók zichtbaar èn 't geniette. Der is zèllefs enne lunsjtip èn as éjge zjingel geklongke hi, huuëre we Ricardo zinne lunsjtip gééve. Èn dè alles vólgegòjt mi knòflook. Dan krie:ch ik den ópdracht um kammeraot Erwin te bèlle èn ik mach em utjnöddege um mee nò de Siem te gao. Di vraocht um énnege utjléch. Al die jòrre dè Erwin èn Erwin meedoe: mi den óptòcht gòn we smèèrges nòr óns stamkefeeke de Siem. Dòr dringke we gezèllich 'n pilske mi sòmmigge lijje van DE stamtòffel. Èllek jaor is di wér suuppergezèllich. Mèr di jaor bén ik prins èn is der netuurlek 'n strak prógramma. Mèr de Kieveloeët zò de Kieveloeët nie zin as ter nò meugelekheeje gekeeke wért um bepòlde tradiessies in ieëre te haawe. Vastelaovend is 'n fést van de tradiessies tòch? Dus ók di jaor gòn we saame 'n pilske dringke béj de Siem. Dòr èngekómme bliekke der al veul lijje van de Kieveloeët ènweezich te zin èn 't wért al gòwgenóch gezèllich. Al jòrre roe:pe Erwin èn ik dòr ók dè we mi de groeëte waages meedoe:, wa alzelééve veul joeks zal brénge ópdè wéj vur jòrre laang mi ónnuuëzel gedoens èn kómme wandele. Mèr di jaor kan ik wal vertélle dè ik mi de groeëte waages meedoe: èn Erwin nie... Nie weetende zòas in min hél prinsesjap wa der die middich gé gebeure... Nao ingkele pilskes èn wa sjòn verhaole moette we ècht gao. We gòn nò de Heere um dernao nòr 't ópstèlle van den óptòcht te gao. Den óptòcht jao... al venaf min vierde léévesjaor loeëp ik mi den óptòcht mee. Uurst saame mi oeëme Louis èn ónze pap, dernao mi óns mam, pap èn óns Ellen. Dernao ingkele jòrre ellieën mi ónze pap um vervòlleges twieë jòrre mi de kammerèùjgroep enne groeëte waage gebaowt te hébbe. Èn vanutj dòr is Erwin èn Erwin óntstao. Ge kaant òw dus wal vurstèlle dè ik eenòrm zin hép in dizze middich. Den óptòcht èn ik óp de prinsewaage.

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 23

De zaalege zòtterdich - De sluttelövverdracht in Méél

Al jòrre doe ik mee mi de bónte aovende van de Érpelemèèntjes. 't Sjònste van de óptrijjes ving ik aaltitj de ópkómste. Ók nòw aachter Goe Gehusseld dur D'n Binger nò boove ving ik suuppertóf. Vòrst Ron èn ik neeme aachter 'n tòffel plats óp 't poodiejum èn ónze ‘teegestanders’ van dizzen aovent neeme plats èn dien andere tòffel De teegestanders zin ròtslijje Piet, Frits, Teun, Sandy èn Sanne. Zéj hébbe zich goe veurberéjt óp de tèkste die vur óns gesjrivve zin. De Véngneuze èn de Kéjsjeut maage beginne èn Britt èn Niek èn Joliena èn Robin hébbe zich óp indrukwèkkende weezje veurberéjt èn as ze zèllefs van Frits Berben hierveur kómpliemènte krie:ge, dan wittege dè se 't fentasties gedao hébbe. Den druk li nòw béj óns mèr vòrst Ron begeent zin gedélte èn ik mèrrek dè héj héllemòl in zin ròl zit. Héj straolt reust utj èn dè slö övver óp méj. As ik mach beginne, mèrrek ik dè ik der ók lekker in zit. Ik zuu:k oeëchkóntakt mi Bertine èn ze knikt bevreedegent. Di géft min zèllefvertraowe ennen eenòrmen boe:st èn we maake der mi sen alle enne waore hèppening van. De hooftròl is in min oeëge héllemòl vur Frits. Wa 'n genót um mi dizze mèns óp 't poodiejum te stao. Netuurlek ók de kómpliemènte èn de ander ròtslijje. Ze stélle zich óp enne prèttigge menie:r kwètsbaar óp, mèr 't applòws nao de sluttelövverdracht zi genóch. 't wért eenòrm gewardeert.

Utjéjndelek weete we mi sen alle de sluttel te bemachtigge èn maage we de zaal van D'n Binger in. Hier trèf ik veul ‘aawgediende’ van de Kieveloeët. De prinseplètjes óntwòrrepe dur kammeraot Mark zin al vérrich èn ik bén zieër verieërt dè ik dizze béj veule mach eumhange. Ik prebeer béj iedder plètje 'n kléénj verhèùlke derbéj te vertélle zòdè 't persoonlek wért.

Dan kumt minnen atjuudant èn zi dè we nòch twé menutje hébbe. We gòn de vlach héjse èn vervòlleges nò de Heere van Meijel. Ók hier haa ik nòch uurre kan blie:ve béj dees sjòn mènse. Nao twé menutje loeëpe we saame nò 't Kievelmènneke wòr we de vlach héjse èn dernao aachter Goe Gehusseld richting de Heere. Dòr valle de mènse zòwa nò butje umdè 't zò druk is. Der wért durgegévve dè we der zin èn vervòlleges loeëpe we nò binne. Ók hier wéére we hartelek óntvange èn krie:ch ik 't woort. Vervòlleges stòrte we óns in 't féstgevuu:l. Tis druk, èrrech druk, èn ik zuu:k in de keuke éfkes nò 'n reustich plèkske. Nèt wie ik dòr bén, kie:k ik rèècht in de oeëge van Bjorn & Mieke. Zéj zin de hooftèkt vandaach èn nao 'n kòrte buurt loeëpe zéj ónder löjd gejoel 't poodiejum óp. Béj 't twédde nummer maage wéj al mee 't poodiejum óp. Ik bén nie zò van 't poodiejum mèr gezie: den drukte is di nòch nie zòn verkieërde plèk. Saame mi min meeheersers maake we der 'n sjòn fésje van óp 't poodiejum. Bjorn & Mieke maake der vur iedderieën 'n sjòn fésje van. Rasartieste mèr ók nòch gewoon gezèlligge èn vriendeleke mènse. Nao den toegift gòn ze wér witjer. Ze hébbe nòch ingkele óptrijjes geplènt stao. Mèr mi diezjeej Hans gé 't fést gewoon witjer béj de Heere. Den énne póllónééze nao den andere wért gevèùremt èn ik belééf enne sjitterenden aovent. Ók Fenne èn Amber ammenzeere zich kostelek èn Lisette hi wénnich nöddich um zich te ammenzeere. Dan lòt ik 't verstant zeegevierre van min gevuu:l èn ik beslutj ik saame mi min gezin um nò husj hin te gao. Mèèrge uurst... Droeëme mi de oeëge oop.

Sluut òw oeëge
Volg òw droeëme
Onder ut wake van de maon
Prinse, prinsesse, kroeëne en vaere
Kiender zien nòw wat ze straks wille werre
En een droeëm laot dat ontstaon
As d'n tied dan stil blieft staon
En mit vastelaovend de loeke ope gaon
Dan kunne we droeëme, droeëme mit de oeëge oop
Vier ‘t laeve, màk ‘t waor, vastelaovend, gènne slaop

(Tèkst utj ‘Droeëme mit de oeëge oop’ van Bjorn & Mieke)

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 22

De zaalege zòtterdich - De vastelaovesmis

“Goe döjdelek sprééke, langksaam èn wa övverdrivve mach” zee keplaon Roger teegen óns. Ik zit saame mit vòrst Ron, vòrstin Joliena, prinsès Robin van de Véngneuze èn prins Niek èn prinsès Britt van de Kéjsjeut boove béj de Heere van Meijel. Ók de mooder van Britt èn de vaader van Niek zin van de pertééj. We kie:ke nò de instruksies van keplaon Roger vur de vastelaovesmis die wéére gehaawe dizzen aovent in ónze kéérek. De tèkste van dizze mis zin vur óns gesjrivve èn hébbe we de afgeloeëpe daach óns éjge gemakt. Nòw wéére de puntjes óp de i gezit. Keplaon Roger li óns óp 'n zieër rustige menie:r alles utj. Ik mèrrek dètter béj méj spanning óp zit vur dizzen dach. Nao de mis is dan ók de sluttelövverdracht in óns éjge Méél. Utj èrvaaring wit ik dè hie:r de ‘crème de la crème’ van de Méélse vastelaovend ènweezich zal zin. Mèr dur de rustigge menie:r van utjléch èn dè ik nie den énnichste bén mi wa spanning, nimt de dizze spanning nòvvenant dè wéj blie:ve oeffene, tòch wa af. Nao 't oeffene van de mis gòn we dur nò D'n Binger wòr we ónder toezicht van Bertine Joosten, saame mi ur mooder Victorien èn Hidde Knops de sluttelövverdracht oeffene. Bertine hi dizze gesjrivve vur de vólwassene, Hidde vur de wichter. Ók hier krie:ge wéj wér bruukbaare tips èn atviezze. Dangk Bertine èn Hidde. 't Gaf méj hoe dan ók wa reust (vurluuëpich).

Nao de ginneraale gao ik nòch éfkes truch nò de Heere wòr ik saame mi min fietskammerèùj van 'Vooruit nog enne dan’ nòch 'n pilske vat. Hiernao gao ik wa ééte èn mèlt ik méj wér béj de Heere. Ik vuu:l de spanning èn mèrrek dè dizze ók béj vòrst Ron ènweezich is. Mèr ók dè we der wér béjde zin in hébbe. We stélle óns óp èn mi Goe Gehusseld veuróp loeëpe we richting de kéérek. Vòrst Ron èn ik kie:ke mekaar èn, èn gééve mekaar enne bemoediggende bóks. De steun die ik èn vòrst Ron hép ving ik féjn. As ik aachter Goe Gehusseld loeëp mèrrek ik dè ik der nòch mieër zin in krie:ch èn al klappent loeëpe we nò de kéérek. Veur de kéérek is 't éfkes waachte èn óp 't tieëken loeëpe we binne. Ik kie:k rónt èn zie veul mènse èn ók veul bekéénde. Sjitterent um te zie:. We neeme plats óp de gerizzerveerde platse èn waachte óp keplaon Roger. Héj kumt vréj gòw èn de mis gé beginne. Wa vòllecht is enne fentastiesse mis mi alle ingridiejènte. Enne fentastiesse Heimat Kapelle die óp min verzuu:k ónder andere The Rose speult van Bette Midler. Di din ze vééjf jaor gelijje ók téjdes de vastelaovesmis èn droegge toe di nummer óp èn ónze pap. Keplaon léjt 't nummer in mi zin suupper gekózze weurt èn spésjaale eemoosies maake méster van méj. Dangk dirriegènt Johan Theeuwen èn netuurlek de ganse Heimat Kapelle.

De Kwéékers kómme héllemòl tòt utjing in de kéérek èn as de klangke wér klingke van minne spreuk, sjie:te min eemoosies wér alle kanten utj. Ók bén ik gröts óp de béjdraages in dizze mis. De tèkste loeëpe goe èn de tips die wéj smiddes kreege, hébbe we óns ter harte genómme. Ik mèrrek béj min éjge dè ik nao dizze mis innòrm veul vertraowe hép in de sluttelövverdracht. De groeëte spanning is der vannaf. 't Éjde van de mis indrukwèkkent. Veurzitter Rudy hi de slòtweurt zèùrechvuldich gekózze vur 't gééve van de hòchste óndersjééjing van CV De Kieveloeët, den druppel. Dizze mach ik walverdient eumhange béj keplaon Roger. Al éllef jaor zèùrechtjie óp sen éjge huumòrvólle weezje vur enne fentastiesse béjdraage èn de Méélse vastelaovend. Keplaon Roger, van harte gefilliesieteert èn dangk vur òw béjdraage in 't slaage van de vastelaovesmis. As we de kéérek utjloeëpe mèrrek ik èn de mènse dè se genoote hébbe. Gòwgenóch loeëpe we dur nò D'n Binger. 't Lééve van de prins hi 'n strak titjsjeema mèrrek ik...

When the night has been too lonely
And the road has been too long
And you think that love is only
For the lucky and the strong
Just remember in the winter
Far beneath the bitter snows
Lies the seed that with the sun's love
In the spring becomes the rose

(Tèkst utj ‘The Rose’ van Bette Midler)

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 21

De vrooleke vréjdich - Machsövverdacht van Pieël èn Maas èn waagereechte.

Zòas gewoonlek bén ik wér nèt wa te laang blie:ve hange béj de Heere èn bén dus ellieën tusj gewees um te zégge dè ik… wir nòr de Heere gao. Lisette kéént me gelukkich bétter as ik. We gòn mi de bus nò de machsövverdracht in Èchel. Veul Méélse réjje mee wòrónder ingkele aaw-lijje. Vur méj is ’t spésjaal dè te machsövverdracht in Èchel is, umdè ónze pap hier fértich jaor èn de sjool hi gestao. Veul Èchelse mènse hébbe béj em óppe klas gezééte, dus ik bén benééjt waffer ennen aovent ’t wért. De bus stópt in Èchel, krèk veur ’t husj van Ves èn Marjan Wilms. Ves is aaw-kòlleega van ónze pap, dus ik mee rènne nò zin husj. Ze maake èntoezjast de deur oop èn gòw gééf ik ur twieë prinseplétjes. Geniet dervan ruupt Ves óns nòch nao as we ènloeëpe nòr ’t Erf. As ik dòr binnekóm is al mee de uurste verrassing. Erwin èn Bianca, nèt wie Mark èn Anneke zin ènwizzich. Sjòn um te zie: woe zéj dizze vastelaovend mi óns meevie:re. Al gòw hèrkén ik ingkele ander prinse èn mi Leon, prins van Èchel, dringk ik al gòw ’n pilske. Gòwgenóch wéére we óp ’t poodiejum verwaacht. Eum beurte mach de prins béj de prizzentaatoore van dienst kómme. Robert Janssen èn burgeméster Wilma Delissen. Zéj hébbe wa veurinfòrmaasie gekrigge van de vastelaovesverénneginge. Zò kumt ieddere prins èn zin trékke, èn óp ’n gegééve moomènt huu:r ik minne naam. Mi Robert hép ik óp ’t prinsetrèffe in Remeunt de gansen titj gebuurt èn burgeméster Delissen haa ik óntmoet óp ónze fentastiesse Bónten Aovent, die ók béj ur den indruk aachtergelaote haa. Ik vuu:l me tusse de twieë wal óp min gemèkske èn as Robert begeent övver ónze pap géftjie méj gewoon de miekrefoon. Ik reecht me netuurlek uurst óp de Kieveloeëters, dernao óp alle ènwizzigge vastelaovesvierders mèr spésjaal óp de Kemphazen, de vastelaovesverénneging van Èchel. ’t Wért stil èn ik kan min verhaol vertélle. Dè ‘t ’n ieër is um de sluttel in Èchel te krie:ge umdè ik de zoon bén van méster Verheijen èn dus Èchel ’n wèèrem hart toedraach. Óndertusse hèrkén ik veul bekéénde Èchelse mèr ik zie: ók ingkele mènse verbaast kie:ke èn kóntakt zuu:ke mi zinne of urre nòbber. ’t Makt indruk èn as ik minne spreuk utjléch zòdè ónze pap tòch ’n bietje ènwizzich is, kumt der applòws. Min verhaol krie:cht ók de goekeuring van de burgeméster èn ze övverhandicht méj de sluttel. WE HÉBBEN UM! As alle prinse èn prinsèsse zin geweest èn de sluttels hébbe gekrigge, loeëpe we nòch ingkele póllónéézes. Mèr ik wil éjgelek zò gòw as meugelek nòr den hoe:k wòr de Èchelse stòn. Saame mi minnen atjuudant loeëp ik die kant utj. Wa dòr gebeurt is fantasties, èn bezèùrecht méj in dien bloethieëte zaal hénnevèl. Iedderieën klamt méj èn èn hi wal ennen annèkdoote övver ónze pap. Annèkdootes van em as lie:raar mèr ók hoe héj butje sjool was. Ik huu:r de mést biezóndere verhaole èn ik ving ’t ok biezónder jòmmer dè ik te huu:re krie:ch dè te bus der is. Ik nim afsjéjt van de Èchelse èn gao nòr de bus mi ’n ruchzak vól verhaole övver ónze pap. Zèèlefs minnen atjuudant is zieër ónder den indruk van watjie te huu:re gekrigge hi. Fantasties!

Maar papa, ik lijk steeds meer op jou.
Papa, ik hou steeds meer van jou.
Papa, ik lijk steeds meer op jou.

(tèkst utj ‘Papa’ van Stef Bos)

Kóm óp prins, trappe, kóm óp, ge leecht aachter. Dizze ènweezjinge krich ik nò minne kóp geslingert. Ik zit óp enne fiets, nie minnen éjge fiets mèr óp ’n sórt bie:rfiets. We zitte béj John Evers in de lòts èn dizzen aovent in ’t waagereechte. ’n Féstaovent wòr de prinsewaage óp enne luudiekke menie:r ónthult wért. Umdè ik géér óp enne wielrènfiets zit, hi de waagekemissie vur dizze varriejant gekózze. Woe harder dè ge fiets, hoe érre dè bie:rglas nòr òwwe mónt drèèjt, èn dus woe érre ge dè pilske leech hét. Ik mérrek mee dè ik nò ’n titje de pedaale nie mér èngerakt hép èn verleesj dus al mee minnen uurste wétstréjt. Jòmmer mèr heelaas èn gao mèr èn de bar stao. Hieraachter sté alwér enne groeëte verrassing. Maot Erwin die de barman is van dizzen aovent. Klasse zòas héj dizze vastelaovend saame mi óns èn ’t belééve is. Utjéjndelek hébbe we enne fentastiessen aovent gehat as we um én uurre óns óp husj èn doe:. Inèns wért der in de rèmme gekneepe óppe Dóngk. Al ingkele Kieveloeëters stòn óp ’t fietspa. We stóppe èn klimme van ónze fietse. We vuu:ge óns béj de ander èn zitte ‘Lééve de Kieveloeët’ in. Ik bén getuu:ge van ’n jòrrelange tradiessie. Prins Peter van 2007 èn zin gezin wéére ‘wakker’gezónge. Nao ingkele menutje gé de deur oop èn wéére we binnegelaote. Ingkele flèsse bie:r wéére genutticht èn ’t énne sjònne verhaol nò ’t andere sjònne verhaol wért vertéélt. Vastelaovend is ennen titj van tradiessies, en di is enne hélle sjònne. Dangk Peter èn Christie vur de gastvréjhétj. We klimme wér óp óns fietse èn gòn tevreeje óp husj èn. Wa enne sjònnen dach.

wie döt mij wat, wie döt mij wat
wie döt mij wat vandage 'k
heb de banden vol met wind
nee ik heb ja niks te klagen
wie döt mij wat, wie döt mij wat
wie döt mij wat vandage
'k zol haost zeggen, jao het mag wel zo

(Tèkst utj ‘Op Fietse’ van Skik)

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 20

De vrooleke vréjdich - Sjool èn óppe kòffie.

“Halloo prins Erwin, hee dòr is prins Erwin, hee prins Erwin, wörrum hérrege òw pak nie èn prins Erwin?” ’t Blieft wénne vur méj. Ik loeëp óp ’t sjoolpléjn óp dizze vréjdich. Saame mi Lisette brénge we Fenne èn Amber nò sjool. Amber mach um hallef neege óptreeje èn dòr zin we as aawers vur utjgenöddicht. ’t Is drèk um hallef neege, dus ik kan di nòch nèt zie: want um hallef tie:n mach ik al ‘steeke’ béj de Heere. Ik loeëp dus as pappa van Amber hier óp sjool mèr de méste zien méj nòw in dizze pirriejoode as prins Erwin. Ók al loeëp ik nòw ‘casual’ èn nie in prinsepak. Ik gééf wa ‘high-fives’ èn wa knoe:vels èn de wichter èn nim plats óp de trappe in de sjool. Di is ’t poodiejum van vanne mèèrge èn we waachte wiesdè de tóppers van joenit dréj èn vie:r zich mèlde. Ze hébbe ’n liet mi dans ingestuudeert. Mi wa zinnewe mèr vól èntoezjasme kómme ze utj ur lókaal èn de oeëge van de wichter zuu:ke nòr ur aawers. As de blikke mekaar gevónge hébbe, vòllegeder bekéénde zwèèjgebaare. Sòmmige wichter zien méj ók zitte in ur zuu:ktòcht nòr ur aawer(s). Ók krie:ch ik van sòmmige ’n zwèèjgebaar. Sjòn um mee te maake. ’t Óptreeje is fentasties èn ze straole van oeër tòt oeër. Ók Amber straolt zòas aaltitj. Ze danst èntoezjast èn nimt ’t walverdiende applòws tevreeje in óntvangst. As grötse vaader verlaot ik saame mi ’n grötse mooder de sjool, weetende dè ik övver ’n uu:r wér truchbén. Nie as pappa Erwin mèr as prins Erwin.

’n Uu:r latter loeëp ik as prins Erwin dezèllefde roette wér truch. Aachter de meziekkaar van de Kieveloeët loeëpe we nòr de wichterópvang. Hier wéére we hartelek óntvange dur de prizzentaater van vandaach Juf Wendy. Ze kan zoeë de plats inneeme van urre mèns as vòrst, moochtjie zie:k zin. Ik doe: ’n kléénj weurtje èn óndertusse zie: ik allemòl kléénj kientjes mi oope mónt nò méj kie:ke. Wa enne groeëte gèkke meneer mi die vérre, èn dan gao ik ók óp min knéjje zitte um óp ‘geliek nievoo’ te kanne praote. We perbeere ’t rekaor te verbrééke van de langste póllónééze òjt. Nao ’n titje zit óns bezuu:k deróp èn gòn we witjer mi ’t strakke prógramma. Footoos wéére nòch gemakt èn sòmmige kómme nòch enne ‘high-five’ haale. Ónder applòws en meziek gòn we witjer nòr de sjool. Dangk vur de gastvréjhétj èn wa ’n sjòn begin van dizze vréjdich.

We loeëpe dur sjool èn bezuu:ke de joenits van Fenne èn Amber. Övveral zin wichter beezich. Knutsele, danse, zinge, ’t is én groeët fést. Dan kóm ik in enne joenit wòr ók Bram in zit. Bram, Kléénjzoon van Giel in 1997 hi méj ók enne brief gestuu:rt. Dòrrin sjrie:ftjie nètjes dè héj nie um óndersjééjinge mach vraoge, mèr as prins van de sjool géér ennen óndersjéjjing wil van de ‘èchte’ prins. Dizze brief kan netuurlek nie ónbeloeënt gelaote wéére, èn Bram wért dus ók óp ’n tòffel gezit. Ik spréék ‘m òffiesjeel toe èn ók atjuudant Mark duu de steek van prins Bram óp de òffiesjeele menie:r af. Héj krie:cht van méj de óndersjééjing, ’t plètje mi zinne naam, ónder de veurwaarde dètjie dizze mi grötsichhétj zal draage. Héj knikt bevèstegent èn der vòllecht ennen dikke knoe:vel. Di zin moomènte die méj zò blééj maake èn ’t prinsesjap zò leuk maake. Dangke Bram, ge béént enne fentastiesse prins.

Ik hép gehuu:rt, gehuu:rt, gehuu:rt, héj is gebórre
Ik hép gehuu:rt, gehuu:rt, gehuu:rt ’t is ècht waor
Hier in de buurt, hier in de buurt isjie gebórre.
De néjje prins van övver twénjtjich jaor.
De néjje prins van övver twénjtjich jaor.

(Tèkst utj ‘De néjje prins van övver twénjtjich jaor’ van Blieve Lache)

Dan gi ’t flèùtje van vòrst Ron. ’t Is titj um te gao. Lunsj béj Óppe Kòffie sté óp ’t prógramma um dan vervòlleges wér nò sjool truch te kómme vur de wichteróptòcht. Èn diegeene die méj ’n bietje kénne, weete dè ik wichter èn den óptòcht ’n wèèrem hart toedraach. Dus di moet fantasties zin. Mèr uurst lunsj béj ónze ‘övverbuurre”.

Aachter de meziekkaar van de Kieveloeët loeëpe we nòr Óppe Kòffie. “Zie: ik dè nòw goe? Twieë dansmerietjes béj den ingang. Jao dè zie: ik goe. Wa is di nòw?” Hél gòw wéér ik béjgepròt. Furrech jaor hi De Kieveloeët hier ók gelunsjt èn vur de joeks is ter toe gezi dè te ‘èntree’ wal wa spèktaakuuléérder moocht zin. Dè laote ze zich gén twieë kérre zégge béj Óppe Kòffie. Dus de ‘èntree’ di jaor is zeeker ‘spèktaakuuléér. Dangke wal. Dan versjinjt prinsès Rien ten tooneele. Rien Evers is prinsès béj Óppe Kòffie èn vól gröts verwèlkómt zéj óns. Rien is femiellie dus di makt ’t vur méj ók wér ’n bietje spésjaal. Óndersjééjinge wéére utjgewisselt èn de ganse femiellie mach èn ’n tòffel gòn zitte. Ofjao, béjnao de ganse femiellie. Sòrrie Benny. De lunsj is hieërlek èn nèt vurdè we de bieën wille strékke gé ’t flèùtje. We maage óns vérrich maake vur de wichteróptòcht. Ik hép ter zin in.

Méster Hidde èn méster Ruud héétje óns wèlkóm èn de groeppe stòn al vérrich. We krie:ge instruksies èn wéj, ‘t ‘dreigestirn’ maage aachter sjutterééj Sint Willibrordus ènloeëpe. Fantasties um ók hier wér te zie: woeveul lijje van de sjutterééj der hier óp enne vréjdich wér de ‘acte de presence’ gééve. Klasse! Dan gòn we loeëpe èn vannaf de uurste mééters is ’t geniette. Wa ’n ménnichte. Di géft wa vur kómmende zóndich béj de ‘groeëte mènsen óptòcht’. Ik sjie:t van lings nò rèchs um bekéénde ’n hééntje te gééve. Wa is di tòch sjòn èn zòwitj ik kan kie:ke zie: ik mènse stao die ennen blik wille zie: van de wichter. Béj de Goejje stappe wéj utjen óptòcht um de rèst te kanne bekie:ke. Ik zie: de wichter geniette saame mi ’t pebliek. Vurral de allerkléénjste ving ik sjòn um te zie:. As afslutjer kumt de groeëte waage van de Kéjsjeut derèn. De waage gé nòch nèt zò hart van lings nò rèchs as geesteraovent. ’t Èntoezjasme van de Kéjsjeuters is zeeker nie minder gewórre, ’t eumgekieërde zèllefs. De waage butst óp èn nér. Sjitterent.

’t Is ’n hallef uu:r nao den óptòcht as alle wichter èn ènweezigge zich verzaamelt hébbe um ’t poodiejum. Tis druk èn dè makt me blééj. Ik hép hier ’n òffiesjeel moomènt geplènt. Ik wil hier ónze twé daochters óndersjéjje. As uurste begin ik övver Amber te vertélle zónder urre naam te nuumme. De wichter lusjtere èn zin meusjstil. Ge kaant enne spèlt huu:re valle. Nao ingkele reegels hébbe de wichter ’t dur èn roe:pe de naam van Amber. Vól grötsichhétj èn mi enne bekéénde glimlach van oeër tòt oeër kumt se nòr ’t poodiejum. Oome Mark, sòrrie atjuudant Mark, géft méj de òffiesjeele óndersjééjing. Ik doe: dizze um Amber urre nèk èn spréék ur toe. Dernao de knoe:ver èn de kus èn gröts löpt se truch. Enne grötse prins achterlaotent. Dangke Amber. Èn ’t begin haa ik de wichter vertéélt dè ter IEËN òffiesjeele óndersjééjing utjgeréjkt zò wéére. Dè was nòch nòjt gebeurt. Dan begin ik te vertélle dètter nòch ’n óndersjééjing utjgeréjkt gé wéére. ÉNNE was al uuniek, lòt stao TWIEË. De wichter zin wér meusjstil mèr al gòw wért de naam van Fenne geskandeert. Inderdaat, de twédde óndersjééjing is vur Fenne. Ók hier de bekéénde handelinge èn ók van ur krie:ch ik ennen dikke knoe:vel. Gröts Fenne, dangke! Dan is ’t wér meusjstil want ik vertél dè ter nie énne, nie twieë, mèr dréj óndersjééjinge wéére utjgeréjkt. Want ik vertél dè ik dizze vastelaovend éjgelek dréj daochters héb. Tòt min verbaazing wért de naam van Lisette geskandeert. Ik kan enne lach nie ónderdrukke mèr ik begin tòch sirriejeus èn min verhaol. Èn ’t wért wér stil. Boejjent lusjtere de wichter nò wa ik vertél. Dan roe:p ik Pleun nò boove, daochter van min zeuster Ellen èn vrient Geert. Dizze vastelaovend is zéj ‘ónze dréjde daochter’. Béj ’t utjkómme van méj as prins vóng Pleung ’t fentasties vur Fenne èn Amber mèr besèfte krèk óp `tzèllefde moomènt dè zéj dè nòjt mee gé maake. Geert is naamelek al prins gewees in 1998. Toe hébbe wéj mee besloote dè Pleun èn zòveul as meugelek derbéj mach zin. Pleun kumt ’t poodiejum óp èn as ik vertél woe gröts ik óp ur bén dè se hier sté, brékt ze. Tis twé daach truch dè oma Lieneke is gestèùreve. Pleun hèrpakt sich gòw èn óntvééngt ’n óndersjééjing vól gröts. De knoe:vel die dernao krie:ch koester ik nòch iedderen dach. Dangke Pleun. Dan kie:k ik richting óns Ellen èn zéj knikt mi ennen duum umhòch van goekeuring. Ik besèf mee dè di ’n fentasties moomènt is. Ik bekómpliemènteer de wichter mi ’t féjt dè se ’n fantasties pebliek waare. Óp dè moomènt kómme ze allemòl enne knoe:vel òf ‘high-five’ haale. Wa enne sjònne afslutjing van de fentastiesse wichteróptòcht. Ik kie:k rónt èn zie allemòl kóntènte mènse. Dus gòn wéj as kóntènte Kieveloeët nò de Heere. Kwart övver twieë, ròtsvergaddering. Jèjao, ’t is nie allieën mèr fést.

’t Is de leeste ròtsvergaddering vur de dréj dòlle daach èn hier wéére de puntjes óp de i gezit. Alles wért durgenómme van A wies Z. As prins vuu:l ik méj éjgelek gast téjdes dizze vergaddering. Iedderieën hi der al mònde van wèèrek ópzitte èn nòw moet alles ‘vérrich’ zin. Iedderieën hi zin taake èn géft utjléch as ter um gevraocht wért. As gast zie ik dè iedder lit der óngeluuëflek veul zin in hi um wér aawverwitst vastelaovend te vie:re. We verlaote dan ók mi enne bréjje glimlach de vergaddering um der nòch énne te vatte mi de jas èn, ónder béj de Heere. We hébbe éfkes pòwze veurdè we um hallef zis nò de machtsövverdracht gao van Pieël èn Maas.   

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 19

Waagereechte Kéjsjeut

“Dòr zin ze… dòr zin ze…” Èn dan huu:re we ennen hoeëp gezang. Wa ’n wèlkóm. Wéj, vòrst Ron èn ik, kómme èn béj ’t husj van prinsès Britt van de Kéjsjeut. Alle Kéjsjeuters stòn óns butje óp te waachte èn maake ’n booch wòrrónder we dur maage loeëpe. Utjéjndelek kómme we in enne ruumte wòr alle aawers, bruurs èn zeusters stòn van de Kéjsjeuters. Éfkes latter slutje atjuudant Mark, Lisette, Fenne èn Amber èn. Dizzen aovent is ’t waage reechte van de Kéjsjeut èn vieja ’n fillemke zin wéj utjgenöddicht. ’t Èntoezjasme béj de Kéjsjeuters spat der vannaf èn al gòw wért besloote tòt ennen òffiesjeele oopening. Ók ik mach ’n weurtje haawe óp ’n geimpróviezeert poodiejum (kratje bie:r) èn ik spréék alle ènwizzigge toe. Ik geniet zichbaar van de Kéjsjeuters mèr ók van ur aawers. Al mieërmaals umsjrivve, mèr ’t is nòw émmel ’n fentasties klupke, de Kéjsjeut saame mi ur aawers. Ik hép den ieër um saame mi vòrst Ron èn atjuudant Mark ’t doe:k van de waage de trékke. We doen di netuurlek saame mi de Kéjsjeuters èn tèlle van éllef nò ónder toe. Dan wért de waage zichbaar èn dizze is sjitterent. Hier zit ménnich uurke ‘wèèrek’ in, mèr as ik di èn de ènwizzigge vraoch, antwoorde zéj mi: “Di waar gén wèèrek, ’t waar biezunder gezèllich!”. Tieëkenent vur de sfeer binne di gezèlsjap.

De Kéjsjeuters springe al óppe waage èn tèste de vérre. De waage gé al goe van lings nò réchs. Di belooft wa. Ik geniet ónder ’t genót van ’n flès bie:r van ’t taffereel wiesdè ik tòt min verbaazing Fenne èn Amber ók óp de waage zie meehósse. Vólle bak springe ze mi de rèst mee. “Sjòn hè” zee Jolanda teege méj. Ik kan ellieën mèr knikkent bevèstigge. Di is geniette. Tis enne sjitterenden aovent mèr um tie:n uurre gebruukt vòrst Ron zin verstant èn tikte méj èn: “Ik gao nòr husj, mèèrge enne langen dach!” Min gevuu:l zi van ‘ik blief nòch éffe’, mèr ’t verstant weent èn ik huu:r méj zégge: “waacht éffe, ik gao mee!”. We neeme afsjéjt èn gòn tevrijje nò husj. Wa enne sjònnen aovent mi sjòn mènse. Ik dangk òllie vur de ènweezichhétj èn de gastvréjhétj. Géllie kanne allemòl zò gröts zin as ’n pòw óp òllie tóppers.

Welkom in de feesttent
Doe maar lekker maf
Tis jammer van de zolder
Maar het dak, dat gaat eraf
Hakken, beuken, springen
De hut gaat uit z'n bol
Allemaal van links naar rechts
De tent, die wordt gemold
Allemaal van links naar rechts
De tent, die wordt gemold
Allemaal van links naar rechts
De tent, die wordt gemold

Naar links! Naar rechts!
Nog enne keer!
Naar links! Naar rechts!
O, wat een feest!
Kom op, kom op, kom op, kom op!

(Tèkst utj ‘'Links rechts’ van Snollebollekes)

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 18

Bezuu:k zèùrechsèntrum

Tis alwér dónderdich. Vurraf zin al ingkele aaw prinse teege méj: “Geniet dervan, want ’t is zò vurbéj”. Ik ving ’t nòw al rap gao èn dan moette dréj dólle daach nòch beginne. Wa gé ’t gééve. We stòn in ’n kléénj kèmmerke in ’t zèùrechsèntrum wòr we waachte óp ’t sinjaal um de bezuu:kersruumte van ’t zèùrechsèntrum binne te maage.

We zin ‘t ‘dreigestirn’ van De Kieveloeët, vòrst Ron, atjuudant Mark, de prins van dienst, èn vandaach zin we saame mi rò van élleflit John. Dan krie:ge we ’t sinjaal um ónder de klangke van de Haalese hòfzèngers ónzen èntree te maake. ’t Is lèkker druk èn mee zie ik al ingkele bekéénde. Nao óns oopeningswoort kumt ter ’n giegantiesse taart èngereeje. Ik sjrik méj ’n hoetje, want die taart is vurzie: van ’n giegantiesse afbilding van méj. Ik mach ‘min éjge’ in stukke snéjje èn we brénge de stukskes taart nò de mènse toe. Óndertusse buurt ik wa mi ingkele èn ’t wért al gòw wér gezèllich. De Haalese hòfzèngers wòrrónder de in Méél bekéénde ‘méster Dings’ zèùrechde vur de muuziekaale umlisjting. Dan wéér ik nò vurre geroe:pe um saame mi de vòrst èn minne atjuudant gehaktbèl te gòn pruu:ve. Èlleke afdélling hi ’n gehaktbal gemakt èn dizze sjòn ‘verpakt’ èn óns èngebòjje. Wéj maage de gehaktbèl tèste óp smaak èn óp prizzentaasie. Ze smaake allemòl ééve zò goe, èn de prizzentaasie is ééve zò tóp. Nò spoetberò zin we der tòch utj èn de winnaars wéére nò vurre geroe:pe.

Ók hébbe we hier ’n òffiesjeel moomènt geplènt. Ik wil hél géér Lies Snijders óndersjééje. Lies was ’n tròwwe voetbalsuupòrter in den titj dè ik in ’t uurst van RKMSV moocht voetballe. Ze was ’n bietje fèn van méj èn ik bén ók enne groeëte fèn van ur. Toe ónze daochters dan ók mi ’n dur ur gebrééjde pónsjoon nò sjool lie:pe, was ik dòr suuppergröts óp. Ók krich ik vruugger nò de wétstréjt enne lekkere knoe:ve èn dizze kriech ik nòw ók umdè ik ur de óndersjééjjing hép övverhandicht. Vur méj, mèr ik zie èn ur straolende gezeecht ók vur ur, ’n fentasties moomènt die ik eenòrm koester. Dan stoeët minnen atjuudant me in de zééj. Ik kie:k óp èn zie iemmes binnekómme die ók óp min lisjke sté. Tis naamelek Jaques Simons. Héj is de ploechléjder van óns fietsklupje ‘vurutj nòch énne dan’. As we ’n wiekkèntje wéchgao nò de Ardènne, Éjfel òf Teutoburgerwalt, dan zèùrecht Jaques vur béjnao alles. Héj kòkt, bepòlt de roettes, réjt de bissemwaage èn zèùrecht mi zinnen ènstéékeleke lach vur ’n zieër aangenaame sfeer téjdes zòn wiekkèntje. Ik bén dan ók suuppergröts dè ik ‘m dizze óndersjééjjing mach gééve. Jaques ik dangk òw èn suuksès in òw stréjt.

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 17

Óppernééj enne verrassing

Óppe woenzich trèf ik de veurberéjdinge vur de vastelaovesmis èn de sluttelövverdracht. Veul tèkste zin hiervur èngeleevert èn ik mach méj dizze ‘éjge maake’. Di doe ik vandaach, èn um zeuven uurre hép ik mi vòrst Ron afgesprooke um dees tèkste saame dur te neeme. As ter óp dè titjstip geklópt wért, dan gao ik dervanutj dè Ron ók vur min deur sté. Mèr zòas zò dik dizze vastelaovend tòt nòw toe, löpt ’t wér gans anders as geplènt. Vur de deur stòn ónze nòbbers Eric èn Miranda, Stan èn Hilde, Willemien èn Marcel. Ók de dörskes van Stan èn Hilde zin derbéj, Elin, Anne èn Leah. Krèk óp dè moomènt kumt Ron ók binne. De nòbbers brénge óns ’n fantasties kedoo, ’n broeëtplangk mi dòrróp minne spreuk. De nòbbers wille éjgelek nòdè se zie: dè ik ’n afspraok hép wér gao, mèr zò wérrekt dè netuurlek nie. Ingkele versnaaperinge wéére gehalt èn de maanslèùj dringke ’n pilske. Sjòn um te zie: dè te nòbbers mi óns ‘meelééve’. Nie weetende wa ze nòch mieër in de plènning hébbe. Nao ’n dik uur doen de nòbbers sich wér óp husj èn, èn beginne Ron èn ik èn de veurberéjdinge. Di kan éfkes, want um hallef neege hébbe we mi Fred èn Silvie van Goe Gehusseld afgesprooke. Ik haa al ’n kedoo van ur gekrigge, mèr toe was Fred nie fit. Nòw gelukkich wal, èn der vòllecht enne hélle gezèlliggen aovent wies in de vruugge uurkes. Fred èn Silvie, èn netuurlek Ron bedangt!

Wa is óns Méél ’n dèùrpke
’n Dèùrpke klieën mèr sjòn
Ik bén der tòch zò gröts óp
Dè ik in dè dèùrpke woon 

(Tèkst utj ‘Óns dèùrpke’ van J. Ghielen/H. Betting)

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 16

Prinsetrèffe Oranjerie Remeunt

Tis de wéék vur de vastelaovend. De mòndich èn dinzich hép ik gewoon gewérrekt èn óp atvies van ingkele aaw prinse die nòch binne de Kieveloeët aktief zin, hép ik vannaf de woenzich vréjgevraocht. Óppe dinziggenaovent sté ’t prinsetrèffe in de Oranjerie in Remeunt óp ’t prógramma. Allemòl prinse utje reegiejoo èn dòrbutje kómme hieróppers. Wéj gòn mi ’n klup van vieftien man richting dizze ‘verenparade’.

Émmel binne zien we mee de uurste bekéénde al: De aaw prinse van Panninge (APK-side) mi ‘de Breurkes’, die dizzen aovent ók ’n óptreeje maage verzèùrege. We loeëpe de zaal in èn atjuudant Mark mèlt óns nètjes èn. Prins Erwin den uurste èn prinsès Lisette. Di betieëkent dè as ze óns eumroe:pe dè wéj nò ’t poodiejum moette èn maage meedanse òf hòsse mi de artiest die óp dè moomènt èn ’t óptreejen is. We zin benééjt. We loeëpe witjer èn ik zie ingkele leeje van de vastelaovesverénniging utj Héjbloem. Ik kén der ’n èntal van èn dòr blief ik dan al ‘hange’. Dan óntmoet ik ’n awt-klasgenoote èn wért ’t al hél gòw hél gezèllich. Den tip um vannaf woenzich vréj te pakke, kan ik nòw al wardeere. Utjéjndelek vinge we ónze plèk in ’t midde van de zaal mi de bar óp loeëpafstant. Al gòwgenóch krie:ch ik óndersjéjjinge van ander verénniginge. Ók mi prinseplétjes vinge greetig aftrèk. Wies Sint Antunnis toe loeëpe ze mi min prinseplétjes. Dan wérter gevraocht òf ik wa wil dringke. Ik géf min muntje èn der gòjt iemmes van ’n ander verénniging ók vééjf muntjes èn ruupt: “doe méj ók mèr vééjf pils”. Ik hép em al ’n paar kérre èngekeeke èn méénj em te hèrkénne, mèr ik wit niet nie mèr wòrvan. Di is de meugelekhéjt um em dernò te vraoge. Veurdè ik de vraoch kan stélle, herkééntjie méj èn ruupt minne naam. Nòw wit ik ’t ók. Di zin de manne utj Néér. Mi ingkele die nòw in de rò van Néér zitte hébbe we ’n dartich jaor geléjje ’n paar vekansies in Renèsse durgebroocht. Hèrrinneringe wéére wér ópgehalt èn der wért wér veul gelache.

Dan wért minne naam èn die van Lisette eumgeroe:pe èn maage we óns nò ’t poodiejum begééve. Footoograaf Johan gé mee um ingkele footoos te knippe, mèr woor al gòwgenóch van ’t poodiejum gehalt. Mèr enne goejje footoograaf veengt dernao zin plèkske wér èn knipt ter wér vroolek óp lòs. Klasse Johan. Saame mi Lisette stao ik nòw mi ’n twénjtjichtal ander prinse óp ’t poodiejum. Dan kumt de artiest, ’n kléénj ménneke mi de pèt aachterstevurren óp. Ik kén dizze nie èn dè is mesjien mèr goe ók. Héj makt ’n sórt ‘ballerman’ meziek mèr dan mi vastelaovestèkst. Di is vur méj génne vastelaovesmeziek èn begééf me dan ók gòwgenóch wér óp de aachtergrónt. Dòr trèf ik nòch enne prins die mi dizze meziek nie veul hi, èn ónder ’t genòt van ’n pilske bekie:ke we ’t taffereel. Dan kie:k ik nò lings èn zie ik dè Lisette ur éjge fésje èn ’t baowe is mi ’n paar ópgesjoote joong. Ze danst ter flingk óp lòs. Nò dréj nummers maage we van ’t poodiejum af èn gòn we wér truch nòr óns plèkske in de zaal. Dòr vie:re wéj óns fésje wies slutjingstitj èn nò ’n footoo mi Big Benny kieëre wéj wér nò ’t Méélse. Enne sjitterenden aovent mèr ’t poodiejummoomènt han ze van méj maage övverslao. Òf bén ik ècht zònne aawe prins?

Hee hee hee hee hee hee, wie bénne géj?
Hee hee hee hee hee hee, wie bénne géj?   
Hee hee hee hee hee hee, wie bénne géj?   
Hee hee hee hee hee hee, wie bénne géj nòw?
Jao héj nòw, wie bénne géj nòw?
Jao héj nòw, wie bénne géj!

(Tèkst utj ‘Wie bénne géj’ van Vals Plat)

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 15

Alvastelaovendpruuve

Óppernééj enne verrassende middich.

Saame mi de Kéjsjeut èn de Véngneuze gòn wéj as Kieveloeët dizze middich Alvastelaovendpruuve. Den uurste kieër dè ti ivvenemènt gehaawe wért. Zòas al érre besjrivve, bén ik eenòrm èn ’t geniette van de Kéjsjeut èn de Véngneuze. Ik bén de afgeloeëpe wéék mi prinsès Robin èn vòrstin Joliena nò de Mac geweest um mekaar nòch bétter te lieëre kénne. Ik mérrek dè se ’t leuk vinge èn ’n afspraok wért gemakt mi prinsès Britt èn prins Niek. Ók mi ur gòn we di kuullienéér hòchstèntje doe:.

Roel èn Sjoerd zin de prizzentatoore van dizze middich èn ze hébbe saame mi de Véngneuze èn Kéjsjeut ’n sjòn ivvenemènt ewéchgezit. De puubliekke belangstèlling mach netuurlek mieër, mèr dè wa ter is makter enne gewèldigge middich van. Ók zie ik maot Erwin èn Bianca wér de zaal binnekómme. Fantasties woe zéj mi óns de Vastelaovend vie:re. Èchte kammerèùj. Lisette duu mi ur vriendinne van Krèk Goe nòch enne kieër ur èkt van de Bónten Aovent. Ik kan hier gén genóch van krie:ge èn ik hoop dè se di nòch dikker gòn doe:. Fenne, Amber èn Pleun doen ur prinsenummer ók nòch enne kieër èn DJ Patrick die dizze middich wér prachtigge vastelaovesmeziek drèèjt, vrèùcht èn de zaal òf ze nòch enne kieër moette óptréjje. Enne ‘We want more’ is dan ’t gevòllech èn zò doen Fenne, Amber èn Pleun nòch enne kieër ur nummer. Ók ik kan hier gén genóch van krie:ge, dè begrieppegéllie wal… ók de winnaars van de Kééj Knappe Kwéékmiddich maage nòch enne kieër óptréjje. Goe Gehusseld, Hannes, Klèpbókse èn netuurlek de Glitterdörskes maake de middich kómpleet. Ók verzèùregt dansgroep Go for it van de Méélse Dörskes nòch enne sjònne dansèkt.

Der is zèèlefs enne ‘battle’ tusse de Kieveloeët, Kéjsjeut èn de Véngneuze. Mònde hép ik óp ’t dènske geoeffent èn nò ’n èntal sekónde wéére we “wéchgejaacht”. Sjitterent dè alle aawers hierèn meewérreke èn vur de méste haa ik ècht sjrik. Ze bleeve de ganse èkt in ur ròl. Sjòn um te zie: De ‘battle’ was nèp, want as ik alle rò van élleve èn prinse, prinsèsse, vòrste èn vòrstinne óp ’t poodiejum roe:p, zie ik enne groeëte ieënhéjt. Wéj gòn dervur! Nò twé jaor van gén wies enne èngepaaste vastelaovend, gòn we der nòw wér vòl vur.

Ik bekómpliemènteer de Kieveloeët vanutj min hart. As prins zie ik nòw van hél deechtbéj wa ’n veurberéjding in dizze vastelaovend zit. Mènse, geluuëf me, di vérrecht hél veul titj èn innerzjie èn dörrum is ’t sjòn um te zie: dè te Roeëj wies de Blaow wies de Kievelvraolie di mi zòveul èntoezjasme doe: um vur iedderieën enne sjitterende vastelaovend wéch te zitte. Fantasties Kieveloeët. Ik geniet hiervan! Feenoomeenaal.

Ik geluuëf, geluuëf dè ik enne Kieveloeëter bén.
’n Vastelaovesgèk
Wa ménje géj dervan
Ik geluuëf, geluuëf, geluuëf dè ik enne Kieveloeëter bén.
Umdè ik nie zónder vastelaovend kan.

(Tèkst utj ‘Ik geluuëf dè ik enne Kieveloeëter bén’ van ’t Fozje)

Dizze alwér sjònne middich slutje we béj de prins van éllef jaor geléjje af. Prins Rudie I verzèùrecht de frietjes èn Resy zèùrecht vur de snèks. Saame mi Ellen, Geert, Pleun, René èn Maud èn netuurlek Stijn èn Jodie maake wéj der enne gezèlliggen aovent van. Dangk vur de gastvréjhéjt!

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 14

De Vastelaoveskrant

’t Is fréjdessaoves èn ik zit vérrich in de woonkaamer. Vandaach hòch bezuu:k. De redaksie van de vastelaoveskrant kumt um méj ’t uurste èksemplaar te övverhandigge. Koen, Annelies, Hans, Jeroen, Roel, Bart en Benny hébbe der ’n sjitterende eediessie van gemakt. Fantasties um al die verhaole te lééze. Mèr ik was héllemòl övverdóndert dur ’t kedoo wa se méj gaave. De próklemaasie gehult in ’n footoolisjt. Dizze krie:cht ’n bezóndere plèk in ’t husj. Dangk òllie wal. Wa vòllecht is enne gezèlliggen aovent wòr alwér nééj iedeeje èn verhaole óntstónge vur de vóllegende krant. Um hallef twieë ging de leeste nò husj. Nèt veur dètte nòrmaale krant in de bus li.

’t Is hallef tie:n as ’t prinsegezin zich gemèlt béj de Heere. Vanne mèèrge sté de verkoeëp van de vastelaoveskrant óp ’t menuu. Uurst ’n bèkske kòffie èn utjléch övver de betaaling èn roette, veurdè we óp pa gao. Saame mi Fenne èn de vòrst beginne we béj ’t Alexanderhof. ’t Is ’n ieër um béj de prins van 1985 èn te maage bèlle. Héj lòt óns mee binne èn biet óns wa te dringken èn. Co Basten is de naam èn ’t wért al mee gezèllich. As di zò dörgé dan wéére der wénnich krante verkaocht. Mèr ik vat méj den titj want ik ving di zò sjòn.

Éfkes latter zit ik béj Irm van Joppe èn tòffel. Zéj is nèt zò èntoezjast as Co èn ik ving ’t fentasties dè ik prins bén. “Géj béént vur méj nòch ècht ’n Joppe-gezeecht!” zi ze. Roel van Joppe is enne kammeraot van óns èn vruugger was kefee Joppe de utjvalsbaazes um óp stap te gao. Dè se me zò nuumt, ving ik ‘n héllen ieër. Dangk Irma, èn wéj zien óns! ’t Verkoeëpe van de krant ving ik sjitterent. Ók trèf ik Dien èn Theo Spee. Theo is aaw kòlleega èn zéj koeëpe drèk twieë krante. Zò trèffe we nòch mieër mènse èn ’t is al gòw titj.

Titj um nò de Maaspoort te gao. Dòr zal de prinsefootoo gemakt wéére mi alle prinse utje reegiejoo. Saame mi de vòrst ééte we ’n utjsmitjerke béj de Heere èn we vertrékke nò Vènloo. Dòr èngekómme zien we al gòw ingkele ander bekéénde èn ’t wért alwér gezèllich. Ók trèf ik de prins van Hòwt-Blérrik. Richard Kersten, enne awwe voetbalmaot van vruugger. We haale hèrrinneringe óp, koestere ’t vléjje, zèch mèr wiesdè de bèèl van de ‘Jocus’ klingt. We moetten óns póziesjooneere. Nò ingkele footoos beslutje Ron èn óndergetieëkende um wér nò ’t Méélse te réjje.

We wéére verwaacht béj Anita Kessels, vastelaovesvierder van 2020. We gòn dòr ’t frètske óphaale. Mi ’n èntal van de rò van éllef èn kómmietee maake we der nòch enne gezèlligge middich van. Sjòn is dètte bruu:r van Anita nòch ónverwaachs éfkes binne kumt. Leon, ’t was sjòn òw wir te zie:. Dangk Anita vur de gastvréjhétj èn we gòn óns zeeker zie:.

Saoves belééf ik mi kammerèùj Ard èn Brendy, atjuudant èn zwaoger Mark èn netuurlek min prinsès Lisette enne fantastiessen aovent béj de Zoes in Panninge. Lekker ééte èn ónder ’t genòt van ’n drèngske lusjtere èn lache nòr èn mi Andy Marcelissen, Tom van Osch, Fer Naus, Erik Mulder èn de fentastiesse Knöppele. Dòr kóm ik der ók aachter dè Omroep P&M goe bekeeke wért. Mieërmaals roe:pe der mènse nò méj. “Hey prins van Meijel!” Nao de buutte blie:ve we nòch éffe hange èn de bar. Ók dòr wéér ik èngesprooke óp minne prinsesjap in Méél. ’t Blieft wènne, mèr di alles zèùrechde óppernééj vur enne geslaachden aovent.

Zalle we der nòch énne vatte?
Zalle we der nòch énne vatte?
We vatte der nòch énne
Nee ik gao nòch laang nie mee
Ik hép ’t hier nò minne zin

(Tèkst utj ‘Zalle we der nòch énne vatte’ van Vals Plat)

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 13

Kééj Knappe Kwéékmiddich

Óppernééj enne verrassende middich.

Wa hép ik zin in dizze middich. ’t Kéjsjeutebal was méj al suupper bevalle. Saame mi de jeugt vastelaovend vie:re is vur méj ’t sjònste wa ter is. Dizze middich zin der aacht délneemende groeppe. Zéj maage twé kérre óptréjje. Óp ’t poodiejum zie ik de spanning béj ingkele groeppe. Ik perbeer ze te kalmeere dur ze enne knoe:vel te gééve èn we bedingke enne jèl. ’t Èntoezjasme wòr ze utjéjndelek mee óptréjje wérrekt ènstéékelek. De wichter in de zaal doen de dènskes èntoezjast mee. Dan wéér ik gevraocht òf ik mi ieën van de délneemende groeppe óppe footoo wil. “Netuurlek!” èn ik loeëp mi ur mee. Dan griept Vòrst Ron in: “Waacht éfkes mi die footoo, dè kan daalek ók wal!” Ruuptjie nò méj. Döjdelek, dus ik loeëp truch de buu:n óp. Wa ik dan zie is vur méj al ieën van min die:rbaarste moomènte van dizze vastelaovend. Óns twé daochters saame mi ur nichje Pleun stòn in ur ‘startpoos’.

Gehult in tiesjèùrt mi den tèkst ‘Prins Erwin’ óppe veurkant, èn ur éjge naam óppe aachterkant. Ik haa Fenne èn Amber al gevraocht òf ze mee wòn doe:, mèr ze zin dè se nie durrefde. Stiekkem hébbe ze al wééke geoeffent wòr de prins van dienst wér niks van in de gatter haa. Bén ik nòw zò dòm, òf zin zéj nòw zò slim. De waterlanders zin der ók wér èn steets mieër mènse beginne méj te kénne. Utj ’t puubliek wéére al tèsnuzzeke utjgeréjkt. Dangk òllie wal! Fenne, Pleun èn Amber brénge as de Prinsedörskes ’t lietje ‘De prins in óns bestao’ óp de milloodie van ’n nummer van De Knoetsòrre. Geert hi wér vur den tèkst gezèùrecht. Dangk zwaoger Geert. Wa ‘n verrassing wér èn de dörskes brénge ’n fórmiedaabel óptréjje. Geniette mi de groeëte G, èn wa kanne ze tòch ’n goe gehéjm bewaare. Dè baart me övverigens wal zèùrech, mèr dè kumt latter wal.

Hierónder den utjslach, mèr éjgelek was ’t puubliek de groeëte winnaar mi enne grötse prins veuróp.

Categorie 1 (t/m groep 5):
De Dolgedrééjde Dorskes – Vastelaovend is perfektóó
DubbelFun – Festuh
De Kwebbeltantes – Tekier gao als 'n bést
Prizzentaasieprisj: De Slokvotte – Snuupkes mi vastelaovend
Beeste Méélse tekst: De Slokvotte – Snuupkes mi vastelaovend

Categorie 2 (groep 6 t/m 16 jaar):
De Kwebbelkes – 't is hier binne bétter dan butje
De Prinsedorskes – De prins in ons bestao
De Vastelaovesduckies – Kwik kwek kwak
Prizzentaasieprisj: De Klurkes – Superheldeh
Beeste Méélse tekst: De Kwebbelkes – 't is hier binne bétter dan butje.

Alle winnaars maage nòch enne kieër óptréjje. Ik stao óp ’t poodiejum èn sjòn is te zie: dètte aawers, die in ’t begin nòch aachterin de zaal stónge, nòw inèns zò gröts wie ’n pòw veurèn stao èn zieër aktief meedoe:. Di is vastelaovend óp èn tóp!

Tusse al di muuziekaal gewèlt dur, geniet ik van de Véngneuze èn de Kéjsjeut. Wa ’n èntoezjasme èn sjòn is dè se der SAAME ’n fésje van maake. Ze hébbe mi mekaar enne sirkel gemakt óp ’t poodiejum. Óndertusse dè ik mi Lisette èn ’t prooste bén, geniet ik van ur saamezin. Lisette zi dè ik derbéj moet stao, mèr dè is zò sjòn dè ik ’t moomènt nie wil ónderbrééke. Dan zie ik Stef umkie:ke èn nòr méj wingke. Ik moet der ók béj kómme stao. Di ving ik zò sjòn dè ik mi betraonde oeëge ’t poodiejum ópzuu:k. Émmel dòr èngekómme roe:pe ze allemòl minne naam èn ik mach in ’t midde stao saame mi Prinsès Britt, Prins Niek, Vòrstin Joliena èn Prinsès Robin. Ik kie:k um méj hin. Wa enne fantastiesse groep saame. Èn wa hép ik zin um mi ur de vastelaovend in te döjke.

Kieveloeëters, Kieveloeëterinne
Kóm der in èn dan kan ’t fést beginne.
De prins èn rò van éllef jao die loeëpe wir veuróp.
Tis wir raak, Méél óp zinne kóp.    

(Tèkst utj ‘Méél óp zinne kóp’ van De Kwéékers)

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 12

Bezuu:k CV De Ulewappers

Paaf, pfffffffft, dòr vlie:cht méj de bandeventiel um de òrre. Soodejuu! Tis de leeste daach ’n gejaach èn alle kante, èn vandaach wilde ik óppentitj vérrich zin vur vertrék. Óppe plènning sté ’n bezuu:k èn CV De Ulewappers utje Nirkant. ’n Bezuu:k wòr we mi de fiets nòrtoe zulle gao. Althans dè was de plènning. Ik moet nòch gòw enne fiets reegele. Óns mam brééngt utjkómst, èn gòw béj ur enne fiets gehalt. Nèt óppentitj vur te ‘steeke’ béj de Heere. Ónder ‘t ‘steeke’ ruupt minnen atjuudant: “Ahaa, dòr is ’t vervoe:r.” Wéj, ‘t ‘Dreigestirn’, loeëpe néjsjierrech nòr de raam èn zien enne traktòr mi höjfkaar stao. Ónzen atjuudant Mark hi wér wa bedaacht. Sjitterent um te zie: woe dè köpke van em nòjt stil sté. Ik vloek in uurste instansie wal, want ik hép dus vur nóppes de fiets gereegelt. Mèr ’t iedee is um lèkker SAAME mi den höjfkaar te gòn, sté méj wal èn.

Èngekómme óppe Nirkant vraocht Mark nò ’t prógramma. De vòrst van dienst kiekt Mark verbòwwereert èn. “Prógramma” zitjie… “Dè hébbe wéj nie!”. Al gòw stao ik mi Prins Lars èn Prinsès (mèr ók Kieveloeëterinneke) Nicole óp ’t poodiejum. Énnichsins verbaast zin wéj van de Kieveloeët as zéj al mee beginne mi óns te óndersjééje. Wéj hébbe di óp ’n latter moomènt van den aovent geplènt. Wa dan óntsté is fantasties mi dievèrze artieste. De wérreltberoemde zanger Bas lòt van zen beeste kant zie: èn ók spónsòr van den aovent ‘De Hangtafel’ hi ’n zangerès gereegelt. Dizze véélt béj iedderieën in de smaak èn vurral Job is nie van ’t poodiejum ewéch te slao.

Ik zie aaw bekéénde dizzen aovent mèr lieër ók wér dievèrze nééj mènse kénne. Der bliekke zèllefs ’n èntal Méélse dörskes (vriendinne van Nicole) ónder de gaste te zitte. Ók sjitterent is ’t dè Maikel èn Jetje der zin. Woone in Nirkant, dus dè is vur ur ’n tusjwétstréjt. Prins Lars nimt wa érre afsjéjt van óns. Hi is ter nie goe èn. Ik wèns Prins Lars béttersjap èn wèns em ók enne suupper vastelaovend toe. Mi Prinsès Nicole vie:re wéj dur wiesdè ónzen höjfkaar wér vérrichsté. We neeme afsjéjt èn ingkele Kieveloeëterinnekes wille mi den höjfkaar mee truch nò Méél. Al zingent kérre wéj husjwaarts. Dokter Rob sjrie:ft ónderweeges nòch ’n resèpt utj èn kóntènt kómme we wér in ’t Limburgse.

Óppernééj enne geslaagden aovent wòr de Kieveloeët sich wér van urre beeste kant hi weete te toone. Dangk vur de gastvréjhétj CV De Ulewappers èn vurral Prins Lars èn Prinsès Nicole netuurlek. Mak der SAAME enne sjitterende vastelaovend van. Mèr dè is òllie wal toevertròwt.

Ik loop hier alleen
In een te stille stad
Ik heb eigenlijk nooit last
Van heimwee gehad
Maar de mensen ze slapen
De wereld gaat dicht
En dan denk ik aan Brabant
Want daar brandt nog licht

(Tèkst utj ‘Brabant’ van Guus Meeuwis)

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 11

Méster Verheijen dél twieë

Van sjooljuf Bo hép ik 'n titje truch 'n verzuu:k gekrigge òf ik 'n kieër wa vraoge van de wichter utj joenit dréj èn vie:r wil beantwoorde. Di is de klas van Amber. Zéj hébbe 't teemaa Vastelaovend. As ik utjléch dè ik dè moet övverlégge, rijjaageert ze verbaast. Ze is nie den énnechste èn as ik utjléch dè ik nie zòmèr dè prinsejèske èn mach doe:, kumt ze der pas aachter dètter hél wa prootekòlle èn 't prinsesjap verbónge zin. Ze toont suupper begrip nò minne utjléch èn we sprééke af óp enne mòndich. Nò övverléch mi de Kieveloeët wért besloote dè ik nie as prins verklét gao. Óppe woenzich hép ik al hél veul brievve maage óntvange èn saame mi Amber (die nie wit dè ik kóm) neeme wéj die brievve dör. Sjitterende vraoge passeere de revuu. Óppe mòndich kóm ik de klas van méster Bram binnegewandelt. Ik krie:ch wér enne fantastiesse knoe:vel van Amber èn nim plats óp de stoe:l die méster Bram vur méj vérrich hi gezit. Ik vuu:l dè veul oeëge óp méj zin gereecht, èn ieën vur ieën stélle ze vraoge. Nao 'n titje zit 't teróp èn mach in nò joenit dréj. Juf Claudia héétj méj dòr wèlkóm èn ók hier kumt den énne vraoch nò den andere óp méj af. As juf Maud zi dètten titj deróp zit, kómme alle wichter méj enne ‘high-five’ gééve. Sjitterent èn tevréjje verlòt ik de sjool. Dè méster zin dè gaajt me wal.

Um twé uurre is de sjool utj. Lisette hi kursus èn afgesprooke is dè ik de wichter gao haale óp sjool. Al keuvelent mi óns Ellen kómme der hél veul wichter nééve die roe:pe: “Héj prins Erwin!” Ellen kiekt méj èn, èn zi: “Ge béént enne beroemthétj vòlleges méj!”. Jao, dè blieft wénne.

Der gebeure dinge die inderdaat sjitterent zin, mèr nòjt wénne. Óppe dinzich kumt Angelique Boumans óp bezuu:k. Ze hi 'n fentasties kedoo laote maake. 't Verhaol wa se derbéj vertéélt makt 't allemòl nòch mieër bezónder. Angelique, dangke! 't Hi intusse al 'n sjòn plèkske gekrigge in ónze husjkaamer. Dizzen èndacht zal nòjt wénne.

Ók óppe woenzich veul èndacht. Bart Nelissen èn Nic Kortenoeven van Omroep P&M kómme ópnaames maake vur 't proogramma ‘Vastelaovend Same’.

Ik hép al de ganse wéék èpkóntakt mi Bart èn utjénjdelek kómme ze um neegen uurre. Flaaj èn drangk is in husj gehalt. Ze zalle weete dè se béj enne prins in Méél zin geweest, èn dètte gastvréjhétj hier suupper is. Saame mi minnen atjuudant wéér ik geïntervjoe:t. Nao afloeëp dringke we nòch wa èn de flaaj wért genutticht. As Bart èn Nic vertrékke, roe:pe Fenne èn Amber: “Dankjewel.” Ze moochte opblie:ve um di mee te maage maake. Tèr verdöjdeleking: Ónze uurste afspraak was um zeuven uurre. Ók naames Lisette, Mark èn méjzèèlef: "Dangk òllie wal!” 't Was leuk um mee te maake, mèr wénne zal 't nòjt.

Wa zòr ge zégge
As ik òw, 'n vraoch veur zao légge
Gén vraoch van jao òf nee
Kóm dingk ens mi méj mee
Wa zòrrege zégge
As ik òw, dees vraoch veur zao légge
Ik zéch lusjter nòw es goe
Hier in Méél dòr is 't te doe:

(Tèkst utj ‘Wa zòr ge zégge’ van Óngerakkesen Doorst)  

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 10

't Kéjsjeutebal

't Is zóndiggemèèrge niggenentwénjtjich fibberwarrie èn we zitte èn de kòffie in Altwérterhééj. We, dè zin óns mam Lisette Fenne Amber èn méjzèèlef. Tante Jacobien is de gastvraow. Ze is 'n zeuster van ónze pap èn vòllecht vanutj Altwérterhééj alles van de Vastelaovend in Méél. Vruugger vie:rde ze, saame mi ome Jan, intèns de Vastelaovend. 't Zit béj de Verheijens in 't bloe. We hébbe ‘n prinsefootoo béj èn ingkele vastelaoveskrante van vruugger. Ik beloof ur dè ik de gezit van di jaor ók vur ur zal koeëpe. Tante Jacobien, dangk vur òw ‘tante Jacobien-knoe:vel’ èn wies gòw!

Vanne middich sté 't Kéjsjeutebal óp 't proogramma. 't steeke is um kwart vur twieë. De mèèrege is dus ‘vréj’. Mèr de Kieveloeët zao de Kieveloeët nie zin aster niks gebeurt. De roeëj hébbe 'n wérrekelek fantastiesse zjèste óp tòw gezit. 'n Fillemke wòrrin ze allemòl óp ur éjge menie:r Patrick 'n hart ónder rie:m stééke. Dè kumt nie allieën béj Patrick binne. Téjdes 't dangkwoort van Patrick béj vertrék nò 't Kéjsjeutebal, zierrege dè dizze béj iedderieën is binnegekómme.

We zin te gast béj de Kéjsjeut. Vanne middich wéére de prins en prinsès ónthult. Jolanda èn Anita zin de prizzentaaters van dizze middich èn doen di óp enne èntoezjaste menie:r dè de wichter, die utj 't kedoo of taart kómme, der béjnao utjpringe as ze ónthult wéére. Fantasties um di èntoezjasme te zie:. De leeste twé ónthullinge zin de prins èn prinsès van di jaor. Prins Niek en Prinsès Britt. Van harte prefiessiejat èn mak der enne fantastiesse Vastelaovend van. Mèr dè gé zeeker goe kómme, want dè géévegéllie zèèlef al èn in òllie spreuk:

Prinsès Britt èn Prins Niek maake saame mi òllie di vastelaovesfést suuppersjiek!

Nao de ónthulling gòn we saame in 'n umhèlzing in 'n kring stao. Ik spréék ze toe, èn den èndacht wòr ze mi lusjtere duu méj deucht. Di is 'n sjòn klupke.

Fer Vercoulen, Kris Lansbergen, Juul Hoefnagels, Britt Verstappen, prins Niek Meusen,,prinses Britt de Keizer, Fiep Rooijakkers, Ymke Tillemans, Sam Strijbos, Noud Rooijakkers, Lucy van Haaren, Indy Meuwissen en Lieke Theeuwen.

Téjdes de póllónééze kóm ik langs ‘ónze Rò van Éllef’ èn ik zie me dòr tòch 'n paar grötse aawers stòn, wa sjòn um te zie:.

Mi grötsichhétj mach ik dizze middich ók 'n óndersjééjing èn iemmes gééve. Minne atjuudant kiekt aaltitj òf de persoon ók ènweezich is. Nao min utjléch wörrum dè ik dizze óndersjééjing wil gééve, noem ik zinne naam èn ik zie ingkele mènse ‘nee’ gebaare. Zao héj de óndersjééjing wéjgere? Mèr mee wért 't döjdelek. Óp 't moomènt dè wéj 't poodiejum ópginge, is Mark nò husj gegao. Héj is ter dus nie. Lisette kumt al ènrènne èn zi dè Mark al óppe truchwéch is. As Mark truch is, èn ik vérrich bén mi de mootievaasie, óntsté der 'n sjitterent applòws. Walverdient Mark, dangk vur alles. As ik em nao 'n titje wér teegekóm èn vraoch òf héj nie nò husj moet, antwoortjie: “Nee, ik hép mèr wér bónne gehalt”. Vurutj nòch énne dan...!

Ik éndjich de middich tusse de jasse. Nie dè ik dróngke òf gevalle bén, mèr ik stao béj de femiellie Berben. Zéj stónge vanne middich béj de garderaobe um gèlt in te zaamele vur ‘Alpe d'Huzes’, wòr versjééje leeje van de femiellie Berben èn mee gòn doe: 'n sjitterent doel, èn ik wèns òllie hél veul suuksès dòrmi. We lache wa af saame èn tevreeje loeëpe we nòr óns kluplókaal. Dòr vòllecht de bekéénde ‘naobesprééking’. 'n Sjòn vastelaovesfést mi jóngk èn awt is heelaas wér tèn éjnde. Óp nò de vòllegende, ik hép ter nòw alwér zin in.

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 9

Vastelaovend, dè bénne géj

De veule poozietievve reejaksies óp min prinselééve óppe sajt van de Kieveloeët doen méj hél goe. Veule maale bedangt dòrvur. 't Wérrekt dan ók zeeker zò mootieveerent um kónstant wér 'n verhaol te sjrie:ve. De uursten aovent nao 't Kéjsjeutebal dè ik den titj hép um hierövver te sjrie:ve, lukt me dè simpelwéch nie. 't Is twieë fibberwarrie èn min gedachtes zin de gansen dach al örges anders. Naamelek aachtien jaor geleeje. Inderdaat ’t is alwér aachtien jaor geleeje.

Hee Vastelaovend jao 't vuult zò gèk èn maf dees daach
Géj béént 't lééve in 't kléénj mi enne traon èn mi enne lach
Te sjòn um di te laote gao, want wittege wa ik ving
't Géft génne toekómst zónder hèrrinnering
Want vastelaovend, jao dè bénne géj

(Tèkst utj ‘Vastelaovend dè benne géj’ van De Knoetsòrre)

Ik léés nòch reegelmaotich 't kóndooleejansriggister. Óp enne vrimde menie:r haal ik hier kracht utj. Erik was netuurlek enne fantastiesse kéérel èn de veule sjònne poozietievve reejaksies die in 't riggister stòn, gééve die kracht. Ók léés ik nummer 434. Dè is min stukske èn dè duu méj nòch steets goe dè ik dè óp pepie:r hép gekrigge:

Wat kan een korte nacht lang zijn.
De hele tijd die wisselende momenten. Tranen, tranen van verdriet, wurrum gij, dan weer die lach op mijn gezicht. Denkend aan die momenten dat ik bij je mocht zijn. Na de oefenwedstrijd in Blerick, waar we met vier man doorzakte in de kantine, daarna bij cafe De Witte. De tijden bij Kubke op de zondagavond. De week in Portugal tijdens het Ek. Ut samen plaatjes draaien bij De Siem. Maar natuurlijk het samen spelen in "ons uurste". Het kampioenschap, de nacompetitie, de trainingen. We zochten mekaar op, want dan wisten we dat we een scherp duel hadden. Maar daarna de omhelzing,het pilsje en de mooie gesprekken tot laat. Want wij hadden kantinedienst.
Godsamme Sjief, ik mis je nu al.

Wat ben ik trots en blij dat je me toeliet in je leven.

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 8

't Bónte wiekkènt

’t Is alwér twénjtjich jannewarrie èn ’t bónte wiekkènt sté vur de deur. Vur méj alzelééve lang ieën van de höchtepunte in ’t vastelaovesséjzoen. Vruugger as toesjòwwer in de zaal. Veul artieste de revuu zien passeere. Perry, Toon èn Giel, Sister Act, Bertine en Linda, Duo Mona nuum ze mèr óp. Zèllefs ’n èkt wòrrin de Sjraavelzek óns (Erwin & Erwin) óp enne ‘fetsoenleke’ èn fentastiese weezje naodin. Latter, vanaf 2004, hép ik ’t bónte wiekkènt ‘belééft’ as délneemer. Ik haa den ieër èn ’t genógge um délgenoot te zin van de Érpelemèèntjes. Di wiekkènt gao ik wér as toesjòwwer ‘belééve’ mèr dan wal óp ’n spésjaale menie:r èn spésjaale plèk. As prins van de Kieveloeët èn boovenóp ’t poodiejum. Ik kan òllie vast verklappe dè ók di bónte wiekkènt wér ieën van de höchtepunte is gewórre van di vastelaovesséjzoen. Dè wit ik nòw al zeeker.

’t Begeent allemòl mi enne giegantiesen dómper. Óp vréjdich rónt éétestitj kumt Vòrst Ròn binne in ónze husjkammer. Héj véélt mee mi de deur in husj. “We hébbe net moette beslutje um de Bónte Middich nie dur te laote gao. Di alles vanweege de besjéjde kartverkoeëp”. Dizze meededélling kumt ‘binne’ béj méj. Den titj dè ‘t óp fréjdessaoves èn sòtterdessaoves plus de zóndiggemiddich vólle bak was, die li jòmmer genóch (vurluuëpich) aachter óns. Mèr ik hép gelieërt um nie te kie:ke nò de bepèrkinge mèr nò de meugelekhéjje (dangk veurzitter). Gòwgenóch trékke we de kónkluuzie dè 't zòtterdich mee suupper moet zin. Vòrst Ron gé nò D'n Binger um óp te baowe. D'n Binger is vandaach verbójje teréjn vur de prins. Ik blief lèkker tusj. Dan krie:cht Lisette tillefoon. Marielle, ieën van de vraolie van de Kieveloeët, bèèlt ur óp (altans dè zi ze). De daames kómme béjén um te besprééke vur 'n meugelek alternatief vur de zóndiggemiddich (althans dè zi ze). Ik geluuëf ur blinjelings.

Óppe zòtterdiggemèèrge kumt René Naus de prinsejas truchbrénge van de stoeëmerééj. Ók Erwin Daems kumt éfkes óppe kòffie. Erwin vraocht èn René woe de ginneraale rippetiessie was verloeëpe. Èn ik haa niks in de gatter hè...

Saoves kumt 't ‘dreigestirn’ béj óns ééte vurdè we nòr D'n Binger gòn. 't Is gezèllich èn vól goejje moe gòn we nò D'n Binger. We hébbe zin derin. We beginne den aovent mi 'n ‘Meet & Greet’ mi de prins. Di is allieën vur eereléjje èn léjje van verdienste van CV de Kieveloeët. 't Is 'n ieër um de ‘crème de la crème’ van de Méélse Vastelaovend te maage toesprééke èn saame mi ur 't glas te höffe. Pé Daniels zao zégge: “Dangk òllie wal!”.

Dan de èntree in de zaal. Vanaf dè moomènt vuu:lege dè 't mi 't èntoezjasme in de zaal wal goe zit. De mééters nòr 't poodiejum, die zin fantasties. Di kan hòst nie fòwt gao. Nao 't oopeningswoort gòn we zitte óp óns plèkke. Joep de Wildt bitj 't spits af óp enne fantastiesse weezje. As héj zò durgé dan kriechtjie ók sen éjge klétlookaal.

Jao, èn dan... Minnen atjuudant zi dètjie moet plasse. De vòrst zi dè de groep ‘Ta Da’ nie kumt ópdaage. Wa gebeurter allemòl? Héj begeent 'n verhaal te vertélle övver 't mannekoeër van Méél. Min blik gé övver de zaal. Geert zie ik inéns nie mér zitte nééve óns Ellen. Erwin zit nie óp sen plèk. Rob èn Rob zin verdweene. 't Zal tòch nie zò zin dè de Érpelemèentjes hun aagèndaas hébbe vréjgemakt èn hier óppe buun zalle versjinje? Dan huuër ik de uurste toone van de ópkómstmeziek van ingkele jòrre truch toe we dizze èkt din. De uurste traone versjinje dan ók wér mee. Tòmme nòch, wa is di klasse. Ik kie:k nie zò géér nòr men éjge. Mèr as alle érpelemèèntjes (mi die brandende fakkels mi 'n mómbakkes van méj óp) minne kantj utj loeëpe, dan wil ik zégge dè 't tòch wal 'n fantasties plétje is. Ieën vur ieën kómme ze óp 't poodiejum. Ze zin der hòst allemòl. 't Rakt méj èn alle kante. Ók in 't puubliek kan dizze sjitterende ópkómst wardeere. Dan moet ik béj de sprékstalméster van de èkt kómme. Kammeraot Erwin hi den ieër èn begeent èn zinne praot. Dörrum woorter óp de zòtterdiggemèèrge zò gelache. Erwin was netuurlek gewoon zèèlef óp de ginneraale rippetiessie. Ik krie:ch enne dikke knoe:vel ónder de noemmer dè 't vandaach nasjoonaale knoe:veldach is. Dangk Erwin! Ók dizze kumt ‘binne’. Vervòlleges begeenter 'n fést van hèrkénning. Al ónze óptréjjes van de afgeloeëpe jòrre passeere de revuu. Erwin èn ik haale ónder de óptréjjes hèrrinneringe óp van 't jaor wa woort utjgevoe:rt. Nao de èkt is der 'n suupper èn walverdient applòws.

Ók mach ik 'n döjt in 't zèkske doe:. As prins maagege iemmes óndersjééje. Ik hép gekózze um Wim Beeks te óndersjééje. Vur méj ieën van min vastelaoveshèlde. As ieën van de gezeechte van de Hepies èn de uurste Méélse vastelaovesvierder van 't jaor. Alwér twé kérre éllef jaor geléjje. Ók bewaar ik sjònne hèrrinneringe èn de dólle mòndigge béj de Siem, wòr Wim der énne van de stamtòffel is. Prefiessiejat Wim, èn suuppersjòn dè ge dizzen aovent meedit mi de Érpelemèèntjes. Dangk! Min twédde óndersjééjing is vur Frans Nijssen. As apsooluutte kartrekker binne de Érpelemèèntjes hi héj dizze óndersjééjing dik en dubbel verdient. Vur méj géélt Frans ók nòch aaltitj as ieën van min beeste voetbaltrééners òjt. Frans zee aaltitj as we wér 'n èkt bedaacht han, èn wéj wér in ’n pèkske wéére gedòwt: “Waat bin ich bliej dèt ich zòn pèkske neet aanhoof.” Klasse is 't dan as ik zie: hoe Frans dizzen aovent óp 't poodiejum sté. Bedangt Frans, klasse!

Utj de grónt van min hart, bedangt manne. 't Was fantasties. 't Di en 't duu méj hél veul. Dangk òllie wal èn alle érpelemèèntjes.

Ja echte vrienden die heb je voor het leven
Die staan volledig achter jou
Het voelt vertrouwd
Met vrienden om je heen

(Tèkst utj ‘Echte Vrienden’ van Gerard Joling èn Jan Smit)

Dizzen aovent krie:gege gén moomènt ‘reust’. Nie dè ik dè géér wil, want ik geniet mi vólle teuge. Lets Do It kumt mi ur éjge meziek óp. Di is alzelééve 'n fantasties plétje . 't Sjònne èn dizze groep is dè ter èn de boovekant dörskes wéchgao, mèr dè ze ók moejteloos èn den ónderkant wér béjgevult wéére. Di zal ók nòjt ten kooste gao van urre kwallietéjt. Ók dizzen aovent wérter wér enne fantastiesen dans mi teemaa ‘Afrika’ wéchgezit. Ze tréjje óp dur gans Neederlant, mèr vergééte nòjt wòr ze vanaf kómme. Klasse dörskes. Dan makt vòrst Ron bekéént dè Maud èn Linsey èn ur leeste séjzoen beezich zin. Wér twieë van die tóppers die ‘ewéchvalle’ mèr die hél zeeker wér ópgevòllecht gòn wéére. Maud èn Linsey, bedangt vur de sjòn jòrre. Nòch 'n footoo èn de dörskes gòn wér nò ur vòllegende óptréjje. Suuksès dörskes èn nòchmaals bedangt!

Vervòlleges kómme de winnaars van de Méélse Liedjesaovend. Blieve Lache èn de Klèpbókse brénge hun winnende nummers. Bezónder jòmmer is dè de Glitterdörskes èn Butjespèl der nie béj zin. De zaal zeengt èntoezjast mee mi de Méélse sjlaagers van di jaor èn maage nao dizze lietjes éfkes geniette van 'n pòwze. In de pòwze is der 'n looterééj. As der enne knappe daame (Mariëlle) enne prisj weent, dan is Rò van Éllef-lit Ard der as de kippe béj um ur de prisj te övverhandigge. 'vrang' is 't dè éfkes latter zin éjge knappe daame de hooftprisj weent, èn Ard mi léjje oeëge moet toezie: dè de prins ur 't kedoo mach övverhandigge. Géér gedao Ard èn prefiessiejat Brendy.

Nao de ‘pòwze’ èn looterééj kumt Berry Knapen as daakdèkker. Wa kan dizze man óp 'n hélle gemèkkeleke weezje, altans zò liekt 't, de zaal èn 't lache krie:ge. Èn dè al zòveul jòrre. 't Daak ging deraf, wa vur enne daakdèkker mesjien nie gans de bedoelling is. Gewoon feenoomeenaal en 't daaverende applòw is dan ók mieër dan terèècht. Berry bedangt èn hoopelek wies gòw!

't Sjònne van de bónte aovende ving ik de kómbie van butjedèùrepse artieste èn de Méélse artieste. De leeste jòrre behuuëre Spèùtj Éllef tòt de faavooriette van méj. Enne bak Méélse taalènte die der 'n vak van hébbe gemakt um 't Mééls néjs, gekómbieneert mi 't naodoe: van Méélse mènse, de revuu te laote passeere. Wéj as Kieveloeët maage aachter in de zaal gòn stao um di alles te ènsjaowe. Wa wéj te zie: krie:ge is éjgelek nie te besjrie:ve, èn dè wil ik ók nie. Dan harregéllie mèr kartjes moette koeëpe. Veul bekéénde Méélse wéére naogedao, èn óp 'n gegééve moomènt wért min vriendin Lisette èngekóndicht. Ik bén méj èn 't bedingke wie ur nao kan doe:, wiesdè tòt min stómme verbaazing Lisette zèèlef de zaal kumt binneloeëpe. “Aha! Dörrum moest ze de leesten titj zòveul ‘vergaddere’ èn ‘utjééte’. Ze duu gewoon mee èn hi dus veul moette oeffene. Ónder andere Peter Gillis wért naogedao èn ik moet mee dingke èn zin móttoo: “Vertrouwen is goed, controleren is beter!”. Netuurlek is dè vur de joeks. Wa 'n verrassing èn 't hawt mèr nie óp. Lisette vat óp 'n gegééve moomènt de miekrefoon èn ruupt méj 't trèpke van 't poodiejum óp. Ze begeent, saame zittent óp 'n trèpke, èn 'n sooloonummer övver méj. Ik haaw 't al laang nie mèr druuëch, èn der wéére en tisjoe:s gebroocht dur de léjje van Spèùtj Éllef. Ze kénne méj bliekbaar. As 't liet mieërstèmmich wért löpt Lisette 't poodiejum óp. Ik kie:k ur nao, èn zie vervòlleges de vriendinne van Krek Goe 't poodiejum ópkómme. Nòw kan zèèlefs 'n dwéjl min traone nie mér èn. Wa 'n verrassing wér. Klasse dè dees dörskes dè vur méj allemòl doe:. Min eemoosies gòn alle kanten utj. Èn zèèlefs de zaal begeent mi ‘We want more!’, dan wittege dè ge dizze èkt van Spèùtj Éllef èn Krek Goe nie allieën méj eenòrm rakt, mèr ók iedderieën in de zaal. Feenoomeenaal. Spèùtj Éllef èn Krek Goe, eenòrm bedangt!

Èn dan moet 't leeste óptréjje nòch kómme. Toe ik huu:rde dè de Kwéékers nò jòrre wér béjén kwaame (zónder dè ze utj mekaar waare), èn wér óp de Bónten Aovend zòn zinge, 't iedee vóng ik fantasties. Vruugger kwaam ik dikker béj Chritiën en Martiën. Latter toe ze al mi de Kwéékers óptraade, èn ik 'n relaasie krich mi Lisette, die toe ieën van de aachtergróntdanserèsse was, bén ik dikker mi ur meegeweest. Hoe spésjaal is ’t dè ze nòw óp de Bónten Aovend óptréjje in min/ons prinsejaor. Ur óptréjje is fantasties èn minne spreuk zal nòjt mér zò sjòn klingke as hoe zéj em bezónge. 'n Moomènt van hénnevèl. Krèk wie 't moomènt dè Lisette, Mariëlle, èn Jolanda nèt wie vanawts wér ur ròl as aachtergróntdanserèsse ópvatte. Niks verlieërt! 'n Walverdient ‘We want more’ vur de Kwéékers kwaam dan ók utj de zaal. Kwéékers, dangk òllie wal vur dizze fantastiesse afslutjing van ennen aovent die ik nòjt, mèr dan ók nòjt gao vergééte.

Téjdes min slotwoort is 't meusjstil in de zaal. 'n Goe puubliek wit woenieër ze èntoezjast moette zin, mèr ók vurral woennieër ze stil moette zin. Di is dus 'n gewèldich puubliek, èn ik begin min woort dan ók dè se 'n daaverent applòws moette gééve vur... ur éjge! Puubliek, géllie waart fantasties. Ik dangk alle artieste èn gao mi enne glimlach van oeër tòt oeër van 't poodiejum dur de zaal nò de foojee. Ónderweeges vuu:l ik èn alle kante dè we getuu:ge waare van 'n feenoomeenaale Bónte Aovend. Heelaas mèr énnen aovent, mèr wal enne fantastiese!

Kieveloeëters, kieveloeëterinne,
Kóm der in èn dan kan 't fést beginne
De prins èn rò van éllef jao die loeëpe wir veuróp
Tis wir raak, Méél óp zinne kóp.

(Tèkst utj ‘Méél óp zinne kóp’ van De Kwéékers)

De zóndich wéér ik wakker mi enne kaater. Nie van den drangk, mèr vanweege 't féjt dè ik besèf dè ter génne bónte middich is. Ik doe min óntbéjt èn doe min prinsepak èn. Óp 't proogramma sté 'n footoomoomènt mi de Kieveloeët béj 't Kievelmènneke. Dan kómme de uurste gelöjje binne dè Spèùtj Éllef èn Krek Goe ur óptréjje nòch enne kieër gòn doe: béj de Heere. Veurnaamelek vur de wichter èn femiellie van diegeene die meedoen, mèr wéj as Kieveloeët wéére ók utjgenöddicht. Béj 't wéchgao van D'n Binger kómme we Fred teege van Goe Gehusseld. “Wa doerregéllie vanne middich?” Vraocht Fred èn méj. “Wéj gòn nòr de Heere van Meijel”. Trómmel de rèst van Goe Gehusseld mèr óp, dan zien wéj óns dòr.” Tis dan suupperknap dè 'n uu:r latter Goe Gehusseld in tenuu en zèèlefs mi Lins in de geléjjere vérrich stòn um béj de Heere 'n nuuëtje te speule. De èkt van Spèùtj Éllef èn Krek Goe is wér fantasties èn wa dernao óntsté, dè is Vastelaovend. Geniette van sjòn mènse um méj hin mi sirriejeuze praot èn veul joeks èn póllónéézes. Wér enne fantastiese middich èn aovent. De mòndich hép ik gelukkich vréj, nèt wie óns wichter. Um én uurre snaachs gòn we as leeste nò husj. As prins hérrege nòw émmel bepòlde verantwoordelekhéjje.

Same höffe wéj 't glas
Óp woe sjòn 't was, 't is vurbéj
Saame wa gezónge nòch, èn we prooste nòw
Óp òw èn méj.
Di was vur óns Vastelaovend.

(Tèkst utj ‘Same Höffe Wéj 't Glas’, van Ghielen & Strijbos) 

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 7

Méster Verheijen

Wéj, vòrst Ron, atjuudant Mark, Rò van Éllef-lit Sjoerd èn óndergetieëkende stòn óp ’t poodiejum. Nie van D’n Binger, nie van de Goejje, èn ók nie van de Siem, mèr van de baazessjool Den Doelhof. We vraoge èn méster Hidde wòr we wéére verwaacht. Vandaach gòn we de vastelaoveslèsse gééve èn joenit zeuve èn aacht van de baazessjool. Méster Hidde hi ’n sjònne vastelaoveskwis in mekaar gezit. Èntoezjast gòn we èn de slach, mèr we mèèrke mee dè ’n hallef uurke zoeë eum is. Iedderieën duu èntoezjast mee èn nao dréj sèssies hébbe we éfkes pòwze.

Méster Hidde hi vur ‘n ‘loeëpent befèt gezèùrecht. ’t Loeëpende gedélte verzèùrechtjie zèèlef èn ’t befèt is ’n gehaktbèlleke de man. Dangk Hidde. Dan kumt der ’n dörske de kentienne binne. Ze géft méj dur dè Amber nòw ók enne bótterham èn ’t ééten is. Atjuudant Mark stoeët méj èn, èn roe:pt: “Derhin!”. Al gòw vòllege we ’t dörske nòr de klas van Amber. Ze ziet méj ènkómme èn de blik in ur oeëge èn de straoling van ur gezeecht zin dan ieën van de höchtepunte vur méj. Wa is ze gröts en ik krie:ch ’n knoe:vel die méj eenòrm ‘rakt’. De juf veengt ’t ookee dè wéj ‘binnevalle’. Ik vraoch klassiekaal òf ze wa weete van de Vastelaovend. Iemmes roe:pt ‘nee’. Ik vraoch èn em: “Wie bén ik?” Wòrróp héj antwoort mi: “De prins.” Dan bilt ik utj dè ik aachter iemmes ènloeëp. Ik vraoch èn de klas: “Wa is di?” Wòrróp dè ze massaal antwoorde mi ‘Póllónééze!’. “Nòw jónges èn dörskes, géllie weete hél veul van de Vastelaovend.” zéch ik. Hieróp zit de juf meziek in èn we loeëpe de ‘langste póllónééze’ òjt óp Den Doelhof. Amber löpt drèk aachter méj èn straolt van oeër tòt oeër. Dus de prins van dienst ók. Nò ’n titje zit de pòwze deróp èn maake we ènstalte um te gao. Dan verrast Amber méj dur de spreuk gans elieën fòwtloos dur de miekrefoon te roe:pe. Fantasties èn mi grötsichhétj verlòt ik mi min gezèlsjap de klas.

Dan wéére we verwaacht in joenit zis. Dè is de klas van Fenne, èn iedderieën zit nètjes klaor. Ók dòr perbeere wéj de wichter èntoezjast te maake, mèr in dizze groep is dè gén próbleem. Vól intrèsse wérter gelusjtert èn de vraoge wéére ieën vur ieën óp óns afgevuu:rt. Ók hier löpt ’t af mi ’n giegantiese póllónééze. Fenne mach ók de spreuk dur de miekrefoon roe:pe. “Klasse dörske!” Ik gééf ur ’n walverdiende knoe:vel èn we verlaote ónder applòws de joenit. Émmel truch in de kentienne dringke we ’n bèkske kòffie èn kie:ke truch óp enne sjònne mèèrge. Alwér énne...

It was a beautiful day
Don't let it get away
Beautiful day

(Tekst utj ‘Beautiful Day’ van U2)

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 6

Véngneuzebal

Vlak veur vertrék nòr ’t P&M-féstieval krigge we ’t bereecht dè awt-prins èn awt-veurzitter van de Kieveloeët, èn nééf van ónze pap Wiel Janssen is dògegao. “Allemol utj ieder huukske, dréj daag in 't carnavalsbruukske”. Wér zòn rasèchte Kieveloeëter die óns is óntvalle. 'Tante’ Fien hél veul stérrekte gewènst. Ók èn de andere naobestònde netuurlek hél veul stérrekte gewènst.

As rasèchte vastelaovesvierder wittege van hél veul aktievietéjte watter gebeurt. Mèr der zin der ók 'n paar, wòrvan ik wal wit wa 't is, mèr zèèlef nòch nòjt bén geweest. Zò ók 't Véngneuzebal óp 14 jannewarrie. Veuraf èn élleke aktievietéjt kumt 't ‘dreigestirn’ béj mekaar èn lòt ik méj éfkes béjpraote. Di ving ik bezónder prèttich. Ók övverlégge we éfkes övver de aktievietéjt van mòndich 16 jannewarrie: de vastelaoveslèsse béj joenit 7 èn 8 óppe baazessjool Den Doelhof.

Wéj trékke as Kieveloeët dikker nòr Stapperij de Vangrail. De uurste kieër was mi de Liedjesaovend. De twédde kieër kómme wéj binne èn Ronald is wér nèt zò entoezjast as toen. Sjitterent. Ók Fenne èn Amber zin mee. Binne de uurste menutj zin we ze ‘kwitj’. Ik zie ze in de gòwwechhétj óp 't poodiejum stao mi vrientjes èn vriendinnekes. Die weechter vatte zich gewoon saame èn gòn wa speule èn danse. Hier kan ik zò van geniette. Dòr kanne we as vólwassene nòch wa van lie:re.

Dan nimt Ellen Janssen naames de Véngneuze 't woort. Óp enne fantastiesse weezje (moocht vòrst Ron enne kieër verhindert zin...) kóndicht zéj de vòrstin èn. Di jaor is der génne prins béj de Véngneuze mèr 'n vòrstin èn 'n prinsès. De spanning nimt toe èn 't mómbakkes gé af. Joliena Jacobs zit aachter 't mómbakkes, èn zéj zal di jaor, saame mi de prinsès, regeere övver 't Véngneuzeriek. Zimmelèèchtich as dè ze is, vat ze de miekrefoon èn grèùjt ze in ur ròl. Klasse Joliena.

Dernao stéélt ze de rò van 10 veur. Ieën vur ieën kómme ze de ‘showbizz-trap’ béj de Vangrail nòr ónder. Dan 't leeste. Zéj is de prinsès van dienst di jaor. Tòt min verbaazing, èn die van óns gezin, kumt Robin van der Heijden derutj. Zéj is de daochter van kammerèùj van óns. Sjitterent netuurlek. De óntlaajing béj ur is groeët èn der kómme traone. Vur méj zieër hèrkénbaar mèr ók as zéj de miekrefoon vat, dan zierrege ur haor grèùje in ur ròl. Di wért 'n fantasties jaor. Twé tòppers óppe veurgront mi 10 èntoezjastelinge deraachter: Stef Donkers, Tijn Vullers, Sven Martens, Albana Klein, Noor Brummans, Mila van Well, Guus Donkers, Michelle Scheres, Senne Hoebergen en Roan Bots.

Hél veul plezie:r en suuksès.

Groeët, kléénj, jóngk òf awt...
Vuul òw tusj, saame maake wéj van de Véngneuzetèmpel 'n gèkkehusj!

In ur spreuk zie ik dè ze méj verwérrekt hi. Groeët èn awt. Ik vraoch ur dan ók, umdè zéj génne prins hi di jaor, òf dè ik ur prins mach zin. Gelukkich knikt ze jao.

't Liekt me sjòn um ens énne kieër de prins te zin
Nòw stél òw dè es veur, ze versierre òw de deur
Iedderieën krie:cht van méj 'n óndersjéjjing
As ik dè ding nòw es béj òw um òwwe nèk hing

(Tèkst utj ‘t Liekt me sjòn’ van Kwartaal)

Der vòllecht 'n sjòn fést èn dievèrze póllónééze vòllege. Ronald drèèjt fantastiesse meziek.

De Glitterdörskes zin ók wér van de pertééj. 'n Fést zónder de dörskes is al hòst gén fést mér. Ók dievèrze butjedèùrepse groeppe kómme binne en vuu:ge zich dertusse.

Dan gòn we vieja de ‘showbizz-trap’ nò boove. Dòr vòllege de òffiesiejeele handelinge. Sjòn um te zie: détter vól intrèsse nò gekeeke wért. Stef zèùrecht af en toe vur wa leecht in de dusjternis dè we di alles ók goe kanne zie:. Ók sjòn is de groep van èntoezjaste léjders die béj de Véngneuze betròkke zin. Ellen, Roel, Petra, Coby, nòbber Miranda èn de (jòmmer genòch afweezigge) Eline. Klasse wèèrek, Barry Stevens zao zégge: “Vooral doorgaan!”.

Nò 'n èntal pilskes èn ‘énne mi de jas èn’ loeëp ik mi Fenna nò husj. Lisette is mi Amber wa érre nò husj gegao. Ópvoetkundich is 't mesjien nie gans goe mèr ik ving 't 'n fantastiesse afslutjing van dizzen aovent. Hant in hant mi ónze awtste daochter loeëp ik in min prinsepak saame nò husj. Ik kóm nòch ingkele féstgangers teege ónderweeges béj de Heere (dè li tòch óp de roette) èn we sjie:te nòch éfkes nò binne.

Dan loeëpe we èn, èn ik huu:r Fenne zégge: “Pappa, ik vóng 't ècht enne suuppersjònnen aovent.” Ik vuul de traone béj méj ópkómme èn ik zéch: “Pappa ók.” Alwér enne suupperaovent!

Ohhh, wat gaat de tijd toch snel
Gisteren nog zag ik haar voor het eerst, lag ze hier in m`n armen
Wat is ze mooi en wat staat de tijd haar goed
Ik knipper m`n ogen en zie hoe ze steeds weer een beetje veranderd is
Maar hoe groot ze ook mag zijn
In mijn ogen blijft ze altijd klein

(Tèkst utj Dochters van Marco Borsato)

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 5

P&M Liedjesfestival te Bòlder

Min uurste òffiesiejeele aktievietéjt as prins van de Kieveloeët butje ónze dèùrepsgrénze is ’t P&M-féstieval te Bòlder. De winnaars van de Méélse lietjesaovent te weete: “Blieve Lache” gòn óns dòr vertiggewórrigge mi ’t lietje “5 ’t Lééve”. Veur ieddere aktievietéjt begeent, wéérege fòrmeel èn infòrmeel béjgepròt övver de betrèffende aktievietéjt.

Fòrmeel téjdes de vergaddering, èn infòrmeel èn de bar dur leeje van de Kieveloeët èn aaw prinse. Övver P&M krie:ch ik te huuëre: “Gewoon enne gezèlliggen aovent vur de prins zónder òffiesiejeele verplichtinge.” Geniette moettege, nòw dè klingt goe! Enne ‘gewoone’ gezèlliggen aovent.

Èn óppernééj zaat ik dernééve.

Óppe vergaddering nèt veur P&M Liedjesfestival krie:ch ik de buslisjt te zie:. Hieróp stòn ingkele naame van kammerèùj van óns. Ók huuër ik viejaa-viejaa détter mieër kammerèùj die kant utjgòn. Tèl dòrbéj óp détter mi Blieve Lache, al ingkele kammerèùj dòr zin. Dan wittege, di wért génne ‘gewoone’ gezèlliggen aovent, di wért enne hélle speesiejaalen aovent.

De Méélse délneemers vertrékke érre um te ‘sòwnttjèkke’. Vòrst Ron èn ik waachte ur óp béj vertrék, èn gééve ur ’n lèkker kaaw pilske. Veul suuksès manne èn wies strakkes!

Den aovent zèèlef is ’n fést van hèrkénning. Ik kóm aaw klasgenoote teege utj ander dèùrepe. Ók zie ik veul aaw voetbalteegestanders. ’t Is fantasties um hier rónt te loeëpe. Ók maak ik kénnis mi ander prinse. Kólleega Peter, prins in Masbree zie ik èn mi prins Leon utj Èchel dringk ik ’n pilske. Ók mi kammerèùj prooste we. Klasse dè se der zin.

Dan peniek: Benny Vaes sprékt méj toe: “As mènse òw wa vraoge, dan zin wéj òw atjuudante.” Mi wie, bedoeltjie zichzèèlef èn Bart Verstappen. Héj zit der ’n tèmpoo in èn löpt zoeë de artiesteruumten in. Minne ‘atjuudant’ Bart vòllecht èn ik baan méj ók enne wéch dur de artieste. Benny en Bart zie ik béjnao nie mér, mèr ik kóm zò óntiechelek veul bekéénde teege dè ik wa ópgehaawe wért. Utjéjndelek tòch ’t poodiejum beréjkt. “Deróp” zee ‘atjuudant’ Benny dwingent. Ik klim deróp èn dòr stòn we. De prins van Méél mi zin ‘aatjuudante’ Benny, Bart èn ók Swen hi sich óp ’t poodiejum gewoorstelt. Benny laachtsich kepót en kiekt tevréjje um zich hin. Héj hi der spòrt van gemakt um de prins van Méél as uurste van alle prinse ’t poodiejum óp te krie:ge. ’t Is ‘m wér gelukt!

Veul póllónéézes vòllege èn ik lie:r veul néjje mènse kénne.

Pim èn Chantal winne utjéjndelek mi ‘Ût Barst Los’ ’t P&M Liedjesfestival èn krie:ge utj haant van Peter Daniels ’t bekéénde Lindebuimke. Blieve Lache véélt nie in de preezje in Bòlder, mèr wal in Méél, dur hun lietje, mèr ók dur urre bótsjap ‘5 ’t Lééve’.

Nao de slòtspietsj béj de Heere vur de ènweezigge èn ingkele ‘boerre’, geniette wéj nòch van ingkele lajf nummers van Geert èn René, òftewal ‘de Knoetsòrre’. Ók hi René nòch ingkele loovende weurt vur de Kieveloeët èn de toesjaowers die mee zin gegao. Klasse èn zò moet ‘t! Saame, dè is Vastelaovend!

Ût barst los! Dae sjtorm van doëzend kleure
Laot mer weije, laot ût gebeure ût griept dich as ût is begos!
ût barst los! Ûn buuj vol konfettieraege betoverd alle waege
De vastenaovenssjtorm sjtaekt op, ût geit weer los

(Tèkst uit Ût barst los! van Pim en Chantal)

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 4

Ónverwaachte gebeurtenisse.

Prinselééve dél: 3

Sjééle Waazel Gala

De Kieveloeëters èn kieveloeëterinne die ènweezich waare óp 3 dizzèmber, zalle dizzen daatum nòjt mèr vergééte. De Sjééle Waazel-aovent begoos nao de wétstréjt van ’t Nidderlants Élleftal. Ze speulde in dezèllefde ópstèlling mi nie gewèldich spèl, mèr han wal Ammirrieka verslaage óp ’t WK voetbal.

Wéj mooste WAL mi ’n èngepaaste ópstèlling beginne. Dirk Kouwenberg moos sich jammer genòch afmèlde vanweege ziekte. Mèr de kwallietéjt van ’n sèllèksie zit ‘m in de brétte van de sèllèksie. Want wa han we tòch ’n goejje vervanger! Dus mi ’n èngepaaste ópstèlling, mèr wal mi fantasties spèl woor ‘t ’n sjitterenden aovent. 

Wa han wéj ’n suupper zaal. Vanaf de uurste menutj, vanaf de uurste buutte was ’t raak. ’t Èntoezjasme van de zaal sloech övver óp de artieste die dernao vólle bak ginge. Sjitterende verhaole kwaame langs. Ik gao ze hie:r nie vertélle, mèr diegeene die der nie béj waare hébbe ècht wa bezónders gemist…

Nao dizzen aovent mi de sjònfemiellie èn nòch inkele ‘hallefbuu:rs en hallefzeusters’ nòch wa naogebòrrelt béj óns tusj. Suupper gezèllich was tè. Um vééjf uurres smèèrges ging iedderieën nò husj. Um zis uurre hép ik Lisette nòch de vraoch gestéélt, èn ze zee inderdaat: “trèk òw mèr goe èn, tis kaaw butje…”

Diegeene die wal óp de Sjééle Waazel-aovent waare die snappen um… Ik bén gòn fietse,

Dan zéch ik sjééle waazel
Dè kan toch nie bestao
Mèr mi dees gèkke daach
Dan kie:k ik dòr nie nao
Dan zéch ik sjééle waazel
Nòw lusjter wa ik zéch
As ‘t sirriejeus wért
Dan bén ik zoeë ewéch

(tèkst utj SJELE WAZEL van VALS PLAT)

De filliesietaasies gòn mèr dur, nèt zòas ’t maake van sjòn hèrinneringe. Óp mòndiggenaovent 12 dizzèmber wéére we verrast dur de vriendinne van Lisètte mi urre partners. Ze han bedaacht um ’n kómpleet dienee mi veurgerècht èn toetje vur óns te maake. ’n Fantasties iedee èn wér enne gezèlliggen aovent die vóllechde. Dangk òllie wal. ’t Was fantasties! Èn èkskuus vur ’t laang waachte…

Dan wéér ik utjgenöddicht vur de kórsvie:ring van de KBO. ’t Is ’n goe gebruuk détte prins mi de veurzitter van de Kieveloeët ’n ‘acte de présance’ géft.
Ik mérrek dè ik zòveul meugelek wil ‘pakke’; Vréj kanne reegele óp ’t wèèrek. Sjitterent hoe zéj meedingke. Dangk òllie wal.
“Ónderweeges pròt ik òw wal béj.” zee veurzitter Rudy. Saame óp wéch nò den Binger. Zónder verwachtinge loeëp ik mee. Émmel dòr èngekómme zitte dòr óngevieër 200 aawere jóngere te geniette in de zaal. ’t Èntal verraste méj. Gòw nòch wa weurt aachterén gezit èn hòp, dè poodiejum óp. As minst jónge prins van de Kieveloeët òjt, vuulde ik méj drèk tusj. Dangk òllie wal vur dizze sjònne middich. ’t Was sjitterent.

’t Groeëte zit em inne reegel in ’t klénje. Óp 23 dizzèmber broochte we (’t Dreigestirn) ’n bezuu:k èn de rippetiesie van Goe Gehusseld. Óns is tèr òrre gekómme dè Saskia nò ’n laang zie:kbét wér kumt rippeteere. Um ur ’n steun in de ruch tie gééve, valle we téjdes de rippetiesie binne èn gééve we ur ’n bluumke. Ur doe:l is meedoe: èn de Bonte Aovend mi Goe Gehusseld óp ’t poodiejum. “Dòr gòn we vur, ik zie òw dan!”

As ik di alles èn ’t sjrie:ve ben, is ’t awtjaorsdach. ’t Bereecht is geestere binnegekómme dè awtprins Frans Strijbos van 1989 is dògegao. Èchte Kieveloeëter die wies sen dò aaltitj vérrich stóng vur de verénniging. Héj haa ók enne sjitterende spreuk: “Van de mèrrige tot de aovend, övveral vastelaovend!” Ók hép ik Frans lie:re kénne as enne èchte supporter in den titj dè ik in ’t uurste van Méél moocht voetballe. Utj èn tusj, aaltitj wasjie ènweezich. Èn de naobestaande veul stérrekte toegewènst.

Òwtoomaaties gòn min gedachtes nòr mèèrege (1 jannewarrie). Tis alwér vééjf jaor geléjje dè ónze pap stierref.

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 2

De liedjesaovend

De Kieveloeëters en Kieveloeëterinne die derbéj waare óp 19 noovèmber, zalle den daatum nòjt mèr vergééte. Min uurste òffiesiejeele aktievietéjt as prins Erwin den uurste. Èn ik hép der zin in. Butje ’t féjt dè Roel Vullers jèùrich bleek te zin, woor ’t ók de alleruurste leegèndaariese Méélse Liedjesaovend béj Stapperij de Vangrail. Ronald, ’t was fantasties! Wa ’n gastvréjhétj, butjegewoon klasse!

Óp den aovent zèèlef makte de délneemers èn de ènweezigge gaste saame der ’n fantasties fést van. Alle zeuve délneemende groeppe straolde eenòrm veul plezie:r èn èntoezjasme utj, èn ’t nievoo makte dè ze allemòl kans makte óp de Kievelprisj. ’t Èntoezjasme in de zaal was nèt zò groeët as óp ’t poodiejum. Fantasties um hier tusse te maage stao. De ónafhankeleke zjuurie besliste dè utjéjndelek BLIEVE LACHE mi ’t lietje ‘5 ’T LÉÉVE’ de Kievelprisj in óntvangst moocht neeme. Vur méj zeeker zò bezónder um mi dizze groep nò ’t P&M Liedjesfestival in Bòlder te gao. Vie:r kammerèùj, vie:r léjje van de Èrpelemèèntjes, wòrónder min éjge zwaoger Geert. Prefiesiejat manne!

De adrenaliene stéjgt wér óp, de eenerzjie die is wér tòp.
Nievootje d’rbéj, di jaor gòn we kóp övver kóp.
Pak òw saame geniet t’r van.
Ik wit zeeker dè ’t kan.
4 ‘t Lééve dè is nie zat, 5 ’t Lééve!

(tèkst utj ‘5 ‘t Lééve van Blieve Lache)

Ik hép óntzéttent veul zin in de dartiende jannewarrie!

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I

Prinselééve dél: 1

De éllefde van den éllefde

Ennen daatum die ik nòjt mèr gao vergééte.

Kieveloeëters èn Kieveloeëterinne, ennen hélle goejjen aovent…..

Di waare de uurste weurt van prins Erwin den uurste óp ’t prinsebal óp den éllefde van den éllefde 2022. Éfkes dòrveur haa ik mi enne gebalde lingkervusjt in de leucht enne kreet van ópleuchting, bléjtsjap èn óntlaajiing  de zaal béj de Heere van Meijel ingeslingert. Ópleuchting, dè ik vòrt gén gehéjm mèr hoefde te bewaare. Blééj dè ik de prins van de Kieveloeët mach zin, èn óntlaajing dè ik ’t ènvaarde van ’t prinsesjap èngedurreft hép. ’t Is naamelek nie vanzèllefspréékent dè ik prins zò wéére…

’t Is énjtj sèptèmber èn ’t was koeëpzóndich in Méél. De femiellie Verheijen bestònde utj óns mam, óns Ellen, zwaoger Geert, daochter Pleun èn wéj, Lisette Fenne Amber èn óndergetieëkende, zitte gezèllech béj de Heere nòch wa te babbele. Ónze daochters hébbe toenèt mi Mekiko ’n fantasties óptréjje gegévve in de Dèùrepstraot. Èn nèt zòas aaltitj wért ‘t béj de Verheijens wér latter as wa ge verwaacht. ‘Zalle we der nòch énne vatte … vurutj nòch énne dan!’ èn dan wért der zèllefs nòch ’n hèpke geééte. Mènse sjuu:ve èn, èn gòn ók wér ewéch. Enne fantastiese middich wòr ik eenòrm van kan geniette.

Daachsternao gé béj méj de tillefoon. Rudy van de Heere van Meijel. Ik dingk mee détte réékening nie klòpt van daachsterveur. Mèr, zò zee Rudy gereuststèllent, de réékening is netjes betalt. Ik bèl éjgelek as veurzitter van de Kieveloeët. Èn óp dè moomènt kumter ennen bròk in minne kéél…

’t Zal tòch nie waor zin. Gòn ze méj nòw de vraoch stélle wòr ik aaltitj van hoopte dè ze die méj NIE zòn stélle? Want dan hoefde ik der ók nie övver nao te dingke. ’t Was nie dè ik zèèlef nie zò WILLE um prins te wéére. As rasèchte vastelaovesvierder willege de vastelaovend ók enne kieër meemaake as prins, mèr ’t was vurral dè ik ’t nie zò DURVE. Baang um fawte te maake. Al òw beslissinge, as ge der al énne makte, aaltitj bedingkende wa den ander dervan zò kanne dingke. ’t Was der ónbedoelt èn ónbewust ingesloope béj méj. Di gé netuurlek ’n héllen titj goe, mèr ’t ging óp ’n gegééve moomènt teege me wééreke, gelukkech!

’t Begeent teege me te wééreke, ’n jaor of neege truch. Wòr ik me alzelééve ’t beeste vuulde zónder faalangst zónder gedachtes, zeeker van minéjge zin, dè was óp ’t voetbalvèlt. Èn dè véélt dur ’n zwaore blèssuurre in énne kieër ewéch. Ik haa (èn hép) ’t dòr hél moejlek mee. In dien titj woore we gelukkech wal de grötse aawers van Fenne èn Amber. Twé fantastiese dörskes die nò ’n èntal jòrre mi de uurste ‘léévesvraoge’ kómme. ‘Papa, wéj moette dizzen aovent danse. Der kómme hél veul mènse. Ik dingk dè ik nie gao, want ik ving dè spannent.’ Èn dòr kwaam ik mi min weezje praot… ‘Dè moettege wal doe:. Di is ’n fantastiese kans, ge krie:chter spitj van as ge dè nie doet… gewoon doe:…’ Èn saoves lach ik in bét èn daacht: “Géj béént enne sjònne… Ge géft òw dörskes goe:j atviezze, mèr zèèlef doerrege der niks mi…”

Zijn hoofd zit barstens vol met plannen,
alleen het doen is een probleem.
Om stil te zitten alle reden, om op te staan vind hij er geen.
Zolang ie droomt is het net alsof het lijkt,
of ie toch iets van zichzelf ziet als ie in de spiegel kijkt
Maar als ik iets zou mogen zeggen, het is geen rechte lijn.
En de grens maar iets verleggen gaat maar zelden zonder pijn,
want de allermooiste bloemen, groeien vlak langs het ravijn.
En om die te kunnen plukken moet je durven bang te zijn.

(tèkst utj ‘Het Ravijn’ van Veldhuis & Kemper)

Titj vur verrandering

Èn dan kumt de vraoch… “Erwin, willegéj de prins zin van de Kieveloeët in ’t séjzoen 2022-23?”

Èn dan gé ter van alles dur méj hin, mèr vurral: “Di is ’T moomènt, di is DE kans um utj min véjlech wérreltje te stappe.” Dus nao ‘n (övverbòjjech) övverléch mi Lisette, want die is wal övveral vur te pòrre, hép ik Rudy gesprooke èn mi vólle övvertuu:ging JAO gezi. Ik WIL de nééj heerser wéére van de Kieveloeët. Èn watter dan gebeurt…

Ik loeëp dur ’n dóngker weechske. Afgesprooke is dè ik dòr örges ópgepikt gao wéére. Der stópt ennen òwtoo èn ik döjk derin èn wéch zin we… ’t liekt wal enne sèène utj enne fillem. ’t Is de wéék vur ’t prinsebal. Dizzen aovent wéér ik veurgestéélt èn ’t kómmietee. In den òwtoo klétj ik méj eum mi de ènweezigge klieër. Dòr zaat ik gans ónhèrkénbaar óp ’n gehéjme lókaasie. De vraoge wéére óp méj afgevuu:rt èn nò ’n kléénj hallef uu:r, hébbe ze méj ‘geraoje’. ’t Ónthaal nao min ónthulling, dè duu méj goe. Dangk èn ’t kómmietee. Èn mee vuulde ik méj de uurste sekónde wèlkóm.

’t Is hallef aacht óp den éllefde van den éllefde. Lisette èn ik roe:pe ónze wichter béj óns… “pappa èn mamma moette òllie nòch wa vertélle, en dè maagegéllie teege niemmes zégge.” … Fenne verraste méj… “Pappa wééregéj prins?” “Jao dörskes … pappa hi den ieër èn de kans gekrigge um prins te maage wéére. Èn ik hép jao gezi…” Nò hél veul vraoge krie:ch ik twé fantastiese knoe:vels. ’n gezinsknoe:vel makt ’n énjtj én di schitterende moomènt… We maage óns vérrich maake vur den aovent…

Lisette, Fenne èn Amber gòn nòr ’n gehéjme lókaasie wòr ze wéére ópgehalt. Ze wéére stiekkem nò de Heere gebroocht. Latter bleek di tòch wal ’n fantastiese ervaaring te zin vur óns dörskes. Ik stao veur in ’t kefee béj de Heere. Afgesprooke is dè ik dòr stao, want wéj gòn mi de kammerèùj aaltitj nòr ’t utjroe:pe van de prins. Èn ’t zò ópvalle as ik der nie béj zò zin, tòch ? Pilske in de haant as vòrst Ron óp enne fantastiese menie:r begeent èn ’t ópbaowe van de spanning. Ik vuu:l me éjgelek wal óp min gemak, tòt ’t moomènt détter ’n paar blikke minne kant óp kómme. “Wééregéj prins Erwin?” Ik antwoort mi: “Ge kéént me tòch… Dè doe: ik ècht nie!” Mèr ik hép zoeë nòch min zèùrech”. Óp dè moomènt kumt Piet Basten binne. Vaader van érpelemèèntje René Basten. Ik maak ’n ópmérking van: “Piet is te vruuch, die zalle ze wal hébbe gebèèlt netuurlek. René Basten, die wért prins!” Di wért dur de kammerèùj um méj hin gelukkech goe ópgepakt èn ik hép óp ’n duuvvelse menie:r den èndacht kénne verlégge. Pfoe!

Dan kumt ’t moomènt… Vòrst Ron die dur de miekroofoon schalt: “…Èn de néjje heerser van ’t Kieveloeëteriek is ……… Erwin Verheijen!”

Dördè ik nòch nie in de zaal bén geweest wét ik héllemòl nie wie der zin èn hoeveul mènse in de zaal ènweezich zin. Mèr de mééters van ’t kefee wies èn ’t poodiejum in de zaal vuu:le as ’n zéégetòcht. Iederieën is èntoezjast, iederieën filliesieteert méj, ik krie:ch sjaowerklópjes èn de uurste knoe:vels wéére gegévve. Wa ’n fantasties gevuu:l èn de twieffels èn ónzeekerhéjt verdwinje as snöw vur de zoon. Béj ’t poodiejum zie ik al min dréj prinsèsjes, Lisette Fenne èn Amber zin vieja de gehéjmen ingang èn de zéjkant van ’t poodiejum utjgekómme. Ik kie:k rónt, ik zie óns Ellen mi Pleun wal, mèr ik mis óns mam… dan wéér ik nò aachter gebroocht èn mach ik óns mam bèlle… “Mam ik bén de néjje prins van Méél…” uurst vèèlt ’n stilte, dernao kómme traone, “Ao wa sjòn!” Ze filliesieteerde méj èn toe kwaame de leegèndaariese weurt: “moet ik nòw kómme?”. Ik antwoort mi: “Dè zò òw sjòn stao!”. ’t Moomènt dè ik óns mam in de èèrem vie:l zal ik nòjt mèr vergééte. Krèk wie de reejaksie van óns Ellen die ik al gòwgenòch óppe tillefoon kan zie: … wa sjitterent … échte bruu:r èn zeusterliefde, Ellen bedangt!

Truch dè poodiejum óp want ik krie:ch de mantel eum, de stéék óp èn de sèpter in min haant. Dan is vur méj ’t sjònne moomènt wòróp ik min utjléch kan gééve èn de spreuk van min prinsejaor. Dè wért dur alle ènweezigge gewardeert. Sjitterent um mee te maake. Dangk òllie wal! Dòr stao ik dan. Tusse vòrst Ron, ieën van de Dólle Mòndig-maote van de Siem èn atjuudant Mark, min éjge zwaoger. Ik kie:k um méj hin. Ik zie alle leeje van de Kieveloeët, de daames mi Goe Gehusseld derbéj. Ik kie:k nòr de veurzitter. We knikke nò mekaar. ’t Zit goe, we gòn derveur!  

When you walk through a storm
Hold your head up high
And don't be afraid of the dark
At the end of a storm
There's a golden sky
And the sweet silver song of a lark
Walk on through the wind
Walk on through the rain
For your dreams be tossed and blown
Walk on, walk on
With hope in your heart
And you'll never walk alone

(tèkst utj ‘You’ll Never Walk Alone’ van Gerry & The Pacemakers)

SAAME as Kieveloeët hébbe we zin derin um SAAME mi de Kieveloeëters èn Kieveloeëterinne der enne fantastiese vastelaovend van te maake…

De resèpsie is in vóllóp beezich. Kammerèùj, vastelaovesbloe òf nie, Méélse wòrvan nie iedderieën mér in Méél wónt. Ze zin der allemòl. Klasse èn dè duu méj écht hél veul.

Minne (vastelaoves)maot Erwin Daems filliesieteert méj óp sen éjge menie:r mi de leegèndaariese uurste weurt: “Géj stómme knook!”. Femiellie, sjònfemiellie, fietsvriende èn zèllefs kòlleegaas. Dè verbaast méj, èngezie: ik der pas ’n hallef jaor èn ’t wèèrek bén. Af èn toe kie:k ik reustich övver de rééj mènse die mèr nie liekt óp te haawe. Kómme die nòw allemòl vur óns? Dè kan tòch nie!

Óppe footoo mi Goe Gehusseld, wa hép ik tòch óntiecheleke zin um mi òllie óp pa te gao, awtklasgenoote die ’n néjje klassefootoo wille maake, aaw prinse die me al wélkòm héétje èn Mark Jansen utj Bòks die veur méj sté: “Der zin mèr wénnich mènse wòrveur ik nò Méél zò réjje, mèr dòr bénnegéj der énne van! De uurste traone (van veule bén ik baang) die vóllege… sjitterende weurt Mark.

Èn zò gòn de uurste filliesietaasies mèr dur èn dur. Ók suuper is dè alle vriendinne van Lisette mi partners ènweezich zin. Sómmige baale dè ze ’n jaor te vruuch zin gestópt mi de Kieveloeët, èkskuus John èn Jolanda!

Nelis die in Zeevenem in de kentienne zit èn huu:rt dè ik prins gewórre bén. “We moette nò Méél!” zitjie teege zinne zoon Jordy. Erwin Verheijen is prins. “Is dè die jóng mi die kreum kneuk?” Nelis die bevestigt dè èn toe zee Jordy: “Dan moette we nò Méél!”

Zò hi ieddere filliesietaasie ennen éjge naam ’n éjge verhaol. Èn dörrum hi élleke filliesietaasie in wélleke vèùrem dan ók eenòrm veul waarde vur óns.

Nòchmaals, mèr dan nòw vieja dizze wéch, wille wéj òllie bedangke naames Lisette, Fenne, Amber èn méjzèèlef.

Allemòl hartstikke bedangt hiervur, feenoomeenaal!

De resèptie wért afgesloote want der zin nòch plichtpleeginge èn dievèrze óptréjjes geplènt. Den aovent verlöpt sjitterent èn ik geniet mi vólle teuge. ’t Wért utjéjndelek vééjf uurre in de vruugge mèèrge as de leeste (Hidde Knops) nò husj hin gé. (Ik bén der óndertusse aachtergekómme dè Hidde pas nò husj gé as iedderieën nòr husj is!)

De dörskes zin ók nòch óp. Wa hébbe ze genoote, dus pappa èn mamma ók. Tevréjje gòn we slaope, wa was ’t sjitterent.

Daachsternao begeent vruuch. ’n Bietje ópruumme mèr de uurste bezuu:kers mèlde zich. Twé kammerèùj die fréjdes nie kooste kómme zin Bertjan Trines èn Ron Wilms. Sjitterent dè zéj daachsternao mee kooste kómme. De leeste die ik nuumde kwaam gans utj Vèlde, klasse! De uurste pilskes wéére alwér genutticht. Dan kómme de andere kammerèùj van de ZÖK èn wért ’t husj versie:rt. Ók hie:r dangk ik òllie vur, fantasties! De haangtòffels wéére wér utjgeklapt èn utjeraart is ’t alwér gezèllich.

Ginswitj huu:r ik ’t lietje ‘Lééve de Kieveloeët’.
Ik kie:k èn zie ’n gruupke ónze kant utj gao.
Ze kómme deechterbéj
Ik zie ballónne
Ze kómme deechterbéj
Ik zie wichter
Ze kómme deechterbéj
Èn dan zie ik ‘t. ’t Zin de vriendinne van ónze twé daochters saame mi inkele aawers.
Dan sjie:t ik vól, di is zò sjòn.

Knoe:vele, high fives wéére gegévve èn dè wért enne fantastiese middich.
Géllie snappe wal dè ’t nie mèr allieën de vriendinne van Fenne èn Amber zin, mèr ’t ók vriendinne van méj zin gewórre.
Dörskes bedangt èn netuurlek ók dangk èn de aawers die di mee meugelek hébbe gemakt. Mènse kómme èn gao, zèllefs vòrst Ron mi partner Wendy kómme éfkes kie:ke.

Um vééjf vur zeuven is iedderieën wér ewéch. Gòw vat ik méj twé lampiejónne, óp nò Sint Marte. Jèjao, ’t lééve gé gewoon dur!

Ók óp zóndich veul bezuu:k gehat van kammerèùj èn bekéénde. ’t Was ók sjòn dè Marlies Thijssen gezèllich óp bezuu:k kwaam, dangk dòrvur!

Èn dan begeent de wéék.
Mòndich: vergaddering van de Kieveloeët.
Dinzich: bezuu:k van onze kléjjingman René èn Maud.
Woenzich: Footoos maake èn dernao vergadderen mi de vraolie van de Kieveloeët.
Dónderdich: bezuu:k van de vurrege prins Pascal Stappers mi zin vraow, vòrst Ron èn minnen atjuudant Mark.
Vréjdich: Héllemòl niks, èn dan is ’t zòtterdich De Méélse Liedjesaovend.


Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I