Activiteiten agenda

Appelaktie
vrijdag 11 oktober
Opening Vastelaovend
maandag 11 november
Prinsebal
zaterdag 16 november
De Méélse Liedjesaovend
zaterdag 30 november
Bónte Aovend Vréjdich
vrijdag 31 januari

Spotify lijst

Vastelaovesvierder 2024

16 feb 2024 Nieuws

Op het Kieveloeëte Treffe is Mark Brummans uitgeroepen tot vastelaovesvierder van Meijel 2024     De vastelaovesvierder van 2024 is iemmes...

Uitslag optocht 2024

12 feb 2024 Nieuws

Rond de klok van 13.30uur konden de eerste deelnemers van start gaan vanaf de nieuwe startlocatie. Dit jaar konden we tijdens de bonte stoet genieten van ruim...

De uurste wéék zit d'r óp, wa is dè vlug gegao zég. Vurrige wéék knalde we lós mi ‘t prinsenbal. Nò de nöddige zinnewe en zwieëtdröppels moog ik beginne. Wa ‘n fést waar dè zég. Sjòn um allemòl de feliesietasies etc in óntvangst te mage neme. Nò versjillende pólónééses en mi iedereën te hébbe gesproke begoos de aafter partie óp d’n Heldesediek wòr de kamerèùj en buurt versierd han en wòr de koffie en de bruuëdjes klaor stónge. D'r ware zòwa 65 man béj méj. Echt sjitterend. Tot in de vruuge mèèrege ging de fésje dur.

Zóndig mèèrege toen we wér wakker ware héb ik me uurst dur de hónderde sms'jes, tweets, Facebook berichte en mails hin gewerkt. Wa ware dè d'r veul zég. Allemòl bedankt dòr vur. Dien dag kwame de femielie en wa kamerèùj nòg trug um èfkes nao te geniete. 'Smiddes bén ik nòg nò de voetbalklub geweest um dòr de loterééj te mage verrichte nao de jaorlekse néjjaorsloeëp. Wér ‘ne sjònne dag mi ‘t naogeniete van ‘t prinsebal. Dur de hél wéék hin héb ik nòg veul kartjes gekrigge en bósse bloeme mage óntvange. Iederieën hartstikke bedankt dòr vur.

Mòndig moochte we fotoos gòn make béj Jeroen, wòr sjòn portretjes wore gemakt van óns. Ónze Aniek en Bente ware gröts dè ze mi de prins óppe foto moochte. Ènslutjend haa ik de uurste ròdsvergaddering béj Colé, dan huuëre ge pas hoe druk die manne ‘t hébbe mi dees daag. Die verzitte bèrrege wèèrek in èfkes tidj.

Dinsdigaovend bén ik èngesjóvve béj de vraolievergaddering. Sjòn um dè ‘s mee te make en te huuëre wa dòr allemòl lééft en de goeje inbréng en ideeje die zéj hébbe wòr de blaow mi èn de slag kénne.

Woensdigaovend hébbe we de aftrap gemakt mi de veurberéjdinge vur de sluttelövverdracht. De uurste veurpret hébbe we al wér gehad. Dè moete gellie mèr ‘s kómme bekieke óp vastelaoveszòtterdig. Mart makt dòr echt sjitterende tekste vur.

Dónderdig moocht ik nòg èfkes trugkómme béj de fotograaf umdè t'r fotoos opnééj genómme mooste wéére. Dòrnao bén ik nòg èfkes mi min tennis kammerèùj ‘n pintje gòn pakke.

Vréjdig zin we övver de breug gegao nò Palladio vur ‘t P&M liedjesfestieval. Ók dòr hébbe we óns wér super vermakt en hébbe we de Brummerkes èntoeziejast èngemoedigd. Béj trugkómst béj de Zwaan hébbe we d’r nòg ‘n fésje èn vaastgeknöpt.

Zòtterdig moochte we óp ‘t kinjerfésje van Goe Gehusseld kómme. 11 Jaor as hòfkepèèl is wòr iedereën wardering vur hi. Ik ók mèr warsjinlek nao de vastelaovend nòg mieër. Al wér genote van ‘n fést. ‘t Waar ók sjòn um mi veul mense béj te praote etc. Goe gehusseld bedankt.

Dees week ware d’r ók dinge die nie zò prettig ware. Sibbe kreeg ‘n klaplóng in de veurberéjding van ‘t prinsebal en is inmiddels geópereerd en herstéllende hiervan. Sibbe béttersjap! De mooder van Ger is dizze week övverleje en de versjrikkeleke ziekte. Ba wa is dè tòch ónérlek. Ger en famielie stèrrekte de kómmende tidj.

Al mi al ‘n drukke mèr geweldige wéék aachter de rug en ik kiek utj nò de vóllegende wééke.

Ik zal próbere òllie béj te blieve praote. Prins Wiljan d'n uurste.

Afslutje doe ik mi minne spreuk.

Ók mi dees daag gao ik sture
Mi al min vastelaoveskure

Vastelaovesvierder 2024

Wil je iemand (persoon of groep) nomineren voor vastelaovesvierder?
Laat het ons weten!

Stuur ons je nominatie

Dè moet in de krant

Heb je een ludiek verhaal of annekdote voor in de vastelaoveskrant?
Laat het ons weten!

Stuur ons je verhaal

Save
Cookies voorkeuren
Wij gebruiken cookies om ervoor te zorgen dat u de beste ervaring krijgt op onze website. Als u het gebruik van cookies weigert, kan het zijn dat deze website niet naar behoren functioneert.
Accepteer alles
Weiger alles
Lees meer
Unknown
Unknown
Accepteer
Weiger