Beeste Kieveloeëters,

In min prinselééve óp dizze sajt hép ik gepróbeert um zèùrechvuldich óp te sjrie:ve wa ik allemòl hép meegemakt de afgeloeëpe titj. ’n Pirriejoode die begoos óp den éllefde van den éllefde 2022. Èn éjgelek al wa érre, naamelek énjtj óktoober. Ók dizze gesjrivve weurt hép ik gedao vanutj min hart. Net wie ik gepróbeert hép te doe: mi min gesprooke weurt. Ik hoop dè géllie dervan genoote hébbe. Ik in èllek geval wal. Genoote van de vastelaovend mèr ók genoote um dizze stukskes te sjrie:ve. Zò belééfde ik alles wér ópnééj.

Dangk vur òllie sjòn reejaksies óp min stukskes. Dè mootieveerde méj nòch mieër um min verhaole óp te sjrie:ve èn mi òllie te délle.

’n Dangkwoort vast èn òllie allemòl.

’t Groeëte dangkwoort èn de dòrbéj behuu:rende weurt zal ik nao den éllefde van den éllefde 2023 mi òllie délle. Dan zit ’t der vur méj héllemòl óp èn gòn we geniette van enne néjje prins.

Vur nòw ’t allerbeeste, nòchmaals dangk èn wies gòw… dingk derèn:

Koester ‘t vléjje, verheuch òw óppe toekómst,
mèr geniet nòw saame van dizze vastelaovend

Prins Erwin I