Activiteiten agenda

Appelaktie
vrijdag 24 oktober
Opening Vastelaovend
dinsdag 11 november
Prinsebal
zaterdag 15 november
P&M Liedjesfestival
zaterdag 10 januari
Bónte Aovend Vréjdich
vrijdag 23 januari

Spotify lijst

Uitslag optocht 2025

03 mrt 2025 Nieuws

Rond de klok van 13.30uur konden de eerste deelnemers van start gaan vanaf het Alexanderplein. Dit jaar konden we tijdens de bonte stoet genieten van ruim 500...

Optocht Meijel volgt alsnog de originele route!

18 feb 2025 Nieuws

Eerder maakten we bekend de optochtroute te wijzigen i.v.m. wegwerkzaamheden. De gemeente heeft na goed overleg met de optochtcommissie van CV de Kieveloeët...

“De Kievel raolt wér”: zòàs veurmalig vorst Peter aaltidj sjòn verwoorde. Gistere hébbe wér d’n aftrap gegééve vur ’n nééj vastelaovesséjzoen. ’n Séjzoen wà ik as prins Rudy II de kómmende twé mònde nòg intenzief mag meemake, vurdè ik plats gao make vur de vóllegende prins en zèèlef ’n funksie zal gòn vervulle in ’t bestuur van de Kieveloeët.

De butjewacht en sòmmige veurgangers zien dees twé mònde as de naodage van ’t prinssjap en èrreges hébbe ze dòr natuurlek wal geliek in. Mèr toch zin die paar aktievietéjte die nòg rèste te sjòn um d’r nie intèns van te geniete. Zò hébbe we geestermèèrege ’t spits wér afgebeete. Um 9.00 ure smèèreges moocht ik nò ’n laang zómmerreses de steek en septer in óntvangst neeme. Dizze kieër echter nie mèr mi de bemoedigende weurd van (veurmalig) kléjjingméster Arthur en (veurmalige) vorst Peter, mèr dur de néjje kléjjingméster Pascal en de néjje vorst Wiljan. Vrimd? Nee zeker nie! Biezunder? Dè zeker Wàl. Utjeraard waar de nestor van de Kieveloeët: adjudant Hans, d’r ók nòg béj en in ’n mum van tidj waar ’t gevuul wér as vanawds.

Nao ’t installeere van de Roeëj, de Blaow en de nééj ènwinste Benny & Carlijn en Wiljan & Natasja, waar de verénniging wér in funksie. In funksie hébbe we um éllef övver éllef , mi éllef kenónsjeut ’t nééj vastelaoves-séjzoen ingesjoote. Di in ’t béjzin van prins Dirk en vorstin Froukje, de kinjer van groep zis en veul awd prinse.

Tusse de middig haa ik ’t veurrecht um in ’t béjzin van vorst Wiljan, adjudant Hans, kléjjingméster Pascal en ròdslit Wout nòg twieë mènse in de bluumkes te mage zitte. Uurst richting ’t zèùregsentrum wòr Cor van de Móp wér ‘ne bós bloeme names de rò van éllef in ótvangst moocht neeme. Ènslutjend hébbe we ‘ne zuute inval gedao béj Mart Rooijakkers. Want as iemes óp de éllefde van de éllefde , zis kér éllef jaor wért, dan mag de Kieveloeët dòr nie óntbrééke. Éjgelek waar d’r génne tidj vur ’n stukske gebak, mèr goe vur sommige dinge moete ge nòw émmel tidj make…

In de middig hébbe we nòg fòrmeel afsjéjd genómme van veurmalig veurzitter Sibbe en Marion; van Arthur en Jolanda en van Michiel en Karin; wòrbéj veurzitter Peter utjeraard ’n prachtig betoog haa veurberéjd. Övver ’tgeen dees leeje allemòl vur de verénniging han betieëkent.

Nao ’t formele gedélte hébbe we utjeraard nòg lèkker ’n pilske gepakt. ’ne Biezundere dag, wòr de verénniging wér ’n èntal biezundere mènse in ’t zunneke hi gezit.

’t Is zò sjòn um ’s énne kieër de Prins te zin…

Alaaf!

Prins Rudy II

 

Ge zaalt ’t snappe,
Ik gao vastelaovend tappe

Vastelaovesvierder 2025

Wil je iemand (persoon of groep) nomineren voor vastelaovesvierder?
Laat het ons weten!

Stuur ons je nominatie

Dè moet in de krant

Heb je een ludiek verhaal of annekdote voor in de vastelaoveskrant?
Laat het ons weten!

Stuur ons je verhaal

Cookies voorkeuren
Wij gebruiken cookies om ervoor te zorgen dat u de beste ervaring krijgt op onze website. Als u het gebruik van cookies weigert, kan het zijn dat deze website niet naar behoren functioneert.
Accepteer alles
Weiger alles
Lees meer
Unknown
Unknown
Accepteer
Weiger
Save